ಕ್ರೀಡಾ ಕೋಟಾದಡಿ ಪಶ್ಚಿಮ ರೈಲ್ವೆಗೆ ನೇಮಕಾತಿ: ಅರ್ಜಿ ಆಹ್ವಾನ

ಪಶ್ಚಿಮ ರೈಲ್ವೆ ವಲಯಕ್ಕೆ ವಿವಿಧ ಗ್ರೇಡ್ ಲೆವೆಲ್‌ನ 21 ಹುದ್ದೆಗಳ ನೇಮಕಾತಿಗಾಗಿ ರೈಲ್ವೆ ನೇಮಕಾತಿ ಮಂಡಳಿ ಅಧಿಸೂಚನೆ ಹೊರಡಿಸಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದು.

ಪಶ್ಚಿಮ ರೈಲ್ವೆ ವಲಯಕ್ಕೆ ನೇಮಕಾತಿ ಮಾಡಲಿರುವ 21 ಹುದ್ದೆಗಳನ್ನು ಕ್ರೀಡಾಕೋಟದಡಿಯಲ್ಲಿ ನೇಮಕ ಮಾಡಲಾಗುತ್ತಿದೆ. ಅಭ್ಯರ್ಥಿಗಳು ಅಗತ್ಯ ಕ್ರೀಡಾ ಅರ್ಹತೆ ಮತ್ತು ದಾಖಲೆಗಳು ಇದ್ದಲ್ಲಿ ಪಶ್ಚಿಮ ರೈಲ್ವೆ ನೇಮಕಾತಿಗೆ ಅರ್ಜಿ ಸಲ್ಲಿಸಬಹುದು.

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಸೆಪ್ಟೆಂಬರ್ 13, 2019

ವಿದ್ಯಾರ್ಹತೆ

• ಪಿಯುಸಿ(10+2) ಮತ್ತು ಪದವಿ ವಿದ್ಯಾರ್ಹತೆಯನ್ನು ಅಂಗೀಕೃತ ವಿಶ್ವವಿದ್ಯಾಲಯಗಳಲ್ಲಿ, ಸಂಸ್ಥೆಗಳಲ್ಲಿ ಪಡೆದಿರುವವರು ಅರ್ಜಿ ಸಲ್ಲಿಸಬಹುದು.
• ಇತರೆ ಅರ್ಹತೆ : ಆಯಾ ಕ್ರೀಡೆಯಲ್ಲಿ ಜೂನಿಯರ್, ಸೀನಿಯರ್ ಕೆಟೆಗರಿಯಲ್ಲಿ ನ್ಯಾಷನಲ್ ಅಥವಾ ಇಂಟರ್‌ನ್ಯಾಷನಲ್‌ ಚಾಂಪಿಯನ್‌ ಶಿಪ್‌ ಸ್ಥಾನವನ್ನು ಆರ್‌ಆರ್‌ಸಿ ನಿಯಮಾನುಸಾರ ಪಡೆದಿರಬೇಕು.

ಅರ್ಜಿ ಶುಲ್ಕ ಎಷ್ಟು?

ಸಾಮಾನ್ಯ ಅಭ್ಯರ್ಥಿಗಳಿಗೆ ರೂ. 500

ಎಸ್‌ಸಿ/ಎಸ್‌ಟಿ, ವಿಕಲಚೇತನರು, ಮಹಿಳಾ ಅಭ್ಯರ್ಥಿ, ಆರ್ಥಿಕವಾಗಿ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ ರೂ. 250

ಅರ್ಜಿ ಶುಲ್ಕವನ್ನು RRC-WR ವೆಬ್‌ಸೈಟ್‌ನಲ್ಲಿ ಅರ್ಜಿ ಸಲ್ಲಿಸಿದ ನಂತರ ನೆಟ್‌ ಬ್ಯಾಂಕಿಂಗ್, ಡೆಬಿಟ್‌ ಕಾರ್ಡ್, ಕ್ರೆಡಿಟ್‌ ಕಾರ್ಡ್ ಮೂಲಕ ಸೆಪ್ಟೆಂಬರ್ 13, 2019 ರ 10.00 ಗಂಟೆ ವರೆಗೆ ಪಾವತಿಸಬಹುದು.

ಹುದ್ದೆಗಳಿಗೆ ಜಾತಿ ಮೀಸಲಾತಿ ಸಹ ಅನ್ವಯ ಆಗಲಿದ್ದು, ಕೇಂದ್ರ ಸರ್ಕಾರದ ನಿಯಮಾನುಸಾರ ಮೀಸಲಾತಿ ಪಡೆಯಬಹುದು. ಮೀಸಲಾತಿ ಕೋರುವವರು ಅರ್ಜಿಯೊಂದಿಗೆ ಅಧಿಕೃತ ಜಾತಿ ಪ್ರಮಾಣ ಪತ್ರವನ್ನು ಸಲ್ಲಿಸಬೇಕು. ಅಧಿಸೂಚನೆ ಪ್ರಕಟಣೆಗೆ ಸಂಬಂಧಿಸಂತೆ ಹೆಚ್ಚಿನ ಮಾಹಿತಿಗೆ https://wr.indianrailways.gov.in/ ವೆಬ್‌ಸೈಟ್‌ ವಿಳಾಸಕ್ಕೆ ಭೇಟಿ ನೀಡಬಹುದು.