ತಂಪಾದ ಮಾವಿನಹಣ್ಣಿನ ರಸ ಸವಿಯಿರಿ

ಮಾವಿನ ರಸವನ್ನು ಹಲವಾರು ರೀತಿಯಲ್ಲಿ ತಯಾರಿಸುತ್ತಾರೆ. ಇಲ್ಲಿ ಮಹಾರಾಷ್ಟ್ರ ಶೈಲಿಯಲ್ಲಿ ಮಾವಿನಹಣ್ಣಿನ ರಸ ತಯಾರಿಸುವ ವಿಧಾನ ಹೇಳಲಾಗಿದೆ ನೋಡಿ.

ಬೇಕಾಗುವ ಸಾಮಗ್ರಿ
2 ಆಲ್ಫೊನ್ಸೊ ಮಾವಿನಹಣ್ಣು
ಅರ್ಧ ಲೀಟರ್‌ ಹಾಲು
ಸಕ್ಕರೆ ಅಥವಾ ಬೆಲ್ಲ
ಅರ್ಧ ಚಮಚ ಏಲಕ್ಕಿ
ಅಲಂಕಾರಕ್ಕೆ
ಪಿಸ್ತಾ, ಬಾದಾಮಿ

ಮಾಡುವ ವಿಧಾನ

ಮಾವಿನ ತಿರುಳನ್ನು ತೆಗೆದು ಅದಕ್ಕೆ ಹಾಲು, ಏಲಕ್ಕಿ, ಬೆಲ್ಲ ಅಥವಾ ಸಕ್ಕರೆ ಹಾಕಿ ಮಿಕ್ಸಿಯಲ್ಲಿ ಬ್ಲೆಂಡ್‌ ಮಾಡಿ.
ಇದನ್ನು ಒಂದು ಗಂಟೆ ಫ್ರಿಜ್‌ನಲ್ಲಿಡಿ.

ನಂತರ ಚಿಕ್ಕದಾಗಿ ಕತ್ತರಿಸಿದ ಮಾವಿನಹಣ್ಣು, ಪಿಸ್ತಾ, ಬಾದಾಮಿ ಹಾಕಿ ಅಲಂಕರಿಸಿ ಸರ್ವ್‌ ಮಾಡಿ.