ಯುಜಿಸಿ ಎನ್‌ಇಟಿ ಅರ್ಹತೆ ಪಡೆದ ಸಹಾಯಕ ಪ್ರಾಧ್ಯಾಪಕರ ವೇತನ ಎಷ್ಟಿರುತ್ತದೆ?

ಯುಜಿಸಿ ಎನ್‌ಇಟಿ ಸರ್ಟಿಫಿಕೇಟ್‌ ಸಹಾಯಕ ಪ್ರಾಧ್ಯಾಪಕ ಮತ್ತು ಜೂನಿಯರ್‌ ರಿಸರ್ಚ್‌ ಫೆಲೋಶಿಪ್‌ಗೆ ಅರ್ಹತಾ ಮಾನದಂಡವಾಗಿದೆ. ಎನ್‌ಇಟಿ ಅರ್ಹತೆ ಗಳಿಸಿದ ಅಭ್ಯರ್ಥಿಯು ದೇಶದಾದ್ಯಂತದ ಯಾವುದೇ ಸ್ನಾತಕ ಮತ್ತು ಸ್ನಾತಕೋತ್ತರ ಪದವಿ ಕಾಲೇಜುಗಳು / ವಿಶ್ವವಿದ್ಯಾಲಯಗಳ ಸಹಾಯಕ ಪ್ರಾಧ್ಯಾಪಕ ಹುದ್ದೆಗಳ ನೇಮಕಾತಿಗೆ ಅರ್ಜಿ ಸಲ್ಲಿಸಬಹುದು.

ಎನ್‌ಇಟಿ ಅರ್ಹತೆ ಪಡೆದವರಿಗೆ ವೇತನ ಎಷ್ಟು ?
ಎನ್‌ಇಟಿ ಅರ್ಹತೆ ಪಡೆದ ಅಭ್ಯರ್ಥಿಗಳು ಸರ್ಕಾರಿ ಕಾಲೇಜು/ ವಿಶ್ವವಿದ್ಯಾಲಯಗಳಲ್ಲಿ ಸಹಾಯಕ ಪ್ರಾಧ್ಯಾಪಕ ಹುದ್ದೆಗೆ ನೇಮಕಗೊಂಡಲ್ಲಿ ಪ್ರತಿ ಮಾಸಿಕ ರೂ.75,000 ವೇತನ ಪಡೆಯಬಹುದು.

ಎನ್‌ಇಟಿ ಅರ್ಹತೆ ಜತೆಗೆ ಜೂನಿಯರ್ ರಿಸರ್ಚ್‌ ಫೆಲೋಶಿಪ್‌ಗೆ (JRF) ಅರ್ಹತೆ ಪಡೆದವರು 5 ವರ್ಷಗಳ ಕಾಲ ಪಿಹೆಚ್‌ಡಿ ಪ್ರೋಗ್ರಾಮ್‌ ಗೆ ಹಣಕಾಸು ಸಹಾಯ ಪಡೆಯಬಹುದು.

- ವಿಜ್ಞಾನ, ಮಾನವಿಕ ವಿಭಾಗ ಮತ್ತು ಸಮಾಜ ವಿಜ್ಞಾನ ವಿಭಾಗಗಳಲ್ಲಿ ಜೆಆರ್‌ಎಫ್‌ ಪಡೆದವರಿಗೆ ಮಾಸಿಕ ರೂ.31,000 ಫೆಲೋಶಿಪ್‌ ನೀಡಲಾಗುತ್ತದೆ. 2019 ಜೂನ್‌ ತಿಂಗಳಿಂದ ಈ ಪರಿಷ್ಕೃತ ಫೆಲೋಶಿಪ್ ನೀಡಲಾಗುತ್ತಿದೆ. ಅದಕ್ಕೂ ಮೊದಲು ರೂ.25,000 ನೀಡಲಾಗುತ್ತಿತ್ತು.
- ಸೀನಿಯರ್ ರಿಸರ್ಚ್‌ ಫೆಲೋಶಿಪ್‌ ಹಣ ಮಾಸಿಕ ರೂ.35,000 ನೀಡಲಾಗುತ್ತದೆ.
- ಮೊದಲ ಎರಡು ವರ್ಷ ಜೂನಿಯರ್‌ ರಿಸರ್ಚ್‌ ಪೆಲೋಶಿಪ್ ಹಣ ಪಾವತಿಸಲಿದ್ದು, ನಂತರದ ಮೂರು ವರ್ಷ ಸೀನಿಯರ್ ಫೆಲೋಶಿಪ್ ನೀಡಲಾಗುತ್ತದೆ.

