ಉಜ್ವಲ ಉದ್ಯೋಗ ಭವಿಷ್ಯ ನೀಡುವ ಕೋರ್ಸ್‌ಗಳ ಬಗ್ಗೆ ತಿಳಿಯಿರಿ
ತಂತ್ರಜ್ಞಾನದ ಸುಧಾರಣೆ ಶಿಕ್ಷಣ ಕ್ಷೇತ್ರದಲ್ಲಿ ಹಲವಾರು ಹೊಸ ವಿಭಾಗಗಳ ಹುಟ್ಟಿಗೆ ಕಾರಣವಾಗಿದೆ. ಉದ್ಯಮ ಮತ್ತು ತಂತ್ರಜ್ಞಾನದ ನಡುವಿನ ಸಂಬಂಧ ನಿರಂತರವಾಗಿ ಬದಲಾಗುತ್ತಲೇ ಹೋಗುತ್ತಿದೆ. ಹೀಗಾಗಿ ಪ್ರತಿ ವರ್ಷವೂ ಶಿಕ್ಷಣದ ಆ ಮೂಲಕ ಉದ್ಯೋಗಾವಕಾಶ ಒದಗಿಸುವ ವಿಭಾಗಗಳೂ ಬದಲಾವಣೆಯಾಗುತ್ತಲೇ ಸಾಗುತ್ತದೆ.
Vijaya Karnataka25 Feb 2019, 12:49 pm
ಹೊಸ ಶೈಕ್ಷಣಿಕ ವರ್ಷ ಆರಂಭವಾಗಲು ಇನ್ನೇನು ಕೆಲವೇ ತಿಂಗಳು ಬಾಕಿ ಉಳಿದಿವೆ. ಈ ಹಂತದಲ್ಲೇ ಮುಂದಿನ ಶಿಕ್ಷಣದ ಬಗ್ಗೆ ಯೋಚನೆ ಮಾಡಬೇಕು. ಅದಕ್ಕಾಗಿ ಉಜ್ವಲ ಉದ್ಯೋಗಾವಕಾಶ ನೀಡುವ ಹತ್ತು ಶಿಕ್ಷಣ ವಿಭಾಗಗಳ ಮಾಹಿತಿ ಇಲ್ಲಿದೆ.
Vijaya Karnataka Web
ತಂತ್ರಜ್ಞಾನದ ಸುಧಾರಣೆ ಶಿಕ್ಷಣ ಕ್ಷೇತ್ರದಲ್ಲಿ ಹಲವಾರು ಹೊಸ ವಿಭಾಗಗಳ ಹುಟ್ಟಿಗೆ ಕಾರಣವಾಗಿದೆ. ಉದ್ಯಮ ಮತ್ತು ತಂತ್ರಜ್ಞಾನದ ನಡುವಿನ ಸಂಬಂಧ ನಿರಂತರವಾಗಿ ಬದಲಾಗುತ್ತಲೇ ಹೋಗುತ್ತಿದೆ. ಹೀಗಾಗಿ ಪ್ರತಿ ವರ್ಷವೂ ಶಿಕ್ಷಣದ ಆ ಮೂಲಕ ಉದ್ಯೋಗಾವಕಾಶ ಒದಗಿಸುವ ವಿಭಾಗಗಳೂ ಬದಲಾವಣೆಯಾಗುತ್ತಲೇ ಸಾಗುತ್ತದೆ.
ಆರ್ಟಿಫಿಶಿಯಲ್‌ ಇಂಟಲಿಜೆನ್ಸ್‌: ಈಗ ಹೆಚ್ಚು ಪ್ರಚಾರದಲ್ಲಿರುವ ಉದ್ಯೋಗ ಮತ್ತು ಶಿಕ್ಷಣ ವಿಭಾಗವೆಂದರೆ ಆರ್ಟಿಫಿಶಿಯಲ್‌ ಇಂಟಲಿಜೆನ್ಸ್‌. 1952ರಲ್ಲಿ ಜಾನ್‌ ಮ್ಯಾಕರ್ಥಿ ಅವರ ಪರಿಕಲ್ಪನೆಯನ್ನು ಆಧರಿಸಿ ಬೆಳವಣಿಗೆ ಕಂಡ ಕ್ಷೇತ್ರ ಇದು. ಸ್ಮಾರ್ಟ್‌ಫೋನ್‌ ಬಳಕೆದಾರರು ತಮಗೆ ಅರಿವಿಲ್ಲದೆ ಆರ್ಟಿಫಿಶಿಯಲ್‌ ಇಂಟಲಿಜೆನ್ಸ್‌ನ ಜತೆಗೆ ಸಂಬಂಧ ಹೊಂದಿರುತ್ತಾರೆ ಎಂದರೆ ಇದರ ಮಹತ್ವ ತಿಳಿಯುತ್ತದೆ. ಆನ್‌ಲೈನ್‌ ಜಾಹೀರಾತು ಕ್ಷೇತ್ರ ಇದರ ಅತಿ ದೊಡ್ಡ ಗ್ರಾಹಕರಾಗಿದ್ದು, ಮುಂದಿನ ದಿನಗಳಲ್ಲಿ ಈ ಕ್ಷೇತ್ರ ಇನ್ನಷ್ಟು ಬೆಳೆಯುವ ನಿರೀಕ್ಷೆಯಿರುವುದರಿಂದ ಆರ್ಟಿಫಿಶಿಯಲ್‌ ಇಂಟಲಿಜೆನ್ಸ್‌ ಕೋರ್ಸ್‌ ಮಾಡಿದವರಿಗೆ ಬೇಡಿಕೆ ಹೆಚ್ಚಲಿದೆ ಎಂದು ಅಂದಾಜಿಸಲಾಗಿದೆ.
