'ನಮ್ಮ ಕಂಪನಿಯಲ್ಲಿ ಎಷ್ಟು ದಿನ ಇರುತ್ತೀರಿ' ಎಂಬ ಸಂದರ್ಶನ ಪ್ರಶ್ನೆಗೆ ಉತ್ತರಿಸುವುದು ಹೇಗೆ?

ಕೆಲವೊಂದು ಕಂಪನಿಗಳು ಹೆಚ್ಚು ಟರ್ನ್‌ ಓವರ್ ಹೊಂದಿದ್ದರು, ತನ್ನ ಎಂಪ್ಲಾಯ್‌ಗಳಿಗೆ ನೀಡುವ ವೇತನ ಮಾತ್ರ ಇಂಡಸ್ಟ್ರಿಗೆ ಲೆವೆಲ್‌ಗೆ ಹೋಲಿಸಿದರೂ ಅತಿ ಕಡಿಮೆಯೇ ಇರುತ್ತದೆ. ಆದರೂ ತಾವು ಎಂಪ್ಲಾಯ್‌ಗಳನ್ನು ಸೆಲೆಕ್ಟ್‌ ಮಾಡುವ ವೇಳೆ ಹೆಚ್ಚು ಗುಣಮಟ್ಟ ಕಾಪಾಡಿಕೊಳ್ಳುತ್ತವೆ.

ಉದ್ಯೋಗ ಹುಡುಕಿ ಬರುವ ಉದ್ಯೋಗಿಗಳಿಗೆ, ನೇರ ಪ್ರಶ್ನೆಗಳ ಬದಲು, ಕೆಲವೊಂದು ಟ್ರಿಕ್ಕಿ ಪ್ರಶ್ನೆಗಳನ್ನು, ಸಂದಿಗ್ಧತೆ ಉಂಟುಮಾಡುವ, ಹೇಗೆ ಉತ್ತರಿಸಬೇಕು ಎಂದು ತಕ್ಷಣ ಗೊತ್ತಾದಂತಹ ಪ್ರಶ್ನೆಗಳನ್ನು ನೇಮಕಾತಿ ದಾರರು ಕೇಳುತ್ತಾರೆ. ಅಂತಹ ಪ್ರಶ್ನೆಗಳ ಪೈಕಿ 'How long will you stay with our company' ಪ್ರಶ್ನೆಯು ಒಂದು. ಅಂದರೆ 'ನಮ್ಮ ಕಂಪನಿಯಲ್ಲಿ ಎಷ್ಟು ದಿನ ಇರುತ್ತೀರಿ' ಎಂದರ್ಥ. ಈ ಪ್ರಶ್ನೆಗೆ ಇತರೆ ಕಂಪನಿಗಳಲ್ಲಿ ವರ್ಕ್‌ ಮಾಡಿದ ಅನುಭವಿಗಳೇ ಆದರೂ ಸಹ ತಕ್ಷಣ ಉತ್ತರ ನೀಡಲು ತಬ್ಬಿಬ್ಬಾಗುವುದು ಗ್ಯಾರಂಟಿ. ಇಂತಹ ಪ್ರಶ್ನೆಗೆ ಸುಲಭವಾಗಿ ಉತ್ತರ ಈ ಕೆಳಗಿನಂತಿರಲಿ.

'How long will you stay with our company'?, ಪ್ರಶ್ನೆಗೆ ಉತ್ತರ ಈ ಕೆಳಗಿನಂತಿರಲಿ..

