ಸಿಲೆಬ್ರಿಟಿ ಟೆಸ್ಟ್‌: ಆಲೂ ಡಿಶ್‌ ಇಷ್ಟ: ಸಂಗೀತಾ

ಚಾರ್ಲಿ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟಿರುವ ನಟಿ ಸಂಗೀತಾ ಅವರ ಫುಡ್‌ ಹ್ಯಾಬಿಟ್‌ ಹೀಗಿದೆ.

ನಂದಿನಿ ಕೆ.ಎಲ್‌

ನಾನ್‌ವೆಜ್‌ ಪ್ರಿಯೆ

ನನಗೆ ವೆಜ್‌ಗಿಂತ ನಾನ್‌ವೆಜ್‌ ಆಹಾರ ಇಷ್ಟ. ಚಿಕನ್‌ ಬಿರಿಯಾನಿ, ಚಿಕನ್‌ ಫ್ರೈ, ಫ್ರೂಟ್ಸ್‌ ಮತ್ತು ವೆಜಿಟೇಬಲ್‌ ಸಲಾಡ್ಸ್‌ ನನ್ನ ಆಲ್‌ಟೈಮ್‌ ಫೇವರಿಟ್ಸ್‌.

ಅಡುಗೆ ಗೊತ್ತಿದೆ

ನಾನು ಮನೆಯಿಂದ ಹೊರಗಡೆ ಗೆಳತಿಯರೊಟ್ಟಿಗೆ ಇದ್ದಾಗ ಅಡುಗೆ ಮಾಡುವುದನ್ನು ಕಲಿತೆ. ವೆಜ್‌ ಬಿರಿಯಾನಿ, ರೈಸ್‌, ಸಾಂಬಾರು, ವೆಜ್‌ ಫ್ರೈಡ್‌ ರೈಸ್‌ ಸೇರಿದಂತೆ ಇತರ ಆಹಾರಗಳನ್ನು ಮಾಡಲು ಗೊತ್ತಿದೆ. ಆಲೂಗೆಡ್ಡೆ ಎಂದರೆ ನನಗೆ ಪಂಚಪ್ರಾಣ. ಇದರಲ್ಲಿ ವೆರೈಟಿ ಡಿಶ್‌ಗಳನ್ನು ಟ್ರೈ ಮಾಡುತ್ತೇನೆ. ಆಲೂ ಡಿಶ್‌ಗಳು ನನಗೆ ಸದಾ ಇಷ್ಟ.

ಸ್ಟ್ರಿಕ್ಟ್ ಡಯಟ್‌

ಇತ್ತೀಚೆಗೆ ಡಯಟ್‌ ಮಾಡಲು ಆರಂಭಿಸಿದ್ದೇನೆ. ನಾನ್‌ವೆಜ್‌ ಅನ್ನು ಸಂಪೂರ್ಣ ತ್ಯಜಿಸಿದ್ದೇನೆ. ಡಯಟ್‌ ವಿಷಯದಲ್ಲಿ ನಾನು ತುಂಬಾ ಕಟ್ಟುನಿಟ್ಟ್ಟು. ಎಣ್ಣೆ ಪದಾರ್ಥ, ಜಂಕ್‌ ಫುಡ್‌ನಿಂದ ದೂರವಿರುತ್ತೇನೆ. ಬೆಳಗ್ಗೆ ಹಾಗೂ ರಾತ್ರಿ ಪ್ರೋಟೀನ್‌, ಫೈಬರ್‌ ಇರುವ ಜ್ಯೂಸ್‌ ಕುಡಿಯುತ್ತೇನೆ. ಹಸಿರು ತರಕಾರಿ ಮತ್ತು ಹಣ್ಣುಗಳನ್ನು ಹೆಚ್ಚು ಸೇವಿಸುತ್ತೇನೆ.

ಎಲ್ಲಾ ಟೇಸ್ಟ್‌ ಓಕೆ

ಹೊಸ ಪ್ರದೇಶಗಳಿಗೆ ಹೋದಾಗ ಅಲ್ಲಿನ ಸ್ಥಳೀಯ ಆಹಾರ ಸೇವಿಸಲು ಇಷ್ಟಪಡುತ್ತೇನೆ. ಹೋದ ಕಡೆ ಫೈವ್‌ ಸ್ಟಾರ್‌ ಹೋಟೆಲ್‌ ಊಟವೇ ಬೇಕೆಂದೇನೂ ಇಲ್ಲ. ಸ್ಟ್ರೀಟ್‌ ಫುಡ್‌, ಸಾಮಾನ್ಯ ಹೋಟೆಲ್‌ಗಳ ಆಹಾರವೂ ನನಗೆ ಓಕೆ.

ಖಾರ ಇಷ್ಟ

ನನಗೆ ಖಾರ ರುಚಿಯ ತಿನಿಸು ತುಂಬಾ ಇಷ್ಟ. ಡಯಟ್‌ನಲ್ಲಿದ್ದಾಗಲೂ ಖಾರ ಆಹಾರ ಮಿಸ್‌ ಮಾಡುವುದಿಲ್ಲ. ಏನಿಲ್ಲದಿದ್ದರೂ ಒಂದು ಹಸಿ ಮೆಣಸಿಕಾಯಿಯನ್ನಾದರೂ ತಿನ್ನುತ್ತಾ ಊಟ ಮಾಡುತ್ತೇನೆ.

ಒಮ್ಮೆ ಮನೆಯಲ್ಲಿ ಯಾರೂ ಇಲ್ಲದಾಗ ಫ್ರೈಡ್‌ ರೈಸ್‌ ಮಾಡಲು ಹೋಗಿದ್ದೆ. ಅದಕ್ಕೆ ಮಿರ್ಚಿ ಪೌಡರ್‌ ಹಾಕುವ ಬದಲು ರಸಂ ಪೌಡರ್‌ ಹಾಕಿದ್ದೆ. ಅದು ಒಂಚೂರೂ ರುಚಿಸಲಿಲ್ಲ. ಅದಾದ ನಂತರ ಇದುವರೆಗೂ ಫ್ರೈಡ್‌ ರೈಸ್‌ ಮಾಡುವ ಗೋಜಿಗೆ ಹೋಗಿಲ್ಲ.

-ಸಂಗೀತಾ, ನಟಿ