ಯಶಸ್ವಿ ವೈದ್ಯರಾಗುವುದು ಪ್ರತಿಯೊಬ್ಬ ಮೆಡಿಕಲ್ ವಿದ್ಯಾರ್ಥಿಯ ಕನಸು. ವೈದ್ಯಕೀಯ ಕೋರ್ಸ್ ಸೇರಲು ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (
ಎನ್ಇಇಟಿ) ಉತ್ತೀರ್ಣರಾಗುವುದು ಕಡ್ಡಾಯ. ಇದರಲ್ಲಿ ಅತಿ ಹೆಚ್ಚು ಅಂಕ ಪಡೆದರಷ್ಟೇ ನಾವು ಬಯಸಿದ ಕಾಲೇಜು ಸೇರಲು ಸಾಧ್ಯ.
ಕೇವಲ ಒಂದೆರಡು ತಿಂಗಳು ಮಾತ್ರ ನೀಟ್ ಪರೀಕ್ಷೆಗೆ ಬಾಕಿಯಿದ್ದು, ಪರೀಕ್ಷೆಯ ಬಯಾಲಜಿ ವಿಭಾಗದ ಪ್ರಶ್ನೆಗಳಿಗೆ ಈಗಲೇ ವಿದ್ಯಾರ್ಥಿಗಳು ಪೂರ್ವ ಸಿದ್ಧತೆ ಮಾಡಿಕೊಳ್ಳಬೇಕು. ನೀಟ್ ಪರೀಕ್ಷೆಯಲ್ಲಿ ಮೂರು ವಿಧದ ಪ್ರಶ್ನಾ ಪತ್ರಿಕೆಗಳು ಪ್ರಮುಖವಾಗಿರುತ್ತವೆ. ಮೊದಲ ವಿಭಾಗದಲ್ಲಿ ಸೆಲ್ ಸ್ಟ್ರಕ್ಚರ್, ಫೋಟೊಸಿಂಥೆಸಿಸ್, ಬಯೋಟೆಕ್ನಾಲಜಿ, ಜೆನೆಟಿಕ್ಸ್, ಪ್ಲಾಂಟ್ ಮಾರ್ಫಾಲಜಿ, ಇವಲ್ಯೂಶನ್, ಸೆಲ್ಯುಲರ್ ರೆಸ್ಪಿರೇಶನ್ ಇವುಗಳಲ್ಲಿ ಪ್ರಮುಖ ವಿಷಯಗಳಾಗಿರುತ್ತವೆ.
ಎರಡನೇ ವಿಭಾಗದಲ್ಲಿ ಡೈಜೆಶನ್ ಆಂಡ್ ಅಬ್ಸಾರ್ಪಶನ್, ಅನಿಮಲ್ ರಿಪ್ರೊಡಕ್ಷನ್ ಆಂಡ್ ಡೆವಲಪ್ಮೆಂಟ್, ಬ್ರೀದಿಂಗ್ ಆಂಡ್ ಎಕ್ಸ್ಚೆಂಜ್ ಆಫ್ ಗ್ಯಾಸಸ್, ಇಕಾಲಜಿ, ಬಯೋಲಾಜಿಕಲ್ ಕ್ಲಾರಿಫಿಕೇಶನ್ ಇತ್ಯಾದಿ ವಿಷಯಗಳು ಇರುತ್ತವೆ.
ಮೂರನೇ ವಿಭಾಗದಲ್ಲಿ ಅನಿಮಲ್ ಕಿಂಗ್ಡಂ, ಅನಿಮಲ್ ಟಿಶ್ಯೂಸ್, ಅನಾಟಮಿ ಆಫ್ ಫ್ಲವರಿಂಗ್ ಪ್ಲಾಂಟ್ಸ್, ಪ್ಲಾಂಟ್ ಗ್ರೋತ್ ಆಂಡ್ ಡೆವಲಪ್ಮೆಂಟ್ ಮೊದಲಾದ ವಿಷಯಗಳಿರುತ್ತವೆ.
ಪ್ಲಾಂಟ್ ಮತ್ತು ಅನಿಮಲ್ ವಿಷಯಗಳಿಗೆ ಸಾಕಷ್ಟು ಸಿದ್ಧತೆ ಮಾಡಿಕೊಳ್ಳಬೇಕು. ಯಾಕೆಂದರೆ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಸಮಯ ವ್ಯಯ ಮಾಡಲೇಬೇಕಾದ ವಿಷಯಗಳುಪ ಇವು. ಎನ್ಸಿಇಆರ್ಟಿ ಪಠ್ಯದಲ್ಲಿ ನೀಡಿದ ಎಲ್ಲಾ ವಿಷಯಗಳನ್ನು ಆಯಾ ಗಿಡಗಳು ಮತ್ತು ಪ್ರಾಣಿಗಳ ಸಾಮಾನ್ಯ ಹೆಸರಿನ ಜೊತೆಗೆ ಅಧ್ಯಯನ ಮಾಡಿ ನೆನಪಿನಲ್ಲಿಟ್ಟುಕೊಳ್ಳಬೇಕು. ಹ್ಯೂಮನ್ ಸೈಕಾಲಜಿ, ಪ್ಲಾಂಟ್ ಸೈಕಾಲಜಿ, ಸೆಲ್ ಬಯಾಲಜಿ, ಬಯೋಮಲೆಕ್ಯುಲರ್ ವಿಷಯಗಳನ್ನು 11ನೇ ತರಗತಿಯ ಪಠ್ಯದಿಂದ ಕಲಿತುಕೊಳ್ಳಬೇಕು. ಬಯೋಟೆಕ್ನಾಲಜಿ ಮತ್ತು ಇಕಾಲಜಿಯ ಬಗ್ಗೆ ಸಂಪೂರ್ಣ ಜ್ಞಾನ ಕೂಡ ಹೊಂದಿರಬೇಕಾಗುತ್ತದೆ. ಸಾಧ್ಯವಾದಷ್ಟು ಹೆಚ್ಚು ಹೆು್ಚ ಅಣಕು ಪರೀಕ್ಷೆ ಬರೆಯುವುದು ಉತ್ತಮ ಎಂದು ತಜ್ಞರು ಸಲಹೆ ನೀಡುತ್ತಾರೆ.