ಬಂದಿದೆ ಪ್ರೋಟೀನ್‌ ಐಸ್‌ಕ್ರೀಮ್‌

ಹೈ ಪ್ರೋಟೀನ್‌ ಡಯಟ್‌ ಮಾಡುವವರು ಮತ್ತು ಆರೋಗ್ಯ ಕಾಳಜಿಯುಳ್ಳವರು ಇತ್ತೀಚೆಗೆ ಪ್ರೋಟೀನ್‌ ಐಸ್‌ಕ್ರೀಮ್‌ ಸೇವನೆಗೆ ಆದ್ಯತೆ ನೀಡುತ್ತಿದ್ದಾರೆ. ಇದರ ಸೇವನೆಯಿಂದ ಸಿಹಿ ತಿನಿಸುಗಳನ್ನು ತಿನ್ನಬೇಕೆಂಬ ಕ್ರೇವಿಂಗ್‌ ಕಡಿಮೆಯಾಗುತ್ತದೆ ಎಂದು ಹೇಳಲಾಗುತ್ತದೆ. ಪ್ರಮುಖ ಐಸ್‌ಕ್ರೀಮ್‌ ಪಾರ್ಲರ್‌ಗಳೂ ತಮ್ಮ ಮೆನುವಿನಲ್ಲಿ ಪ್ರೋಟೀನ್‌ ಐಸ್‌ಕ್ರೀಮನ್ನು ಪರಿಚಯಿಸುತ್ತಿವೆ. ಕೇವಲ ಪ್ರೋಟೀನ್‌ ಭರಿತ ವಸ್ತುಗಳನ್ನು ಬಳಸಿ ಮಾಡಲಾಗುವ ಈ ಐಸ್‌ಕ್ರೀಮನ್ನು ಮನೆಯಲ್ಲೂ ಸುಲಭವಾಗಿ ಮಾಡಬಹುದು. ಚಾಕ್ಲೇಟ್‌ ಪ್ರೋಟೀನ್‌ ಪೌಡರ್‌, ಬ್ರೌನ್‌ ಶುಗರ್‌, ವಾಲ್ನಟ್‌ ಇವಿಷ್ಟಿದ್ದರೆ ಪ್ರೋಟೀನ್‌ ಐಸ್‌ಕ್ರೀಮನ್ನು ನೀವು ಬೇಕೆಂದಾಗ ತಯಾರಿಸಲು ಸಾಧ್ಯವಿದೆ. ಪ್ರೋಟೀನ್‌ ಐಸ್‌ಕ್ರೀಮ್‌ ಈಗ ಹೊಸ ಟ್ರೆಂಡ್‌ ಕೂಡಾ ಹೌದು.