ಆಗ್ರಾ ವಿಶ್ವವಿಖ್ಯಾತ ತಾಜ್ಮಹಲ್ಗೆ ಹೇಗೆ ಪ್ರಸಿದ್ಧವಾಗಿದೆಯೇ ಅದೇ ರೀತಿ ಅಲ್ಲಿನ ಪೇಠಾ ಎಂಬ ಸಿಹಿ ತಿಂಡಿಯೂ ಎಲ್ಲೆಡೆ ಮಾತಾಗಿದೆ. ಆಗ್ರಾಕ್ಕೆ ಹೋದವರು ಪೇಠಾ ಖರೀದಿ ಮಾಡದೆ ಬರುವುದಿಲ್ಲ. ಇಷ್ಟೊಂದು ಪ್ರಸಿದ್ಧವಾಗಿರುವ ಈ ಆಗ್ರಾ ಕ ಪೇಠಾಗೂ ಸಾವಿರಾರು ವರ್ಷಗಳ ಇತಿಹಾಸವಿದೆ. ಈ ಪೇಠಾ ಕೂಡಾ ತಾಜ್ಮಹಲ್ನಷ್ಟೇ ಹಳೆಯದು. ಮೊಘಲ್ ಸಾಮ್ರಾಜ್ಯದ ಕೊಡುಗೆಯಾಗಿರುವ ಇದನ್ನು ಶಾಹಜಹಾನ್ ಸೂಚನೆ ಮೇರೆಗೆ ತಯಾರಿಸಲಾಗಿತ್ತು ಎಂದು ಹೇಳಲಾಗುತ್ತಿದೆ. ಆತ ತಾಜ್ಮಹಲ್ನಷ್ಟೇ ಬೆಳ್ಳಗಿರುವ ಸಿಹಿ ತಿಂಡಿಯೊಂದನ್ನು ಮಾಡುವಂತೆ ಆದೇಶ ನೀಡಿದ್ದ. ಅದರಂತೆ ಇದನ್ನು ಮಾಡಲು 500 ಕೆಲಸಗಾರರು ನಿಯೋಜಿತರಾಗಿದ್ದರಂತೆ. ತಾಜ್ಮಹಲ್ ಕಟ್ಟುತ್ತಿದ್ದ 21,000 ಕೆಲಸಗಾರರಿಗೆ ತಕ್ಷ ಣದ ಶಕ್ತಿ ನೀಡಲು ಈ ಸಿಹಿ ತಿಂಡಿ ನೀಡಲಾಗುತ್ತಿತ್ತು. ಬೂದುಗುಂಬಳ, ಸಕ್ಕರೆ ಮತ್ತು ನೀರು ಬಳಸಿ ಮಾಡುವ ಪೇಠಾ ಆರೋಗ್ಯಕ್ಕೂ ಒಳ್ಳೆಯದಂತೆ.
ತಾಜ್ಮಹಲ್ನಷ್ಟು ಬೆಳ್ಳನೆಯ ಪೇಠಾ
ಆಗ್ರಾ ವಿಶ್ವವಿಖ್ಯಾತ ತಾಜ್ಮಹಲ್ಗೆ ಹೇಗೆ ಪ್ರಸಿದ್ಧವಾಗಿದೆಯೇ ಅದೇ ರೀತಿ ಅಲ್ಲಿನ ಪೇಠಾ ಎಂಬ ಸಿಹಿ ತಿಂಡಿಯೂ ಎಲ್ಲೆಡೆ ಮಾತಾಗಿದೆ...
Vijaya Karnataka 22 Sep 2018, 5:00 am