ಆರ್ಟ್ಸ್ ಎಂದು ಕೀಳರಿಮೆ ಬೇಡ; ಅವಕಾಶಗಳು ಅಪಾರ

ಆರ್ಟ್ಸ್ ಕನಿಷ್ಠ,ಸೈನ್ಸ್‌ ಅಂದರೆ ಉತ್ತಮ, ಕಾಮರ್ಸ್‌ ಮಧ್ಯಮ ಎಂಬ ಭಾವನೆ ಬಹುತೇಕರಲ್ಲಿದೆ. ಆದರೆ ಆರ್ಟ್ಸ್ನಲ್ಲೂ ಅಪಾರ ಉದ್ಯೋಗಾವಕಾಶ ನೀಡುವ ಸಾಕಷ್ಟು ವಿಭಾಗಗಳಿವೆ.

ಇನ್ನೇನು ನೋಡು ನೋಡುತ್ತಿದ್ದಂತೆಯೇ ಈ ಶೈಕ್ಷಣಿಕ ವರ್ಷ ಮುಗಿದು ಹೋಗಿ ಬಿಡುತ್ತಿದೆ. ಹೀಗಾಗಿ ಕಲಾ ವಿಭಾಗದಲ್ಲಿ 12ನೇ ತರಗತಿ ಓದಿದವರಿಗೆ ಮುಂದೇನು ಎಂಬ ಪ್ರಶ್ನೆ ಕಣ್ಣ ಮುಂದೆ ಸಹಜವಾಗಿಯೇ ಉದ್ಭವಿಸುತ್ತದೆ.

ಹಲವು ವಿಭಾಗ

ಆರ್ಟ್ಸ್‌ನಲ್ಲಿ ಹಲವು ವಿಷಯಗಳು ಬರುತ್ತಿದ್ದು, ಪೇಂಟಿಂಗ್‌, ಡ್ರಾಯಿಂಗ್‌, ಫೋಟೋಗ್ರಫಿ, ಕಾನ್ಸೆಪ್ಯುಯಲ್‌ ಆರ್ಟ್ಸ್, ಆರ್ಕಿಟೆಕ್ಚರ್‌, ವೀವಿಂಗ್‌, ಫ್ಯಾಬ್ರಿಕ್ಸ್‌ ಮುಖ್ಯವಾಗಿ ವಿಷುವಲ್‌ ಮತ್ತು ಡೆಕೊರೇಟಿವ್‌ ಆರ್ಟ್ಸ್ನಲ್ಲಿ ಬರುತ್ತದೆ. ಇನ್ನು ಭಾಷಾ ವಿಭಾಗದಲ್ಲಿ ಪೊಯೆಟ್ರಿ, ನೋವೆಲ್‌, ಶಾರ್ಟ್ಸ್ ಸ್ಟೋರೀಸ್‌, ಎಪಿಕ್ಸ್‌, ರೈಟಿಂಗ್‌ ಬಂದರೆ ಪರ್ಫಾರ್ಮಿಂಗ್‌ ಆರ್ಟ್ಸ್ನಲ್ಲಿ ಮ್ಯೂಸಿಕ್‌, ಥಿಯೇಟರ್‌, ಡ್ಯಾನ್ಸ್‌, ಹಾಡು, ನಟನೆ, ಹಾಸ್ಯ, ನಿರ್ದೇಶನ, ನೃತ್ಯ ನಿರ್ದೇಶನ, ಸಂಕಲನ, ಮಾರ್ಶಿಯಲ್‌ ಆರ್ಟ್ಸ್ ಬರುತ್ತದೆ. ಇದಲ್ಲದೆ ಗೇಮ್ಸ್‌, ಕಲಿನರಿ ಆರ್ಟ್ಸ್ ಮೊದಲಾದ ವಿಷಯಗಳನ್ನೂ ಕಲಿಯಬಹುದಾಗಿದೆ.

