ರಾಜ್ಯದ ಇಬ್ಬರು ಕಲಾವಿದರಿಂದ ಮುಂಬಯಿನಲ್ಲಿ ಕಲಾಪ್ರದರ್ಶನ

ಮುಂಬಯಿ: ಕರ್ನಾಟಕ ಮತ್ತು ಮಹಾರಾಷ್ಟ್ರದ ನಾಲ್ವರು ಯುವ ಕಲಾವಿದರ ಇತ್ತೀಚಿನ ಅತ್ಯತ್ತಮ ಕಲಾಕೃತಿಗಳು ಮುಂಬಯಿನ ಪ್ರತಿಷ್ಠಿತ ಜಹಾಂಗೀರ್‌ ಗ್ಯಾಲರಿ ಜಿ-2ನಲ್ಲಿ ಸೆಪ್ಟಂಬರ್‌ 10 ರಿಂದ 16ರ ತನಕ ಪ್ರದರ್ಶನ ಕಾಣಲಿದೆ.

ಬೆಳಗಾವಿ ಮೂಲದ ಜಯಂತ್‌ ಹುಬ್ಳಿ ಮತ್ತು ಉತ್ತರ ಕನ್ನಡ ಮೂಲದ ಗಣಪತಿ ಅಗ್ನಿಹೋತ್ರಿ, ಪುಣೆ ಮೂಲದ ಕೃಷ್ಣ ಕುಚನ್‌ ಮತ್ತು ಜಾಮಲೆ ಡಿ.ದೇವರಾವ್‌ ಅವರ ಕಲಾಕೃತಿಗಳು ಪ್ರದರ್ಶನಗೊಳ್ಳಲಿವೆ. ಇವರ ತಂಡವು ಚೌರಾಸ್‌ ಕಲಾವಿದರ ತಂಡವೆಂದು ಗುರುತಿಸಿಕೊಂಡಿದ್ದು ಕಳೆದ ಬಾರಿ ಬೆಂಗಳೂರಿನ ಚಿತ್ರಕಲಾ ಪರಿಷತ್‌ನಲ್ಲಿ ಕಲಾಪ್ರದರ್ಶನ ನಡೆಸಿತ್ತು.

ಆಧುನಿಕ ಕಲಾ ಪ್ರಕಾರಕ್ಕೆ ಒಗ್ಗಿಕೊಂಡು ತಮ್ಮದೇ ಶೈಲಿಯಲ್ಲಿ ಹಿಡಿತ ಸಾಧಿಸಿಕೊಂಡು ಬಂದಿರುವ ಈ ನಾಲ್ವರೂ ಕಲಾವಿದರು ಈ ಕಲಾಪ್ರದರ್ಶನದ ಮೂಲಕ ಮತ್ತೊಂದು ದಾಪುಗಾಲಿಡುತ್ತಿದ್ದಾರೆ. ಕಲಾಸಂಗ್ರಹಕಾರರ, ಕಲಾಪ್ರದರ್ಶನ ಆಯೋಜಕರ, ಕಲಾಪ್ರಿಯರ ಹಾಗೂ ಕಲಾಕ್ಷೇತ್ರದ ಸ್ನೇಹಿತರ ಗಮನ ಸೆಳೆಯುತ್ತಿದ್ದಾರೆ.