ಒಂದು ವೇಳೆ ಉದ್ಯೋಗದಲ್ಲಿ ಗ್ಯಾಪ್ ಇರುವ ವ್ಯಕ್ತಿ, ಅದಕ್ಕೆ ಸರಿಯಾದ ಕಾರಣಗಳನ್ನು ನೀಡದಿದ್ದಲ್ಲಿ, ತಾನು ಉದ್ಯೋಗ ಬಯಸಿದ ಕಂಪನಿಯ ಉದ್ಯೋಗಕ್ಕೆ ತಾನೆ ಕತ್ತರಿ ಹಾಕಿಕೊಂಡ ಹಾಗೆ.
ಅಂದಹಾಗೆ ಇಂತಹ ಸಂಧರ್ಭಗಳಲ್ಲಿ ಸಂದರ್ಶಕರಲ್ಲಿ, ನೇಮಕಾತಿದಾರರಲ್ಲಿ ಉದ್ಯೋಗ ಗ್ಯಾಪ್ ಆಗಿರುವ ಕುರಿತು ಅಪ್ರೋಚ್ ಮಾಡುವುದು ಹೇಗೆ ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ.
ಕಾಲಾನುಕ್ರಮವಲ್ಲದ ರೆಸ್ಯೂಮ್
ಹಲವು ವಿಧಧ ರೆಸ್ಯೂಮ್ ಇರುತ್ತವೆ. ಕಾಲಾನುಕ್ರಮದಲ್ಲಿನ ರೆಸ್ಯೂಮ್‌ನಲ್ಲಿ ಇತ್ತೀಚಿನ ವರ್ಕ್‌ ಎಕ್ಸ್‌ಪೀರಿಯನ್ಸ್‌ ಬಗ್ಗೆ ತಿಳಿಸಲಾಗಿರುತ್ತದೆ. ಆದರೆ ಕೌಶಲಗಳು ಮತ್ತು ಕಾರ್ಯಾನುಭವವನ್ನು ಮಾತ್ರ ಮೆನ್ಷನ್‌ ಮಾಡುವ ಫಂಕ್ಷನಲ್ ರೆಸ್ಯೂಮ್ ಕ್ರಿಯೇಟ್‌ ಮಾಡಬಹುದು. ನೀವು ಯಾವಾಗ ಕೆಲಸವನ್ನು ಪಡೆದಿದ್ದು, ಯಾವಾಗ ಬಿಟ್ಟಿದ್ದು ಎಂಬ ಮಾಹಿತಿಗಳನ್ನು ಇದರಲ್ಲಿ ನೀಡುವ ಅಗತ್ಯವಿಲ್ಲ.
ಉದ್ಯೋಗ ಗ್ಯಾಪ್ ಅನ್ನು ಎಕ್ಸ್‌ಪೀರಿಯನ್ಸ್‌ ಆಗಿ ನೀಡಿರಿ
ಉದ್ಯೋಗ ಗ್ಯಾಪ್‌ನಲ್ಲಿನ ಸಮಯದಲ್ಲಿ ನೀವು ಯಾವ ಕೆಲಸ ಮಾಡಿರುತ್ತೀರೋ ಅದನ್ನೇ ವರ್ಕ್‌ ಎಕ್ಸ್‌ಪೀರಿಯನ್ಸ್‌ ನಲ್ಲಿ ನೀಡಿರಿ. ಅಲೋಚನೆ ಮಾಡಿದ್ದು, ಅಥವಾ ಸ್ವಯಂ ಸೇವಕರಾಗಿ ಸೇವೆಸಲ್ಲಿಸಿದ್ದು, ಕೃಷಿ ಕೆಲಸ ನಿರ್ವಹಣೆಯನ್ನು ಕಲಿತಿದ್ದು, ಮತ್ತು ಇತರೆ ಮೌಲ್ಯಯುತ ಯಾವುದೇ ಕೆಲಸಗಳನ್ನು ವರ್ಕ್‌ ಎಕ್ಸ್‌ಪೀರಿಯನ್ಸ್‌ ಆಗಿ ನೀಡಬಹುದು.