ಯುಜಿಸಿ ಎನ್‌ಇಟಿ ಸೇರಿದಂತೆ ವಿವಿಧ ಪರೀಕ್ಷೆಗಳಿಗೆ ಎನ್‌ಟಿಎ ವೇಳಾಪಟ್ಟಿ ಪ್ರಕಟ

ಯುಜಿಸಿ ಎನ್‌ಇಟಿ ಪರೀಕ್ಷೆ ತೆಗೆದುಕೊಳ್ಳಲು ಅರ್ಹತೆಗಳೇನು?
- ಸಾಮಾನ್ಯ ವರ್ಗದ ಮತ್ತು ಮೀಸಲಾತಿಗೆ ಒಳಪಡದ ಅಭ್ಯರ್ಥಿಗಳು ಯಾವುದೇ ಸ್ನಾತಕೋತ್ತರ ಪದವಿಯಲ್ಲಿ ಶೇ.55 ಅಂಕಗಳೊಂದಿಗೆ ಪಾಸ್‌ ಆಗಿರಬೇಕು.
- ಇತರೆ ಹಿಂದುಳಿದ ವರ್ಗಗಳ ಅಭ್ಯರ್ಥಿಗಳು, ಆರ್ಥಿಕವಾಗಿ ಹಿಂದುಳಿದ ವರ್ಗಗಳ ಅಭ್ಯರ್ಥಿಗಳು, ಎಸ್‌ಸಿ/ಎಸ್‌ಟಿ, ಪಿಡಬ್ಲ್ಯೂಡಿ ಅಭ್ಯರ್ಥಿಗಳು ಶೇ.50 ಅಂಕಗಳೊಂದಿಗೆ ಪಾಸ್‌ ಆಗಿರಬೇಕು.

ಯುಜಿಸಿ ಎನ್‌ಇಟಿ ಪೇಪರ್-1 ಪರೀಕ್ಷೆ ಸಿದ್ಧತೆಗೆ ಬೆಸ್ಟ್‌ ಬುಕ್‌ ಯಾವುದು?

ಯುಜಿಸಿ ಎನ್‌ಇಟಿ ಪರೀಕ್ಷೆ ಮಾದರಿ ಹೇಗಿರುತ್ತದೆ?
ಯುಜಿಸಿ ಎನ್‌ಇಟಿ ಪರೀಕ್ಷೆಯನ್ನು ಎನ್‌ಟಿಎ'ಯು ಒಟ್ಟು 300 ಅಂಕಗಳಿಗೆ ನಡೆಸುತ್ತದೆ. ಸಾಮಾನ್ಯ ಪ್ರಶ್ನೆ ಪತ್ರಿಕೆ ಪೇಪರ್ 1 ಎಲ್ಲಾ ಅಭ್ಯರ್ಥಿಗಳಿಗೆ ಸಾಮಾನ್ಯವಾಗಿದ್ದು, 100 ಅಂಕಗಳ 50 ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ. ವಿಷಯ ಪತ್ರಿಕೆ 200 ಅಂಕಗಳ 100 ಪ್ರಶ್ನೆಗಳನ್ನು ಒಳಗೊಂಡಿದ್ದು ಎಲ್ಲಾ ಪ್ರಶ್ನೆಗಳಿಗೂ ಉತ್ತರಿಸಬೇಕಾಗಿರುತ್ತದೆ. ಒಟ್ಟು 300 ಅಂಕಗಳಿಗೆ 3 ಗಂಟೆ ಸಮಯ ಕಂಪ್ಯೂಟರ್ ಆಧಾರಿತ ಪರೀಕ್ಷೆ ನಡೆಸಲಾಗುತ್ತದೆ.

3 ಗಂಟೆ ಅವಧಿಯಲ್ಲಿ ಅಭ್ಯರ್ಥಿಯು ಎರಡು ಪತ್ರಿಕೆಗಳಲ್ಲಿ ಯಾವ ಪ್ರಶ್ನೆ ಪತ್ರಿಕೆಯನ್ನು ಬೇಕಾದರೂ ಮೊದಲು ಆಯ್ಕೆ ಮಾಡಿಕೊಂಡು ಉತ್ತರಿಸಲು ಅವಕಾಶ ಇರುತ್ತದೆ. ಪರೀಕ್ಷೆ ಆರಂಭವಾದ ನಂತರ ಲಾಗಿನ್‌ ಆಗಿರುವ ಪೇಜ್‌ನ ಮೇಲ್ಭಾಗದಲ್ಲಿ ಪೇಪರ್ I ಮತ್ತು ಪೇಪರ್ II ಆಯ್ಕೆ ಮಾಡಿಕೊಳ್ಳಬಹುದು.

UGC NET ಮೊದಲ ಪ್ರಯತ್ನದಲ್ಲೇ ಪಾಸ್ ಮಾಡಬಹುದೇ? ಕೊನೆಯ 2 ತಿಂಗಳ ತಯಾರಿ ಹೇಗಿರಬೇಕು?