ಸಂಪರ್ಕಗಳನ್ನು ವೃದ್ಧಿಸಿ
ಸಾಮಾಜಿಕ ತಾಣಗಳನ್ನು ಬಳಸಿಕೊಂಡು ವೃತ್ತಿಪರ ಸಂಪರ್ಕಗಳನ್ನು ಬೆಳೆಸಿಕೊಳ್ಳಿ. ಸಂವಹನ ಕೌಶಲ ಉಪಯೋಗಿಸಿ ಕಂಪನಿಯ ಡಿಸಿಷನ್‌ ಮೇಕರ್‌ಗಳೊಂದಿಗೆಯೇ ಸಂಪರ್ಕ ಬೆಳೆಸಿ. ಕಂಪನಿಯ ಹೆಚ್‌ಆರ್‌ ಮ್ಯಾನೇಜರ್, ಉಪಾಧ್ಯಕ್ಷರು, ಸಂಸ್ಥಾಪಕರು, ಕರಿಯರ್ ಕೋಚ್‌ಗಳು ಇತರೆ. ಇವರುಗಳ ಸಂಪರ್ಕದಿಂದ ಉದ್ಯೋಗ ಕ್ಷೇತ್ರವನ್ನು ಅರ್ಥಮಾಡಿಕೊಳ್ಳಬಹುದು. ಇನ್ನೂ ಉದ್ಯೋಗ ಹರಸುವ ವೇಳೆಯಂತೂ ಹೆಚ್ಚು ಅನುಕೂಲ ಇವರಿಂದ ಪಡೆಯಬಹುದು.
ಕಂಪನಿ/ ಸಂಸ್ಥೆಗಳ ಪೇಜ್‌ ಫಾಲೋ ಮಾಡಿ
ಖಾಸಗಿ ಕ್ಷೇತ್ರದಲ್ಲಿ ಉದ್ಯೋಗ ಬಯಸುವವರು ತಮ್ಮ ನಿರ್ದಿಷ್ಟ ಉದ್ಯೋಗಕ್ಕೆ ಸಂಬಂಧಿಸಿದ ಬ್ಯುಸಿನೆಸ್‌ ವರ್ಲ್ಡ್‌ ಹೇಗಿದೆ ಎಂದು ಅರ್ಥ ಮಾಡಿಕೊಳ್ಳಬೇಕು. ಆದ್ದರಿಂದ ಅಂತಹ ಕಂಪನಿಗಳನ್ನು ಲಿಸ್ಟ್‌ ಮಾಡಿಕೊಂಡು, ಆ ಕಂಪನಿಗಳ ಅಧಿಕೃತ ಫೇಸ್‌ಬುಕ್‌ ಪುಟ, ಟ್ವಿಟ್ಟರ್ ಪೇಜ್‌ ಅನ್ನು ಫಾಲೋ ಮಾಡಬೇಕು. ಅದೇ ಕಂಪನಿಗಳ ದೊಡ್ಡ ದೊಡ್ಡ ಲೀಡರ್‌ಗಳನ್ನು ಫಾಲೋ ಮಾಡಬೇಕು. ಇದರಿಂದ ಆ ಕಂಪನಿಗಳ ಕಾರ್ಯವೈಖರಿ, ತಂತ್ರಗಳು ಅರ್ಥವಾಗುತ್ತವೆ. ಜೊತೆಗೆ ಅಲ್ಲಿನ ಖಾಲಿ ಹುದ್ದೆಗಳ ಬಗ್ಗೆ ಮಾಹಿತಿ ತಿಳಿಯುತ್ತದೆ.