ಗ್ಯಾಪ್ ಅವಧಿಯ ಕಲಿಕೆ ಹೈಲೈಟ್ ಮಾಡಿ
ರೆಸ್ಯೂಮ್‌ನಲ್ಲಿ ಉದ್ಯೋಗ ಗ್ಯಾಪ್ ಅವಧಿಯಲ್ಲಿ ನೀವು ಏನನ್ನು ಕಲಿತಿರೋ ಅದನ್ನೇ ಹೈಲೈಟ್ ಮಾಡಿ. ಈ ಕಲಿಕೆಗಳ ಪೈಕಿ ಹೆಚ್ಚಿನದಾಗಿ ಸ್ಕಿಲ್‌ಗಳನ್ನು ರೆಸ್ಯೂಮ್‌ನಲ್ಲಿ ಬರೆಯಿರಿ. ಜಾಬ್ ಗೆ ಬ್ರೇಕ್‌ ನೀಡಿ ಜಮೀನು, ಬ್ಯುಸಿನೆಸ್‌ ಇತರೆ ವ್ಯವಹಾರಗಳನ್ನು ಸರಿಪಡಿಸಲು ಓಡಾಟ ನಡೆಸಿದ್ದರೇ ಅದನ್ನೇ ಬರೆಯಿರಿ. ಸಂದರ್ಶನ ವೇಳೆ ಇದೇ ಕಾರಣವನ್ನು ಕಾನ್ಫಿಡೆನ್ಸ್‌ನಿಂದ ಹೇಳಿರಿ.
ಬ್ಯುಸಿನೆಸ್‌ ಸ್ಟಡಿ ಪದವೀಧರರಿಗೆ ಈ ಎಲ್ಲಾ ಕ್ಷೇತ್ರದಲ್ಲಿವೆ ಉದ್ಯೋಗಾವಕಾಶ..!
ಕೌಶಲಗಳನ್ನು ಉಲ್ಲೇಖಿಸಿ
ನೀವು ಗ್ಯಾಪ್ ಅವಧಿಯನ್ನು ಬಳಕೆ ಮಾಡಿಕೊಂಡ ಆಧಾರದ ಮೇಲೆ, ನಿಮ್ಮ ಸ್ಕಿಲ್‌ಗಳನ್ನು ರೆಸ್ಯೂಮ್‌ನಲ್ಲಿ ಸೇರಿಸಿ ಅಥವಾ ತೆಗೆಯಿರಿ. ಉದಾಹರಣೆಗೆ ಪ್ಲಾನಿಂಗ್, ಪ್ರವಾಸ, ಪ್ರವಾಸದಲ್ಲಿ ಇತರೆ ಭಾಷೆಗಳನ್ನು ಕಲಿತಿದ್ದು... ಹೀಗೆ ಕೌಶಲಗಳನ್ನು ಸೇರಿಸಬಹುದು.
ಹೊಸ ಉದ್ಯೋಗಕ್ಕಾಗಿ ಅಭ್ಯರ್ಥಿ ತನ್ನನ್ನು ಉತ್ತಮ ಬ್ರ್ಯಾಂಡ್‌ ಮಾಡಿಕೊಳ್ಳುವುದು ಹೇಗೆ?
ಸಾರಾಂಶ ವಿಭಾಗ
ರೆಸ್ಯೂಮ್‌ನಲ್ಲಿ ಸಾರಾಂಶ ವಿಭಾಗದಲ್ಲಿ ನಿಮ್ಮ ಬಗ್ಗೆ ಹೇಳಿರಿ. ಅಂದರೆ ನೀವು ಏನು, ಯಾರು, ನಿಮ್ಮ ಸಾಧನೆ ಏನು, ಮುಂದಿನ ಗುರಿ ಏನು ಎಂದು ಹೇಳಬಹುದು. ಇದರಲ್ಲಿ ನಿಮ್ಮ ಗ್ಯಾಪ್ ಅವಧಿಯ ಕುರಿತು ಸಹ ವಿವರಿಸಬಹುದು.
ಈ ಸಲಹೆಗಳು ಇಷ್ಟವಾದಲ್ಲಿ ಇತರರಿಗೂ ಶೇರ್‌ ಮಾಡಿರಿ.