ರೈಲ್ವೆ ವೆಲ್ಡರ್‌ ಹುದ್ದೆಗೆ ಎಂಜಿನಿಯರ್‌ಗಳಿಂದ ಅರ್ಜಿ

ರೈಲ್ವೆಯಲ್ಲಿನ ಗ್ಯಾಂಗ್‌ಮೆನ್‌, ಕ್ಯಾಬಿನ್‌ಮೆನ್‌, ಹೆಲ್ಪರ್ಸ್‌, ಕೀಮೆನ್‌, ಟ್ರಾಕ್‌ಮೆನ್‌ ಮತ್ತು ವೆಲ್ಡರ್‌ ಇತ್ಯಾದಿ ಲೆವೆಲ್‌-1 ಹುದ್ದೆಗಳಿಗೆ ಹಲವು ಲಕ್ಷ ಎಂಜಿನಿಯರ್‌ಗಳು, ಮ್ಯಾನೇಜ್‌ಮೆಂಟ್‌, ವಿಜ್ಞಾನ, ವಾಣಿಜ್ಯ ವಿಷಯದಲ್ಲಿ ಸ್ನಾತಕೋತ್ತರ ಪದವೀಧರರು ಅರ್ಜಿ ಸಲ್ಲಿಸಿದ್ದಾರೆ ಎಂದು ಟೈಮ್ಸ್‌ ಆಫ್‌ ಇಂಡಿಯಾ ವರದಿ ಹೇಳಿದೆ.

10ನೇ ತರಗತಿ ಮತ್ತು ವೋಕೆಷನಲ್‌ ಟ್ರೇನಿಂಗ್‌ ಸರ್ಟಿಫಿಕೇಟ್‌ ಅಥವಾ ಐಟಿಐ ಸರ್ಟಿಫಿಕೇಟ್‌ ಬಯಸುವ ಈ ಹುದ್ದೆಗಳಿಗೆ ಬಹುತೇಕ ಉನ್ನತ ಶಿಕ್ಷಣ ಪಡೆದವರೇ ಅರ್ಜಿ ಸಲ್ಲಿಸಿದ್ದಾರೆ ಎಂದು ಟಿಒಐ ವಿಶ್ಲೇಷಣೆ ಮೂಲಕ ಕಂಡುಕೊಂಡಿದೆ.

ರೈಲ್ವೆಯ ಈ ಹುದ್ದೆಗಳಿಗೆ 1.9 ಕೋಟಿ ಎಸ್‌ಎಸ್‌ಎಲ್‌ಸಿ ಓದಿರುವವರು, 48.48 ಲಕ್ಷ ಪದವಿ, ಸ್ನಾತಕೋತ್ತರ ಓದಿರುವವರು ಅರ್ಜಿ ಸಲ್ಲಿಸಿದ್ದಾರೆ. ಅರ್ಜಿ ಸಲ್ಲಿಸಿದವರಲ್ಲಿ 4.9 ಲಕ್ಷ ಅಂಡರ್‌ಗ್ರಾಜುಯೇಟ್‌ ಎಂಜಿನಿಯರ್‌, 41,000 ಗ್ರಾಜುಯೇಟ್‌ ಎಂಜಿನಿಯರ್ಸ್‌ ಇದ್ದಾರೆ. 86 ಸಾವಿರ ಮ್ಯಾನೇಜ್‌ಮೆಂಟ್‌ ಪದವೀಧರರು ಇದ್ದಾರೆ.

ಭಾರತೀಯ ರೈಲ್ವೆಯು ಕಳೆದ ವರ್ಷ ಸುಮಾರು 62,907 ಲೆವೆಲ್‌-1 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿತ್ತು. ಸುಮಾರು 2 ಕೋಟಿಗೂ ಹೆಚ್ಚು ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿದ್ದರು. ಈ ಹುದ್ದೆಗಳಿಗೆ ರೈಲ್ವೆಯು 75,500 ಅಭ್ಯರ್ಥಿಗಳನ್ನು ಶಾರ್ಟ್‌ಲಿಸ್ಟ್‌ ಮಾಡಿದೆ. ಈ ಹುದ್ದೆಗಳಿಗೆ ಮಾಸಿಕ ವೇತನ 18,000 ರೂ. ಮತ್ತು ಇತರೆ ಸೌಲಭ್ಯಗಳು ಇರುತ್ತವೆ.