ಕೋರ್ಸ್‌ ವಿವರ: 12ನೇ ತರಗತಿ ಉತ್ತೀರ್ಣರಾದ ಬಳಿಕ ಕಲಾ ವಿಭಾಗದಲ್ಲಿ ಹಲವಾರು ಕೋರ್ಸ್‌ಗಳನ್ನು ಮಾಡಬಹುದು. ಮುಖ್ಯವಾಗಿ ಏರ್‌ ಹೋಸ್ಟ್ರೆಸ್‌, ಆ್ಯಂಕರಿಂಗ್‌, ಅನಿಮೇಷನ್‌ ಫಿಲ್ಮ್‌ ಮೇಕಿಂಗ್‌, ಅನಿಮೇಷನ್‌ ಮಾಸ್ಟರ್‌, ಅನಿಮೇಷನ್‌ ಸ್ಟ್ಯಾಂಡರ್ಡ್‌, ಅಡ್ವಾನ್ಸ್‌ಡ್‌ ಡಿಪ್ಲೊಮಾ ಇನ್‌ 3ಡಿ ಅನಿಮೇಷನ್‌-ಎಕ್ಸ್‌ಪರ್ಟ್‌, ಫ್ಯಾಶನ್‌ ಡಿಸೈನಿಂಗ್‌, ಅಡ್ವಾನ್ಸ್‌ಡ್‌ ಹೇರ್‌ ಡಿಪ್ಲೋಮಾ ಹೋಲ್ಡರ್‌, ವಿಎಫ್‌ಎಕ್ಸ್‌ ಅನಿಮೇಷನ್‌ ಡಿಪ್ಲೊಮಾ, ಬೇಸಿಕ್‌ ಜ್ಯುವೆಲ್ಲರಿ ಡಿಸೈನ್‌ ಮೊದಲಾದ ಕಲಿಕೆ ಮಾಡಲು ಸಾಧ್ಯವಾಗುತ್ತದೆ.

ಇತರ ವಿಭಾಗ: ಈ ಮೇಲೆ ಹೇಳಿದವುಗಳನ್ನು ಹೊರತು ಪಡಿಸಿದರೆ ಬಿಎ ಇನ್‌ ಪೊಲಿಟಿಕಲ್‌ ಸೈನ್ಸ್‌, ಇಕನಾಮಿಕ್ಸ್‌, ಹ್ಯುಮನಿಟೀಸ್‌ ಆಂಡ್‌ ಸೋಶಿಯಲ್‌ ಸೈನ್ಸ್‌, ಮಾರ್ಕೆಟಿಂಗ್‌, ಮಾರ್ಕೆಟಿಂಗ್‌ ಮ್ಯಾನೇಜ್‌ಮೆಂಟ್‌, ಸೋಶಿಯಲ್‌ ವರ್ಕ್ಸ್‌, ಇಂಗ್ಲೀಷ್‌ ಆನರ್ಸ್‌, ಬಿಎ ಪ್ರೋಗ್ರಾಂ ವಿತ್‌ ಫಂಕ್ಷನಲ್‌ ಹಿಂದಿ, ಟೆಕ್ಸ್‌ಟೈಲ್‌ ಡಿಸೈನ್‌, ಸೋಶಿಯಾಲಜಿ, ಹಿಸ್ಟರಿ ಹೀಗೆ ಈ ಪಟ್ಟಿ ಮುಂದುವರಿಯುತ್ತಲೇ ಹೋಗುತ್ತದೆ.

ಉದ್ಯೋಗಾವಕಾಶ: ಕಲಾ ವಿಭಾಗದಲ್ಲಿ ನಿರ್ದಿಷ್ಟ ವಿಷಯವನ್ನು ಆಯ್ಕೆ ಮಾಡಿಕೊಂಡು ಪದವಿ ಪೂರೈಸಿದ ಬಳಿಕ ಸಾಕಷ್ಟು ಕ್ಷೇತ್ರದಲ್ಲಿ ಉದ್ಯೋಗಾವಕಾಶ ಸಿಗುತ್ತದೆ. ಸಿನಿಮಾ ಕ್ಷೇತ್ರ, ಸಮೂಹ ಸಂವಹನ, ಡ್ಯಾನ್ಸ್‌, ಗ್ರಾಫಿಕ್ಸ್‌ ಡಿಸೈನ್‌, ಆಂಥ್ರೋಪಲಾಜಿ, ಆರ್ಟ್‌ ಹಿಸ್ಟರಿ, ಕ್ಲಾಸಿಕಲ್‌ ಸ್ಟಡೀಸ್‌, ಕ್ರಿಮಿನಲ್‌ ಜಸ್ಟೀಸ್‌, ಕ್ರಿಮಿನಾಲಜಿ, ಫೈನ್‌ ಆರ್ಟ್ಸ್, ಶಿಕ್ಷಣ ಕ್ಷೇತ್ರ ಸೇರಿದಂತೆ ಸಾಕಷ್ಟು ವಿಭಾಗಗಳಲ್ಲಿ ಉದ್ಯೋಗ ಮಾಡಬಹುದಾಗಿದೆ. ಸಾಮಾನ್ಯವಾಗಿ ಆರಂಭಿಕ ಹಂತದಲ್ಲಿ ವಾರ್ಷಿಕ ಎರಡರಿಂದ ಮೂರು ಲಕ್ಷ ವೇತನವನ್ನು ಪಡೆಯಬಹುದು. ಸ್ಪೆಶಲೈಸೇಶನ್‌ ಮಾಡಿದವರಿಗೆ ವಿದೇಶದಲ್ಲಿ 40ರಿಂದ 60 ಸಾವಿರ ಡಾಲರ್‌ ವಾರ್ಷಿಕ ವೇತನ ಸಿಗುತ್ತದೆ.