ಪ್ರೊಫೈಲ್ ಎಂಗೇಜ್‌ ಆಗಿರಲಿ
ಸಾಮಾಜಿಕ ತಾಣಗಳ ಮೂಲಕ ವೃತ್ತಿಪರ ಸಂಪರ್ಕಗಳನ್ನು ಹೆಚ್ಚಿಸಿಕೊಳ್ಳುವುದು ಮಾತ್ರವಲ್ಲ. ಜೊತೆಗೆ ನಿಮ್ಮ ಪ್ರೊಫೈಲ್ ಪೇಜ್‌ ಎಂಗೇಜ್‌ ಆಗಿರುವಂತೆ ನೋಡಿಕೊಳ್ಳಬೇಕು. ಕನಿಷ್ಠ ಎರಡು ಅಥವಾ ಮೂರು ದಿನಗಳಿಗೊಮ್ಮೆ ಉತ್ತಮ ಬರಹಗಳು, ಪೋಸ್ಟ್‌ಗಳನ್ನು ಪೋಸ್ಟ್‌ ಮಾಡುವ ಮೂಲಕ ಎಂಗೇಜ್‌ ಆಗಿರಬೇಕು. ಅನಿಸಿಕೆ, ಅಭಿಪ್ರಾಯಗಳು, ಅನುಭವಗಳು, ಯೋಜನೆಗಳು, ಹೀಗೆ ಉತ್ತಮವಾದವುಗಳನ್ನು ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಳ್ಳಬೇಕು. ಆದರೆ ಇತರರ ಹೇಳಿಕೆಗಳನ್ನು ವಿರೋಧಿಸುವುದು, ವಿರೋಧ ಹೇಳಿಕೆಗಳನ್ನು ನೀಡುವುದು, ಸೂಕ್ಷ್ಮ ವಿಚಾರಗಳ ಕುರಿತು ನಿಮ್ಮನ್ನು ಕೆಟ್ಟ ದೃಷ್ಟಿಗೀಡುಮಾಡುವ ಪೋಸ್ಟ್‌ಗಳಿಂದ ದೂರವಿರಿ.
UPSC ತಯಾರಿ.. ಇತರೆ ಯಾವೆಲ್ಲಾ ಪರೀಕ್ಷೆಗಳಿಗೆ ಅನುಕೂಲವಾಗುತ್ತದೆ ಗೊತ್ತೇ?
ವೈಯಕ್ತಿಕವಾಗಿ ಸಂಪರ್ಕಿಸಿ
ನಿಮ್ಮ ಕೌಶಲಗಳಿಗೆ ತಕ್ಕ ಉದ್ಯೋಗ ಪೋಸ್ಟ್‌ ಸಿಕ್ಕಲ್ಲಿ, ಸಂಬಂಧಪಟ್ಟ ಕಂಪನಿಯ ಯಾವುದೇ ಉದ್ಯೋಗಿಯನ್ನು ಸಂಪರ್ಕಿಸಲು ಹೆದರಬೇಡಿ. ಆ ಉದ್ಯೋಗದ ಕುರಿತು ಸಾಕಷ್ಟು ಮಾಹಿತಿಗಳನ್ನು ಪಡೆಯಲು ಮುಂದಾಗಿ. ನಿಮ್ಮ ಸಂಶಯಗಳಿಗೆ ಉತ್ತರ ತಿಳಿಯಿರಿ.
ಉದ್ಯೋಗ ಸಂದರ್ಶನಕ್ಕೆ ಇಂಗ್ಲಿಷ್ ಕಲಿಯುವುದು ಹೇಗೆ?
ಶಿಫಾರಸುಗಳು
ವೃತ್ತಿಪರ ಶಿಫಾರಸುಗಳನ್ನು ಬಳಸಿ, ನೇಮಕಾತಿ ಹೆಚ್‌ಆರ್‌ಗಳನ್ನು ಸಾಮಾಜಿಕ ತಾಣಗಳ ಮೂಲಕ ಸಂಪರ್ಕಿಸಿ. ನಿಮ್ಮ ಹಿಂದಿನ ಕಂಪನಿಯ ಅಥವಾ ಉದ್ಯೋಗ ಬಯಸುತ್ತಿರುವ ಕಂಪನಿಯ ಪರಿಚಿತರಿಂದ ರೆಕಮೆಂಡೇಷನ್‌ಗಳನ್ನು ಪಡೆಯಿರಿ.
ಯಾವುದೇ ಮುನ್ಸೂಚನೆಯಿಲ್ಲದೆ ಕಂಪನಿಗಳು ನೌಕರರನ್ನು ವಜಾ ಮಾಡುವುದು ಎಷ್ಟು ಕಾನೂನು ಬದ್ಧ?