ಡೆವ್‌ ಮತ್ತು ಓಫ್ಸ್‌: ಇದು ಮತ್ತೊಂದು ಅತ್ಯುತ್ತಮ ಉದ್ಯೋಗಾವಕಾಶ ನೀಡುವ ಕ್ಷೇತ್ರ. ಸಾಂಪ್ರದಾಯಿಕ ಸಾಫ್ಟ್‌ವೇರ್‌ ಡೆವಲಪರ್‌ಮೆಂಟ್‌ ಕ್ಷೇತ್ರದಲ್ಲಿರುವ ಸೀಮಿತ ಅವಕಾಶಗಳ ಹಿನ್ನೆಲೆಯಲ್ಲಿ ಡೆವ್‌ ಮತ್ತು ಓಫ್ಸ್‌ ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನಪ್ರಿಯತೆ ಪಡೆದಿದೆ. ಡೆವ್‌ಓಫ್ಸ್‌ ಟೂಲ್‌ ಶಿಕ್ಷಣಕ್ಕೆ ಸಾಫ್ಟ್‌ವೇರ್‌ ಸ್ಕ್ರಿಪ್ಟಿಂಗ್‌ ಲ್ಯಾಂಗ್ವೇಜ್‌, ಇನ್‌ಫ್ರಾಸ್ಟ್ರಕ್ಚರ್‌ ಕೋಡ್‌ ಮೊದಲಾದವುಗಳ ಕುರಿತು ಸಾಕಷ್ಟು ಅರಿವು ಇರಬೇಕಾಗುತ್ತದೆ. ಸೈಬರ್‌ ಸೆಕ್ಯುರಿಟಿ: ಸೈಬರ್‌ ಹ್ಯಾಂಕಿಂಗ್‌ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿ ದಿನ ನಿತ್ಯದ ಸಮಸ್ಯೆಯಾಗಿದೆ. ಇದನ್ನು ತಡೆಯುವ ನಿಟ್ಟಿನಲ್ಲಿ ವಿದ್ಯಾರ್ಥಿಗಳನ್ನು ಸಿದ್ಧಪಡಿಸುವ ಶಿಕ್ಷಣ ವಿಭಾಗವೇ ಸೈಬರ್‌ ಸೆಕ್ಯುರಿಟಿ. ಒಂದು ರೀತಿಯಲ್ಲಿ ಯಾವತ್ತೂ ಬೇಡಿಕೆ ಕಳೆದುಕೊಳ್ಳಲು ಸಾಧ್ಯವೇ ಇಲ್ಲದ ಶಿಕ್ಷಣ ಕ್ಷೇತ್ರ ಇದು ಎಂದು ಹೇಳಬಹುದು. ವಿದ್ಯಾರ್ಥಿಗಳು ಕಲಿಕೆಯ ಬಳಿಕವೂ ಈ ಕ್ಷೇತ್ರದಲ್ಲಿ ಆಗುವ ಅಪ್‌ಡೇಟ್‌ಗಳ ಬಗ್ಗೆ ಮಾಹಿತಿಯನ್ನು ಸದಾ ಹೊಂದಿರುವುದು ಅತ್ಯವಶ್ಯಕವಾಗಿದೆ.
ಅಗ್ಯುಮೆಂಟೆಡ್‌ ಅನಲೈಟಿಕ್ಸ್‌: ಅಪಾರ ಉದ್ಯೋಗಾವಕಾಶ ನೀಡುವ ಮತ್ತೊಂದು ಶಿಕ್ಷಣ ವಿಭಾಗ ಅಗ್ಯುಮೆಂಟೆಡ್‌ ಅನಲೈಟಿಕ್ಸ್‌. ಇದನ್ನು ಸ್ಮಾರ್ಟ್‌ ಡೇಟಾ ರಿಕವರ್‌ ಎಂದು ಕೂಡ ಕರೆಯಲಾಗುತ್ತದೆ. ಡೇಟಾ ಹುಡುಕುವಿಕೆ, ಅದರ ವಿಶ್ಲೇಷಣೆ ಮತ್ತು ಒಳ ನೋಟಗಳನ್ನು ಪಡೆಯುವುದು ಹೇಗೆ ಎಂಬ ಕುರಿತು ಈ ವಿಭಾಗದಲ್ಲಿ ಕಲಿಸಲಾಗುತ್ತದೆ. 5 ಜಿ ನೆಟ್‌ವರ್ಕ್‌: ಮುಂದಿನ ಕೆಲವೇ ವರ್ಷಗಳಲ್ಲಿ ವಿಶ್ವದೆಲ್ಲೆಡೆ ಬಳಕೆಗೆ ಬರುವ ಬಹು ನಿರೀಕ್ಷೆಯ ತಂತ್ರಜ್ಞಾನ ಇದಾಗಿದೆ. ಮುಂದಿನ ಪೀಳಿಗೆಯ ಮೊಬೈಲ್‌ ಫೋನ್‌ ಇಂಟರ್‌ನೆಟ್‌ ಸಂಪರ್ಕಕ್ಕೆ ಅತಿ ಅವಶ್ಯಕವಾದ ಈ ತಂತ್ರಜ್ಞಾನದ ಕಲಿಕೆ ಭವಿಷ್ಯದಲ್ಲಿ ಅತ್ಯುತ್ತಮ ಉದ್ಯೋಗಾವಕಾಶ ನೀಡಿಕೆಗೆ ನೆರವಾಗಲಿದೆ.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
