ಸಿಲೆಬ್ರಿಟಿ ಟೇಸ್ಟ್‌: ಅಜ್ಜಿಯ ಕೈರುಚಿ ಸೂಪರ್‌: ಬೆನಕ ಸಾಗರ್‌

ಮುಗುಳ್ನಗೆ, ಪಂಚತಂತ್ರ, ಪಡ್ಡೆಹುಲಿ ಸಿನಿಮಾಗಳಲ್ಲಿ ನಟಿಸಿರುವ ಬೆನಕ ಸಾಗರ್‌ ಅವರ ಆಹಾರ ಅಭಿರುಚಿ ಹೀಗಿದೆ.

ನಂದಿನಿ ಕೆ.ಎಲ್‌

ನಾನ್‌ವೆಜ್‌ ಪ್ರಿಯ

ನನಗೆ ವೆಜ್‌ಕ್ಕಿಂತ ನಾನ್‌ವೆಜ್‌ ಆಹಾರ ಇಷ್ಟ. ಮಟನ್‌ ಚಾಫ್ಸ್‌, ಕಬಾಬ್‌, ಬಿರಿಯಾನಿ, ಚಿಕನ್‌ ಚಾಫ್ಸ್‌ ನನ್ನ ಫೇವರಿಟ್ಸ್‌. ನನ್ನಜ್ಜಿ ಯಾವಾಗಲೂ ನನಗೆ ಬಗೆ ಬಗೆಯ ಖಾದ್ಯ ಮಾಡಿ ಕೊಡುತ್ತಾರೆ. ಅವರ ಕೈರುಚಿ ಯಾವ ಫೈವ್‌ ಸ್ಟಾರ್‌ ಹೋಟೆಲ್‌ನಲ್ಲಿಯೂ ಸಿಗುವುದಿಲ್ಲ.

ಅಜ್ಜಿಯೇ ಟ್ರೇನರ್‌

ಅಡುಗೆಯಲ್ಲಿ ನಾನು ಎಕ್ಸ್‌ಪರ್ಟ್‌ ಅಲ್ಲ. ಆದರೆ ಎಗ್‌ರೈಸ್‌, ರೈಸ್‌, ಟೊಮೇಟೊ ಗೊಜ್ಜು ಮಾಡಲು ಗೊತ್ತಿದೆ. ನನ್ನ ಅಜ್ಜಿಯನ್ನು ಕೇಳಿ ಚಿಕನ್‌ ಪೆಪ್ಪರ್‌ ಡ್ರೈ ಮಾಡುತ್ತೇನೆ. ಅಡುಗೆಯ ವಿಷಯದಲ್ಲಿ ಅಜ್ಜಿಯೇ ನನ್ನ ಟ್ರೇನರ್‌.

ಹಿತಮಿತ ಆಹಾರ

ನಾನು ಡಯಟ್‌ ಫಾಲೋ ಮಾಡುವುದಿಲ್ಲ. ಆದರೆ ಏನೇ ತಿಂದರೂ ಹಿತಮಿತವಾಗಿ ತಿನ್ನುತ್ತೇನೆ. ನಿಯಮಿತವಾಗಿ ಸೌತೆಕಾಯಿ ಜ್ಯೂಸ್‌ ಕುಡಿಯುತ್ತೇನೆ. ಪ್ರತಿದಿನ ರಾತ್ರಿ ಮುದ್ದೆ ಚಪಾತಿ ಮತ್ತು ಅದಕ್ಕೆ ಹೊಂದುವ ಸಾರು ತಿಂದಾಗಲೇ ಸಮಾಧಾನವಾಗುತ್ತದೆ. ನನಗೆ ಖಾರ ಆಹಾರ ಮತ್ತು ಡ್ರೈಫ್ರೂಟ್ಸ್‌ನಿಂದ ಮಾಡಿದ ಸ್ವೀಟ್ಸ್‌ ಇಷ್ಟ.

ಉಪ್ಪು ತಿನ್ನಿಸಿ ನೀರು ಕುಡಿಸುವೆ

ನಾನು ಹಲವು ಬಾರಿ ಖಾದ್ಯಕ್ಕೆ ಅಳತೆ ಮೀರಿ ಉಪ್ಪು ಹಾಕಿದ್ದೇನೆ. ಆಗ ನನ್ನಜ್ಜಿ ನೀನು ನನಗೆ ಉಪ್ಪು ತಿನ್ನಿಸಿ ನೀರು ಕುಡಿಸುತ್ತಿಯಾ ಎಂದು ಕಾಲೆಳೆಯುತ್ತಿದ್ದರು. ಈಗ ಉಪ್ಪು ಹಾಕುವಾಗ ಎಚ್ಚರ ವಹಿಸುತ್ತೇನೆ.

ಆಹಾರಗಳನ್ನು ವೇಸ್ಟ್‌ ಮಾಡಬೇಡಿ. ನಮಗೆ ಎಷ್ಟು ಬೇಕೊ ಅಷ್ಟು ಮಾತ್ರ ಹಾಕಿಸಿಕೊಂಡು ತಿನ್ನಬೇಕು. ಹೆಚ್ಚು ಹಾಕಿಸಿಕೊಂಡು ತಟ್ಟೆಯಲ್ಲಿಯೇ ಬಿಟ್ಟು ಚೆಲ್ಲಬೇಡಿ. ನಮ್ಮ ಒಂದೊಂದು ತುತ್ತಿನ ಹಿಂದೆ ನಮ್ಮ ಶ್ರಮವಿರುತ್ತದೆ.

-ಬೆನಕ ಸಾಗರ್‌, ನಟ