ದಿನದ ಮೊದಲ ಆಹಾರವಾಗಿರುವ ಬ್ರೇಕ್ಫಾಸ್ಟ್ ಸೇವನೆಯಲ್ಲಿ ತುಂಬಾ ಚೂಸಿಯಾಗಿರಬೇಕು. ಈ ಆಹಾರ ಆರೋಗ್ಯಕರವೂ ಆಗಿರಬೇಕು ಮತ್ತು ರುಚಿಯಲ್ಲೂ ಹೊಸತನವಿರಬೇಕು. ಅಂಥ ಕೆಲವು ಉಪಾಹಾರಗಳ ವಿವರ ಇಲ್ಲಿದೆ.
ಲವಲವಿಕೆ ಸುದ್ದಿಲೋಕ
ಜೋಳದ ಉಪ್ಪಿಟ್ಟು
ರವೆ ಉಪ್ಪಿಟ್ಟನ್ನು ತಿಂದು ಬೇಜಾರಾಗಿದ್ದರೆ ಸ್ವಾದಿಷ್ಟಕರವಾದ ಜೋಳದ ಉಪ್ಪಿಟ್ಟು ಮಾಡಿ ಸೇವಿಸಿ. ನವಣೆ ಹಿಟ್ಟು, ರವೆ ಮತ್ತು ಉದ್ದಿನ ಬೇಳೆ ಹಾಕಿ ಮಾಡಲಾಗುವ ಈ ಉಪ್ಪಿಟ್ಟನ್ನು ಸುಲಭವಾಗಿ ತಯಾರಿಸಬಹುದು. ಆರೋಗ್ಯಕ್ಕೂ ಇದು ಒಳ್ಳೆಯದು. ಇದನ್ನು ಸಾಂಬಾರು ಮತ್ತು ಕಾಯಿ ಚಟ್ನಿಯೊಂದಿಗೆ ಸೇವಿಸಿದರೆ ರುಚಿಯಾಗಿರುತ್ತದೆ.
ಪಾಲಕ್ ದೋಸೆ
ಪ್ರತಿದಿನ ಉದ್ದಿನ ದೋಸೆ ತಿನ್ನಲು ಬೋರ್ ಆಗುತ್ತಿದ್ದರೆ ವಿಭಿನ್ನ ರುಚಿಯ ಪಾಲಕ್ ದೋಸೆ ಮಾಡಿ ಸವಿಯಿರಿ. ಪಾಲಕ್ನ ದಪ್ಪ ರಸ, ಗೋಧಿ ಹಿಟ್ಟು ಮತ್ತು ಉದ್ದಿನ ಬೇಳೆ ಹಾಕಿ ಮಾಡಲಾಗುವ ಇದನ್ನು ಸುಲಭವಾಗಿ ತಯಾರಿಸಬಹುದು.
ಕಾರ್ನ್ಫ್ಲೇಕ್ಸ್ ಬಾದಾಮಿ ಪಾಯಸ
ಬ್ರೇಕ್ಫಾಸ್ಟ್ಗೆ ಏನಾದರೂ ಸಿಹಿ ತಿನ್ನಬೇಕೆಂದು ಅನ್ನಿಸಿದರೆ ದೇಹಕ್ಕೆ ಆರೋಗ್ಯವಾಗಿರುವ ಕಾರ್ನ್ಫ್ಲೇಕ್ಸ್ ಬಾದಾಮಿ ಪಾಯಸ ಸೇವಿಸಿ. ಇದನ್ನು ಕಾರ್ನ್ಫ್ಲೇಕ್ಸ್, ಹಾಲು, ಕಂಡೆನ್ಸ್ಡ್ ಮಿಲ್ಕ್ ಮತ್ತು ಬಾದಾಮಿ ಹಾಕಿ ಮಾಡಲಾಗುತ್ತದೆ.
ಲೆಂಟಿಲ್ ಕಟ್ಲೆಟ್
ಹೆಚ್ಚು ಎಣ್ಣೆ ಹೀರದ ಲೆಂಟಿಲ್ ಕಟ್ಲೆಟ್ ಕೂಡಾ ಬ್ರೇಕ್ಫಾಸ್ಟ್ಗೆ ಬೆಸ್ಟ್. ವಿವಿಧ ಧಾನ್ಯಗಳಿಂದ ಮಾಡಲಾಗಿರುವ ಇದರಲ್ಲಿ ಪ್ರೋಟೀನ್ ಹೆಚ್ಚಿದ್ದು, ನಾರು ಕೂಡಾ ಯಥೇಚ್ಛ ಪ್ರಮಾಣದಲ್ಲಿದೆ.
ಮಲ್ಟಿ ಗ್ರೈನ್ ದೋಸೆ
ತುಂಬಾ ಸುಲಭವಾಗಿ ತಯಾರಿಸಬಹುದಾದ ಈ ತಿಂಡಿಯನ್ನು ಗೋಧಿ, ಕಡ್ಲೆಬೇಳೆ ಮತ್ತು ನವಣೆ ಹಿಟ್ಟನ್ನು ಹಾಕಿ ಮಾಡುತ್ತಾರೆ. ವೀಕೆಂಡ್ಗೆ ಹೇಳಿ ಮಾಡಿಸಿದ ತಿನಿಸಿದು. ಹಸಿರು ಚಟ್ನಿ ಅಥವಾ ಟೊಮೇಟೊ ಕೆಚಪ್ನ ಜೊತೆಗೆ ತಿಂದರೆ ಟೇಸ್ಟಿಯಾಗಿರುತ್ತದೆ.