ಬೇಬಿ ಕಾರ್ನ್ ಫಿಂಗರ್‌ ಫ್ರೈ

ಮಕ್ಕಳು ಶಾಲೆಯಿಂದ ಮನೆಗೆ ಬರುವ ಹೊತ್ತಿಗೆ ಏನಾದರೂ ಸ್ನ್ಯಾಕ್ಸ್ ಮಾಡಿಕೊಟ್ಟರೆ ಅವರಿಗೆ ತುಂಬಾ ಖುಷಿಯಾಗುತ್ತದೆ. ಕೆಲವೊಂದು ರುಚಿಕರ ಸ್ನ್ಯಾಕ್ಸ್‌ ಅನ್ನು ಸುಲಭವಾಗಿ ಮಾಡಬಹುದು. ಅಂಥದೊಂದು ಸ್ನ್ಯಾಕ್ಸ್‌ ರೆಸಿಪಿ ನೋಡಿ ಇಲ್ಲಿದೆ:

Vijaya Karnataka Web

ಬೇಕಾಗುವ ಸಾಮಾಗ್ರಿಗಳು
3 ಬೇಬಿ ಕಾರ್ನ್‌
1 ಚಮಚ ಖಾರದ ಪುಡಿ
(ಖಾರ ಕಮ್ಮಿ ಬೇಕೆನ್ನುವವರು ಅರ್ಧ ಚಮಚ ಹಾಕಿದರೆ ಸಾಕು)
1/2 ಚಮಚ ಕಡಲೆ ಹಿಟ್ಟು
1 ಮೊಟ್ಟೆ
ಚಿಟಿಕೆಯಷ್ಟು ಉಪ್ಪು
ಅರ್ಧ ಕಪ್ ಎಣ್ಣೆ

ಮಿಕ್ಸ್‌ ಮಸಾಲ:
1 ಚಮಚ ಶುಂಠಿ ಪೇಸ್ಟ್
1 ಚಮಚ ಬೆಳ್ಳುಳ್ಳಿ ಪೇಸ್ಟ್
1 ಚಮಚ ನಿಂಬೆ ರಸ
ರುಚಿಗೆ ತಕ್ಕ ಉಪ್ಪು (1/4 ಚಮಚ)

ಮಾಡುವ ವಿಧಾನ:

* ಬೇಬಿ ಕಾರ್ನ್‌ ಅನ್ನು ಉದ್ದುದ್ದ ಕತ್ತರಿಸಿ. ಒಂದು ಬೌಲ್‌ನಲ್ಲಿ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್‌, ನಿಂಬೆರಸ, ರುಚಿಗೆ ತಕ್ಕ ಉಪ್ಪು ಹಾಕಿ, ನಂತರ ಬೇಬಿಕಾರ್ನ್ ಹಾಕಿ ಮಿಕ್ಸ್‌ ಮಾಡಿ ಅರ್ಧ ಗಂಟೆ ಇಡಿ.

* ನಂತರ ಕಡಲೆ ಹಿಟ್ಟಿಗೆ ಖಾರದ ಪುಡಿ, ಚಿಟಿಕೆಯಷ್ಟು ಉಪ್ಪು ಹಾಗೂ ಮೊಟ್ಟೆ ಹಾಕಿ ಕಲೆಸಿ.

* ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ.

* ಎಣ್ಣೆ ಬಿಸಿಯಾದಾಗ ಬೇಬಿ ಕಾರ್ನ್‌ ಅನ್ನು ಕಡಲೆ ಮಿಶ್ರಣದಲ್ಲಿ ಅದ್ದಿ ನಂತರ ಎಣ್ಣೆಗೆ ಹಾಕಿ ಕಂದು ಬಣ್ಣ ಬರುವಾಗ ತೆಗೆಯಿರಿ.

ಇದನ್ನು ಬಿಸಿ ಬಿಸಿ ಇರುವಾಗಲೇ ಟೊಮೆಟೊ ಸಾಸ್‌ ಜತೆ ಸರ್ವ್ ಮಾಡಿ.