ನಿಮ್ಮ ಬಗ್ಗೆ ತಿಳಿದುಕೊಳ್ಳಿ
ಆನ್ಲೈನ್ ಟ್ಯೂಟರ್ ಆಗುವುದರ ಬಹುದೊಡ್ಡ ಯಶಸ್ಸು ಎಂದರೆ ವಿದ್ಯಾರ್ಥಿಗಳು ನೀವು ತಿಳಿಸಿದ ಮಾಹಿತಿಗಳನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಕಲಿಯುವುದೇ ಆಗಿದೆ. ಇಲ್ಲಿ ನಿಮಗೆ ನೀವೇ ವಿರೋಧಿ ಆಗಿರುತ್ತೀರಿ. ಆದ್ದರಿಂದ ನೀವು ಯಾವುದರಲ್ಲಿ ಪ್ರವೀಣರು, ನಿಮ್ಮ ಸಾಮರ್ಥ್ಯ ಏನು, ಉತ್ತಮವಾಗಿ ಹೇಗೆ ಸಂವಹನ ನಡೆಸಬಲ್ಲಿರಿ ಎಂಬುದನ್ನು ನೀವು ಮೊದಲು ಅರ್ಥಮಾಡಿಕೊಂಡಿರಬೇಕು. ಹಾಗೆ ನಿಮ್ಮ ವೀಕ್‌ನೆಸ್ ಏನು, ಯಾವ ವಿಷಯ ಅಧಿಕವಾಗಿ ಗೊತ್ತಿಲ್ಲ, ಈ ವೀಕ್‌ನೆಸ್‌ಗಳ ನಡುವೆಯೂ ನಾನು ಹೇಗೆ ತರಗತಿಗಳನ್ನು ಮ್ಯಾನೇಜ್‌ ಮಾಡಬಲ್ಲೇ ಎಂಬುದನ್ನು ತಿಳಿದುಕೊಂಡಿರಬೇಕು. ಹಾಗೆ ಬ್ಯುಸಿನೆಸ್ ಬಗ್ಗೆ ತಿಳಿಸುವ ವೇಳೆ ಪ್ರೊಪೋಶಲ್ ಹೇಗೆ ನೀಡಬೇಕು ಎಂದು ಗೊತ್ತಿಲ್ಲದಿದ್ದರೂ, ನಿಮ್ಮ ಸಾಮರ್ಥ್ಯಗಳನ್ನು ಯಶಸ್ವಿಯಾಗಿ ತಿಳಿಸಬೇಕು.
ವೃತ್ತಿಪರರಾಗಿರಿ
ಟ್ಯೂಟರ್ ಆಗುವುದು ಒಂದು ರೀತಿ ನಿಮ್ಮ ಟ್ಯೂಟರ್ ಬ್ಯುಸಿನೆಸ್‌ಗೆ ನೀವೇ ಸಿಇಒ ಆದಂತೆ ಇರಬೇಕಾಗುತ್ತದೆ. ಶಾಲೆ-ಕಾಲೇಜುಗಳಲ್ಲಿ ಒಮ್ಮೆ ನೀವು ತರಬೇತುದಾರರಾಗಿ, ಶಿಕ್ಷಕ-ಉಪನ್ಯಾಸಕರಾರಿದ್ದಲ್ಲಿ ನಿಮ್ಮನ್ನು ನೀವು ಸದಾ ಕಲಿಸಲು ಸಿದ್ಧನಿರುತ್ತೇನೆ ಎಂಬುದನ್ನು ವಿದ್ಯಾರ್ಥಿಗಳಿಗೆ ತಿಳಿಸಿ. ಅಲ್ಲದೇ ವಿಡಿಯೋ ಕಾನ್ಫರೆನ್ಸ್‌ನಲ್ಲಿ ಏನು ಹೇಳಬೇಕು, ಏನು ಹೇಳಬಾರದು ಎಂದು ಅಲೋಚನೆ ಇರಲಿ. ಹಾಗೆ ನೀವು ಟೀಚಿಂಗ್ ಮಾಡುವ ಸ್ಥಳ ವ್ಯವಸ್ಥಿತವಾಗಿರಲಿ.
ಉತ್ತಮ ವೇದಿಕೆಗಳನ್ನು ಆಯ್ಕೆ ಮಾಡಿಕೊಳ್ಳಿ
ಟ್ಯೂಟರ್ ಬ್ಯುಸಿನೆಸ್ ಆಯ್ಕೆ ಮಾಡಿಕೊಳ್ಳುವಾಗಲು ಯಾವ ವಿಷಯಕ್ಕೆ, ಯಾವ ವಿಷಯ ಕಲಿಸಲು ಬೇಡಿಕೆ ಹೆಚ್ಚು ಇದೆ ಎಂಬುದನ್ನು ತಿಳಿದುಕೊಂಡು, ಅದಕ್ಕೆ ಸಂಬಂಧಪಟ್ಟ ಕೌಶಲ ಇದ್ದಲ್ಲಿ ಮುಂದುವರೆಯಬೇಕು. ಇಲ್ಲವಾದಲ್ಲಿ ನಿಮ್ಮನ್ನು ನೀವು ಮಾರ್ಕೆಟಿಂಗ್ ಮಾಡಿಕೊಳ್ಳಲು ಹೆಚ್ಚು ದೀರ್ಘಕಾಲ ತೆಗೆದುಕೊಳ್ಳಬೇಕಾಗುತ್ತದೆ.
