ಪೂರ್ವ ಕೇಂದ್ರ ರೈಲ್ವೆಯಲ್ಲಿ ಕ್ರೀಡಾ ಕೋಟದಡಿ ಹುದ್ದೆಗಳ ನೇಮಕ: ಅರ್ಜಿಗೆ ಸೆ.30 ಕಡೆ ದಿನ

ಪೂರ್ವ ಕೇಂದ್ರ ರೈಲ್ವೆಯಲ್ಲಿ 2 ರಿಂದ 5 ನೇ ವೇತನ ಶ್ರೇಣಿಯ 21 ಹುದ್ದೆಗಳ ನೇಮಕಾತಿಗಾಗಿ ಅರ್ಜಿ ಆಹ್ವಾನಿಸಲಾಗಿದೆ. ಈ ಹುದ್ದೆಗಳನ್ನು ಸಂಪೂರ್ಣವಾಗಿ ಕ್ರೀಡಾ ಕೋಟದಡಿಯಲ್ಲಿ ನೇಮಕಾತಿ ಮಾಡಲಾಗುತ್ತದೆ.

ವಾಲಿಬಾಲ್, ಕಬ್ಬಡಿ, ಬಾಸ್ಕೆಟ್ ಬಾಲ್, ಕುಸ್ತಿ, ಫುಟ್‌ಬಾಲ್‌, ಕ್ರಿಕೆಟ್, ಗಾಲ್ಫ್‌, ಬ್ಯಾಡ್ಮಿಟನ್‌ ವಿಭಾಗದಲ್ಲಿಯ ಪುರುಷ ಮತ್ತು ಮಹಿಳಾ ಕ್ರೀಡಾಪಟುಗಳು ಪೂರ್ವ ರೈಲ್ವೆಯ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು.

ಒಟ್ಟು ಹುದ್ದೆಗಳ ಸಂಖ್ಯೆ: 21

ವಿದ್ಯಾರ್ಹತೆ

ವೇತನ ಶ್ರೇಣಿ 2 ಮತ್ತು 3 ಇರುವ ಹುದ್ದೆಗಳಿಗೆ ಪಿಯುಸಿ(10+2) ವಿದ್ಯಾರ್ಹತೆ ಹೊಂದಿರಬೇಕು.

ವೇತನ ಶ್ರೇಣಿ 4 ಮತ್ತು 5 ಇರುವ ಹುದ್ದೆಗಳಿಗೆ ಅಂಗೀಕೃತ ವಿವಿ ಮತ್ತು ಸಂಸ್ಥೆಗಳಿಂದ ಪದವಿ ಅಥವಾ ತತ್ಸಮಾನ ವಿದ್ಯಾರ್ಹತೆ ಗಳಿಸಿರಬೇಕು.

ವಯೋಮಿತಿ

ಕನಿಷ್ಟ 18 ವರ್ಷ ಮತ್ತು ಗರಿಷ್ಟ 25 ವರ್ಷ ನಿಗದಿಪಡಿಸಲಾಗಿದೆ.

ಕೇಂದ್ರ ಸರ್ಕಾರ ಮೀಸಲಾತಿ ಅನ್ವಯ ಆಯಾ ಜಾತಿ ಅಭ್ಯರ್ಥಿಗಳಿಗೆ ವಯೋಮಿತಿ ಸಡಿಲಿಕೆ ಇರಲಿದೆ.

ಅರ್ಜಿ ಶುಲ್ಕ ಎಷ್ಟು?

