ದಾಳಿಂಬೆ ಬೆಳೆ ಉತ್ಪಾದಕತೆ ಹೆಚ್ಚಿಸುವುದು ಹೇಗೆ?

ದಾಳಿಂಬೆ ಬೆಳೆ ಉತ್ಪಾದಕತೆ ಹೆಚ್ಚಿಸುವ ತಂತ್ರಜ್ಞಾನಗಳು
ತೋಟಗಾರಿಕೆ ಬೆಳೆಗಳಲ್ಲಿ ದಾಳಿಂಬೆ ಪ್ರಮುಖವಾದದ್ದು. ತೋಟಗಾರಿಕೆ ಸಂಶೋಧನೆ, ತರಬೇತಿ, ವಿಸ್ತರಣೆ ಕ್ಷೇತ್ರಗಳಲ್ಲಿ ನಿರತವಾದ ನಾನಾ ಸಂಸ್ಥೆಗಳು, ವಿಜ್ಞಾನಿಗಳು ಹಾಗೂ ತಂತ್ರಜ್ಞರು ದಾಳಿಂಬೆ ಬೆಳೆ ಉತ್ಪಾದನೆ ಹೆಚ್ಚಿಸಲು ಪೂರಕವಾದ ತಾಂತ್ರಿಕತೆಗಳನ್ನು 'ದಾಳಿಂಬೆ ಬೆಳೆ ಉತ್ಪಾದಕತೆ ಹೆಚ್ಚಿಸುವ ತಂತ್ರಜ್ಞಾನಗಳು' ಈ ಪುಸ್ತಕದಲ್ಲಿ ವಿವರಿಸಿದ್ದಾರೆ. ದಾಳಿಂಬೆ ಬೆಳೆ ಪರಿಚಯ, ಸುಧಾರಿತ ದಾಳಿಂಬೆ ಬೆಳೆ ಬೇಸಾಯ ಕ್ರಮಗಳು, ದಾಳಿಂಬೆಗೆ ಬರುವ ರೋಗ ಮತ್ತು ಕೀಟ ನಿರ್ವಹಣೆ, ದಾಳಿಂಬೆ ಕೊಯ್ಲೋತ್ತರ ತಂತ್ರಜ್ಞಾನ, ಸಮಗ್ರ ಪೋಷಕಾಂಶ ಮತ್ತು ರೋಗ- ಕೀಟ ನಿಯಂತ್ರಣ ವೇಳಾಪಟ್ಟಿ, ದಾಳಿಂಬೆ ಮಾರಾಟ ಮತ್ತು ರಫ್ತುದಾರರ ಮಾಹಿತಿ ಮತ್ತು ದಾಳಿಂಬೆ ಮಾರುಕಟ್ಟೆ ವಿಶ್ಲೇಷಣೆ ಈ ಪುಸ್ತಕದಲ್ಲಿದೆ. ದಾಳಿಂಬೆ ಬೆಳೆಯುವ ರೈತರಿಗೆ ಈ ಕಿರು ಹೊತ್ತಿಗೆ ಸೂಕ್ತ ಮಾಹಿತಿ ನೀಡುತ್ತದೆ. ಶ್ಯಾಮರಾವ್‌ ಕುಲಕರ್ಣಿ ಹಾಗೂ ಇತರರು ಬರೆದ ಈ ಪುಸ್ತಕ 102 ಪುಟಗಳನ್ನು ಹೊಂದಿದ್ದು, ಬೆಲೆ 100 ರೂಪಾಯಿ. ಪುಸ್ತಕ ದೊರೆಯುವ ಸ್ಥಳ: ಪ್ರಕಟಣೆ ಕೇಂದ್ರ, ಕೃಷಿ ವಿಶ್ವವಿದ್ಯಾಲಯ, ರಾಯಚೂರು, 584109. ದೂ. 08532 - 220029.