ಗಣಿತ ಮತ್ತು ವಿಜ್ಞಾನದಂತಹ ವಿಷಯಗಳನ್ನು ಟೀಚ್ ಮಾಡಲು ಕೇವಲ ಮಾತಿನಲ್ಲಿ ಹೇಳಿದರೆ ಸಾಕಾಗುವುದಿಲ್ಲ. ಬೋರ್ಡ್‌ನಲ್ಲಿ ಬರೆದು ವಿದ್ಯಾರ್ಥಿಗಳಿಗೆ ಅರ್ಥ ಮಾಡಿಸಬೇಕಾಗುತ್ತದೆ. ಆದ್ದರಿಂದ ಆನ್ಲೈನ್ ಟ್ಯೂಟರ್ ಆಗುವಾಗ ಉತ್ತಮ ಟೂಲ್‌ಗಳನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ.
ಉದ್ಯೋಗದಲ್ಲಿ ಸದಾಕಾಲ ಪ್ರಾಡಕ್ಟಿವ್ ಆಗಿರಲು ನೀವು ಹೇಗಿರಬೇಕು ಗೊತ್ತೇ?
ವಿದ್ಯಾರ್ಥಿಗಳು ಸ್ವತಂತ್ರವಾಗಿ ಯೋಚಿಸಲು ಪ್ರೋತ್ಸಾಹಿಸಿ
ವಿದ್ಯಾರ್ಥಿಗಳಿಗೆ ಯಾವಾಗಲು ಸ್ಪೂನ್ ಫೀಡ್‌ ಮಾಡಿದರೆ ಬಹುಬೇಗ ಅವರು ಮರೆಯುತ್ತಾರೆ. ಆನ್ಲೈನ್ ಟ್ಯೂಟರ್‌ಗಳು ಮಕ್ಕಳು ಸ್ವತಂತ್ರವಾಗಿ ಕಲಿಯಲು ಸಲಹೆಗಳನ್ನು ನೀಡುವುದು, ಸ್ವತಂತ್ರವಾಗಿ ರಿಸರ್ಚ್‌ ಮಾಡಲು ಅಲೋಚಿಸಿ ಸಮಸ್ಯೆಗಳನ್ನು ಬಗೆಹರಿಸಲು ಸಹ ಪ್ರೊತ್ಸಾಹಿಸಬೇಕು.
ರಾಕ್‌ಸ್ಟಾರ್‌ ರೆಸ್ಯೂಮ್‌ ರಚನೆಗೆ ಈ 14 ಟಿಪ್ಸ್‌ಗಳು..
ತಪ್ಪುಗಳನ್ನು ಒಪ್ಪಿಕೊಳ್ಳಿ
ನೀವು ಕೇವಲ ಆನ್ಲೈನ್ ಟ್ಯೂಟರ್ ಜಾಬ್‌ ಮಾಡುತ್ತಿರುವುದು ಎಂಬುದನ್ನು ಮರೆಯಬೇಡಿ. ಆದ್ದರಿಂದ ಕೆಲವು ಸಂದರ್ಭಗಳಲ್ಲಿ ಮಿಸ್‌ಟೇಕ್ ಆಗುವ ಅವಕಾಶ ಇರುತ್ತದೆ. ಅಂತಹ ಸಂದರ್ಭದಲ್ಲಿ ತಪ್ಪುಗಳನ್ನು ಒಪ್ಪಿಕೊಳ್ಳಲು ಹಿಂಜರಿಯದಿರಿ. ಇದರಿಂದ ಮಕ್ಕಳಿಗೆ ಕೇವಲ ಪುಸ್ತಕದಲ್ಲಿನ ಸಮಸ್ಯೆಗಳನ್ನು ಮಾತ್ರ ಬಗೆಹರಿಸಲು ತಿಳಿಸುವುದಲ್ಲದೇ ಜೀವನದ ಮೌಲ್ಯಗಳ ಬಗ್ಗೆಯೂ ತಿಳಿಸಿದಂತಾಗುತ್ತದೆ.
ಈ ಎಲ್ಲಾ ಅಂಶಗಳನ್ನು ನೆನಪಿನಲ್ಲಿ ಇಟ್ಟುಕೊಂಡು ಆನ್ಲೈನ್ ಟ್ಯೂಟರ್ ಆಗಿ ಯಶಸ್ವಿಯಾಗಿ ಮುಂದುವರೆಯಬಹುದು.
ಬೆಂಗಳೂರಿನಲ್ಲಿ ಐಟಿ ಕ್ಷೇತ್ರದಲ್ಲಿ ಉದ್ಯೋಗ ಹುಡುಕಲು ಈ ಸರಳ ಟಿಪ್ಸ್‌ ಫಾಲೋಮಾಡಿ..