• ಸಾಮಾನ್ಯ ಅಭ್ಯರ್ಥಿಗಳಿಗೆ ರೂ. 500 (ಪರೀಕ್ಷೆಗೆ ಹಾಜರಾದ ಸಾಮಾನ್ಯ ಅಭ್ಯರ್ಥಿಗಳಿಗೆ ರೂ.400 ಮರುಪಾವತಿ ಆಗಲಿದೆ)
• ಎಸ್‌ಸಿ/ಎಸ್‌ಟಿ, ವಿಕಲಚೇತನರು, ಮಹಿಳಾ ಅಭ್ಯರ್ಥಿ, ಆರ್ಥಿಕವಾಗಿ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ ರೂ. 250. (ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳಿಗೆ ರೂ.250 ಸಹ ಮರುಪಾವತಿ ಆಗಲಿದೆ)

ಅರ್ಜಿ ಶುಲ್ಕವನ್ನು ಭಾರತೀಯ ಅಂಚೆಯ ಯಾವುದೇ ಕಛೇರಿಯಲ್ಲಿ 'PFA, East Central Railway Hajipur' ಹೆಸರಿನಲ್ಲಿ ಪಾವತಿಸಬೇಕು.

ಅರ್ಹ ಅಭ್ಯರ್ಥಿಗಳು ಅಧಿಸೂಚನೆ ಪ್ರಕಟಣೆಯಲ್ಲಿ ನೀಡಿರುವ ಅರ್ಜಿಯನ್ನು ಪ್ರಿಂಟ್‌ ತೆಗೆದುಕೊಂಡು ಅಗತ್ಯ ಮಾಹಿತಿ ಭರ್ತಿ ಮಾಡಬೇಕು. ಅಥವಾ ಉತ್ತಮ ಗುಣಮಟ್ಟದ A4 ಅಳತೆಯ ಬಿಳಿ ಹಾಳೆಯಲ್ಲಿ ಅಧಿಸೂಚನೆಯಲ್ಲಿ ಸೂಚಿಸಿದಂತೆ ಮಾಹಿತಿಯನ್ನು ಇಂಗ್ಲಿಷ್ ಅಥವಾ ಹಿಂದಿಯಲ್ಲಿ ಭರ್ತಿ ಮಾಡಬೇಕು. ನಂತರ ಅಗತ್ಯ ದಾಖಲೆಗಳ ಜೆರಾಕ್ಸ್‌ ಪ್ರತಿಯನ್ನು ಅರ್ಜಿಯೊಂದಿಗೆ ಲಕೋಟೆಯಲ್ಲಿ ಹಾಕಿ ಈ ಕೆಳಗಿನ ವಿಳಾಸಕ್ಕೆ ಸೆಪ್ಟೆಂಬರ್ 30, 2019 ರೊಳಗೆ ತಲುಪುವಂತೆ ಕಳುಹಿಸಬೇಕು.

ಅರ್ಜಿ ಸಲ್ಲಿಸಬೇಕಾದ ವಿಳಾಸ: ಜೆನೆರಲ್ ಮ್ಯಾನೇಜರ್(ಸಿಬ್ಬಂದಿ), ನೇಮಕಾತಿ ವಿಭಾಗ, ಇ.ಸಿ. ರೈಲ್ವೆ ಕೇಂದ್ರ ಕಛೇರಿ, ಹಾಜಿಪುರ್ ಜಿಲ್ಲೆ, ಬಿಹಾರ - 844101 ಗೆ ಅಂಚೆ ಮೂಲಕ ತಲುಪಿಸಬೇಕು. ಅಂಚೆ ಲಕೋಟೆ ಮೇಲೆ ಯಾವ ಹುದ್ದೆಗೆ, ಯಾವ ಕೋಟದಡಿಯಲ್ಲಿ, ಅಧಿಸೂಚನೆ ಸಂಖ್ಯೆ, ವೇತನ ಶ್ರೇಣಿ ಯಾವುದು ಎಂದು ಬರೆದಿರಬೇಕು.

ಪೂರ್ವ ಕೇಂದ್ರ ರೈಲ್ವೆ ಕ್ರೀಡಾ ಕೋಟದಡಿಯ ಹುದ್ದೆಗಳಿಗೆ ಸಂಬಂಧಿಸಿದ ಅಧಿಸೂಚನೆಗಾಗಿ ಕ್ಲಿಕ್ ಮಾಡಿ