ಯಂಗ್‌ಸ್ಟರ್ಸ್‌ನ ಫೇವರಿಟ್‌ ಫ್ಯೂಷನ್‌ ಮೊಮೊ

ಲವಲವಿಕೆ ಸುದ್ದಿಲೋಕ

ನೇಪಾಳ ಮೂಲದ ಮೊಮೊ ಈಗ ಭಾರತದಲ್ಲೂ ಜನಪ್ರಿಯ ಸ್ಟ್ರೀಟ್‌ ಫುಡ್‌ ಆಗಿದೆ. ವಿವಿಧ ಸ್ಟಫ್ಫಿಂಗ್‌ ಇರುವ ಮೃದುವಾದ ಮೊಮೊ ರುಚಿ ಭಾರತೀಯರಿಗೂ ಹಿಡಿಸಿದೆ. ಅದರಲ್ಲೂ ಕಾಲೇಜು ವಿದ್ಯಾರ್ಥಿಗಳು, ಮಕ್ಕಳಿಗೆ ಇದು ಮೆಚ್ಚಿನ ತಿನಿಸು. ಮೊಮೊ ಯಂಗ್‌ಸ್ಟರ್ಸ್‌ಗೆ ತುಂಬಾ ಪ್ರಿಯವಾಗಿರುವ ಕಾರಣ ಇದರಲ್ಲಿ ಹಲವಾರು ಪ್ರಯೋಗಗಳು ನಡೆಯುತ್ತಿವೆ. ಇಂಥ ಫ್ಯೂಷನ್‌ ಮೊಮೊಗಳು ಹೊಸ ಫುಡ್‌ ಟ್ರೆಂಡ್‌ ಆಗಿ ಗಮನ ಸೆಳೆಯುತ್ತಿದೆ.

ಮೊಮೊ ಬರ್ಗರ್‌: ಮೊಮೊ ಕೂಡಾ ಇಷ್ಟ ಮತ್ತು ಬರ್ಗರ್‌ ಕೂಡಾ ಇಷ್ಟ ಎನ್ನುವವರಿಗೆ ಮೊಮೊ ಬರ್ಗರ್‌ ಬೆಸ್ಟ್‌ ಆಪ್ಷನ್‌. ಇದರಲ್ಲಿ ಬರ್ಗರ್‌ ಒಳಗೆ ಮೊಮೊ ಸ್ಟಫ್ಫಿಂಗ್‌ ಮಾಡಲಾಗಿರುತ್ತದೆ.

ಪಿಜ್ಜಾ ಮೊಮೊ: ನಾಲ್ಕೈದು ಪಿಜ್ಜಾಗಳ ಮೇಲೆ ಪಿಜ್ಜಾ ಸಾಸ್‌ ಮತ್ತು ಟಾಪಿಂಗ್‌ಗಳನ್ನು ಹಾಕಿದರೆ ಮೊಮೊ ಮೆತ್ತಗಾಗುತ್ತದೆ. ಇದನ್ನು ಪಿಜ್ಜಾ ಸ್ಲೈಸ್‌ನಂತೆ ಸವಿಯಬಹುದು. ರುಚಿಯೂ ಸೂಪರ್‌.

ಮ್ಯಾಂಗೊ ಮೊಮೊ: ಮೊಮ್ಗೋಸ್‌ ಎಂದು ಕರೆಯಲ್ಪಡುವ ಮ್ಯಾಂಗೊ ಮೊಮೊ ಮಾವು ಪ್ರಿಯರಿಗೆ ತುಂಬಾ ಇಷ್ಟವಾಗುವ ವೆರೈಟಿ. ಇದರಲ್ಲಿ ಮಸಾಲ ಸ್ಪಫ್ಫಿಂಗ್‌ಗಿಂತ ಮಾವಿನ ಹಣ್ಣಿನ ತಿರುಳಿನ ಸ್ಟಫ್ಫಿಂಗ್‌ ಮಾಡಿರುತ್ತಾರೆ.

ಮಂಚೂರಿಯನ್‌ ಮೊಮೊ: ಬಿಸಿ ಬಿಸಿ ಮೊಮೊಗಳನ್ನು ಮಂಚೂರಿಯನ್‌ ಗ್ರೇವಿ ಜೊತೆ ತಿನ್ನುವ ರುಚಿಯೇ ಅದ್ಭುತ.

ಮ್ಯಾಗಿ ಮೊಮೊ: ಮ್ಯಾಗಿಯೂ ರುಚಿ, ಮೊಮೊ ಕೂಡಾ ರುಚಿ. ಇವೆರಡರ ಕಾಂಬಿನೇಷನ್‌ ಅಂತೂ ಸೂಪರ್‌ ರುಚಿ. ಮ್ಯಾಗಿ ಫಿಲ್ಲಿಂಗ್‌ ಇರುವ ಮೊಮೊ ಕೂಡಾ ಈಗ ಜನಪ್ರಿಯ ವೆರೈಟಿ.

ವೋಡ್ಕ ಮೊಮೊ: ಮೊಮೊ ಒಳಗೆ ವೋಡ್ಕ ಫಿಲ್ಲಿಂಗ್‌ ಮಾಡಿರುವ ಈ ವಿಚಿತ್ರ ವೆರೈಟಿಯೂ ಈಗಿನ ಜನರೇಷನ್‌ಗೆ ಇಷ್ಟ.

ಚಾಕ್ಲೇಟ್‌ ಮೊಮೊ: ಸಿಹಿ ಪ್ರಿಯರಿಗೆ ಇಷ್ಟವಾಗುವ ಈ ವೆರೈಟಿ ಇತ್ತೀಚಿನ ಪ್ರಯೋಗವಾಗಿದೆ. ಇದರಲ್ಲಿ ಮೊಮೊ ಹಿಟ್ಟಿಗೆ ಕೋಕೊ ಮತ್ತು ಅದರ ಫಿಲ್ಲಿಂಗ್‌ನಲ್ಲೂ ಚಾಕ್ಲೇಟ್‌ನ ಬಳಕೆಯಾಗುತ್ತದೆ.