ಸರ್, ನನಗೆ, ನಾನು ವರ್ಕ್‌ ಮಾಡುವ ಕಂಪನಿ ಕೇವಲ ತಿಂಗಳ ಸಂಬಳ ನೀಡುವ ಮೂಲ ಸ್ಥಳ ಮಾತ್ರ ಅಲ್ಲ. ಕಂಪನಿಯ ಬೆಳವಣಿಗೆಗೆ ನನ್ನ ಬೆಸ್ಟ್‌ ವರ್ಕ್‌ ನೀಡುವ ಮತ್ತು ಜೊತೆಗೆ ನನ್ನ ಬೆಳವಣಿಗೆಗೂ ಅನುಕೂಲವಾಗುವ ಮೂಲ ಎಂದೇ ಭಾವಿಸುತ್ತೇನೆ. ಜೊತೆಗೆ ಅಲ್ಲಿ ಉತ್ತಮ ಜೀವನ ಸಿಗುತ್ತದೆ ಎಂದೇ ನಂಬಿಕೊಂಡಿರುತ್ತೇನೆ. ನಾನು ಕೇವಲ ಹಣಕ್ಕಾಗಿ ಮತ್ತು ಪ್ರೊಮೋಷನ್‌ಗಾಗಿ ಕಂಪನಿಗಳನ್ನು ಬದಲಿಸುವ ಚಾಳಿಯನ್ನು ಎಂದು ಹೊಂದಿಲ್ಲ. ಉಳಿದಂತೆ ನನ್ನ ಉಳಿವು ಈ ಕಂಪನಿಯಲ್ಲಿ ನನ್ನ ಮಾತುಗಳನ್ನೇ ಅವಲಂಬಿಸಿರುತ್ತದೆ.

ಒಂದು ವೇಳೆ ಉದ್ಯೋಗ ಆಕಾಂಕ್ಷಿಯದ್ದು ಫ್ರೆಶ್‌ ಎಂಪ್ಲಾಯ್‌ಮೆಂಟ್‌ ಅಲ್ಲದಿದ್ದಲ್ಲಿ, ಒಂದು ಕಂಪನಿಯಿಂದ ಮತ್ತೊಂದು ಕಂಪನಿಗೆ ಪಲಾಯನ ಮಾಡುತ್ತಿದ್ದಲ್ಲಿ, ನಿಜವಾದ ಉತ್ತರ ಹೇಳಿರಿ. ಹಾಗೂ ಒಂದು ಕಡೆ ನೆಲೆಸಲು ಈ ಉದ್ಯೋಗಕ್ಕೆ ಬಂದಿರುವುದಾಗಿ ತಿಳಿಸಿ.

ಉದ್ಯೋಗದ ಸಂದರ್ಶನದಲ್ಲಿ ಕೋವಿಡ್-19 ಬಗ್ಗೆ ಹೇಗೆ ಮಾತನಾಡಬೇಕು?

ಇತ್ತ ಗಮನಿಸಿ

ಯಾವುದೇ ಕಂಪನಿಯಲ್ಲಿ ಉದ್ಯೋಗ ಸಂದರ್ಶನಕ್ಕೆ ಭೇಟಿ ನೀಡುವ ಮುನ್ನ ಆ ಕಂಪನಿಯ ಬಗ್ಗೆ ರಿಸರ್ಚ್‌ ನಡೆಸಿ. ಆ ಕಂಪನಿಯ ಕುರಿತ ಇತ್ತೀಚಿನ ಆಗು-ಹೋಗುಗಳ ಬಗ್ಗೆ ವಿಚಾರಿಸಿ. ನೀವು ಯಾವ ಹುದ್ದೆಗೆ, ಯಾವ ರೀತಿಯ ಕೆಲಸಕ್ಕೆ ಹೋಗುತ್ತಿದ್ದೀರಿ, ಅಲ್ಲಿಯ ವರ್ಕ್‌ ಸ್ಟೈಲ್‌ ಹೇಗಿರುತ್ತದೆ, ಯಾರ ಅಧೀನದಲ್ಲಿ ಕೆಲಸ ಮಾಡಬೇಕಿರುತ್ತದೆ, ಸಂದರ್ಶನಕಾರರು ಯಾರು, ಕಂಪನಿಯ ಸೇವೆ ಏನು ಇತ್ಯಾದಿ ಹಲವು ಮಾಹಿತಿಗಳನ್ನು ತಿಳಿದುಕೊಂಡಿದ್ದಲ್ಲಿ ಸಂದರ್ಶನ ಪಾಸ್‌ ಮಾಡುವುದು, ಕೇಳಿದ ಉತ್ತರಗಳಿಗೆ ಸರಿಯಾದ ಉತ್ತರ ನೀಡುವುದು ಎಲ್ಲವೂ ಸುಲಭವಾಗುತ್ತದೆ.

ಕೊರೊನಾ ಎಫೆಕ್ಟ್‌ ನಡುವೆ ಮನೆಯಿಂದಲೇ ಉತ್ತಮ ರೀತಿಯಲ್ಲಿ ಕೆಲಸ ನಿರ್ವಹಿಸುವುದು ಹೇಗೆ?