ಕಳಲೆ ಸ್ಪೆಷಲ್‌

ಕಳಲೆ ಸಾಸಿವೆ

ಸಾಮಗ್ರಿ: ಸಣ್ಣಗೆ ಹೆಚ್ಚಿದ ಕಳಲೆ-1 ಬಟ್ಟಲು, ಸಾಸಿವೆ-1 ಚಮಚ, ಅರಿಶಿನ-1 ಚಮಚ, ಹಸಿ ಮೆಣಸಿನಕಾಯಿ-3, ತೆಂಗಿನಕಾಯಿ ತುರಿ-ಸ್ವಲ್ಪ, ಮೊಸರು-ಸ್ವಲ್ಪ, ಒಗ್ಗರಣೆಗೆ ಉದ್ದಿನ ಬೇಳೆ-ಸ್ವಲ್ಪ, ಸಾಸಿವೆ-ಸ್ವಲ್ಪ, ಎಣ್ಣೆ-2 ಚಮಚ, ಒಣ ಮೆಣಸು-1, ಉಪ್ಪು-ರುಚಿಗೆ ತಕ್ಕಷ್ಟು, ಬೆಲ್ಲ-1 ಚಮಚ.

ವಿಧಾನ: ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ಒಗ್ಗರಣೆ ಕೊಡಿ. ನಂತರ ಇದಕ್ಕೆ ಕಳಲೆ ಹಾಕಿ ಚೆನ್ನಾಗಿ ಹುರಿಯಿರಿ. ನಂತರ ಕಾಯಿತುರಿ, ಅರಿಶಿನ, ಸಾಸಿವೆ, ಹಸಿ ಮೆಣಸಿನಕಾಯಿ ಸೇರಿಸಿ ರುಬ್ಬಿ ಕಳಲೆಗೆ ಮಿಶ್ರ ಮಾಡಿ. ಕೊನೆಗೆ ಮೊಸರು, ಬೆಲ್ಲ ಮತ್ತು ಉಪ್ಪು ಹಾಕಿ.

ಕಳಲೆ ಪೋಳದ್ಯ

ಸಾಮಗ್ರಿ: ಹೆಚ್ಚಿದ ಕಳಲೆ-2 ಬಟ್ಟಲು, ತೆಂಗಿನಕಾಯಿ ತುರಿ-2 ಹಿಡಿ, ಹಸಿ ಮೆಣಸಿನಕಾಯಿ-8, ಸಾಸಿವೆ-1 ಚಮಚ, ಕೊತ್ತಂಬರಿ ಬೀಜ-2 ಚಮಚ, ಶುಂಠಿ-ಸ್ವಲ್ಪ, ಅಕ್ಕಿ-1 ಚಮಚ, ಕರಿಬೇವಿನ ಎಲೆ-4, ಅರಿಶಿನ-1 ಚಮಚ, ಕಡ್ಲೆಬೇಳೆ-1 ಚಮಚ, ಮಜ್ಜಿಗೆ-1 ಲೋಟ.

ವಿಧಾನ: ಕಳಲೆಗೆ ಉಪ್ಪು, ಸ್ವಲ್ಪ ಬೆಲ್ಲ ಮತ್ತು ನೀರು ಹಾಕಿ ಬೇಯಿಸಿ. ನಂತರ ಮೇಲೆ ಹೇಳಿದ ಎಲ್ಲಾ ಸಾಮಗ್ರಿಗಳನ್ನು ಒಟ್ಟಿಗೆ ರುಬ್ಬಿ ಬೆಂದ ಕಳಲೆಗೆ ಹಾಕಿ ಕುದಿಸಿ. ಆಮೇಲೆ ಇದಕ್ಕೆ ಮಜ್ಜಿಗೆ ಸೇರಿಸಿ. ಕೊನೆಗೆ ಎಣ್ಣೆ, ಒಣ ಮೆಣಸು, ಸಾಸಿವೆ, ಇಂಗು ಮತ್ತು ಕರಿಬೇವಿನ ಒಗ್ಗರಣೆ ಕೊಡಿ. ಯಾವುದೇ ಕಾರಣಕ್ಕೂ ಇದನ್ನು ಮಜ್ಜಿಗೆಯ ಜೊತೆ ಕುದಿಸಬೇಡಿ. ಕೊನೆಗೆ ಮಜ್ಜಿಗೆ ಸೇರಿಸಿ.

ಜಯಾ ಹೆಗಡೆ