ಸೂಪರ್‌ ಟೇಸ್ಟ್‌ನ ಬಿರಿಯಾನಿಗೆ 9 ಕುಕ್ಕಿಂಗ್‌ ಟಿಪ್ಸ್

ಬಿರಿಯಾನಿ ಮಾಡುವಾಗ ಕೆಲವೊಂದು ಕುಕ್ಕಿಂಗ್‌ ಟಿಪ್ಸ್ ಇವೆ, ಅವುಗಳನ್ನು ಪಾಲಿಸಿದರೆ ಸೂಪರ್‌ ಟೇಸ್ಟ್‌ನ ಬಿರಿಯಾನಿಯನ್ನು ಸವಿಯಬಹುದು.

ಇಲ್ಲಿ ಸೂಪರ್‌ ಬಿರಿಯಾನಿ ಕುಕ್ಕಿಂಗ್ ಟಿಪ್ಸ್ ನೀಡಿದ್ದೇವೆ ನೋಡಿ:

1. ತುಪ್ಪವನ್ನು ಪಾತ್ರೆಗೆ ಸವರಬೇಕು
ತುಪ್ಪವನ್ನು ಸರಿಯಾದ ರೀತಿಯಲ್ಲಿ ಸವರಿದರೆ ಇದು ಎಣ್ಣೆ, ತುಪ್ಪ, ಈರುಳ್ಳಿ ಇತರ ಪದಾರ್ಥಗಳು ಸೀದು ಹೋಗುವುದನ್ನು ತಡೆಯುತ್ತದೆ.

2. ಈರುಳ್ಳಿಯನ್ನು ಚೆನ್ನಾಗಿ ಫ್ರೈ ಮಾಡಬೇಕು
ಬಿರಿಯಾನಿ ಟೇಸ್ಟ್ ಅಡಗಿರುವುದೇ ಈರುಳ್ಳಿ ಫ್ರೈ ಮಾಡುವುದರಲ್ಲಿ, ಬಿರಿಯಾನಿ ಘಮ್‌ ಎನ್ನುವ ಸುವಾಸನೆ ನೀಡುವುದೇ ತುಪ್ಪದಲ್ಲಿ ಕರಿದ ಈರುಳ್ಳಿ. ಈರುಳ್ಳಿಯನ್ನು ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

3. ಕಚ್ಛಾ ಮಸಾಲೆ
ಚಕ್ಕೆ, ಲವಂಗ, ಏಲಕ್ಕಿ, ಲವಂಗದ ಎಲೆ, ನಕ್ಷತ್ರ ಮೊಗ್ಗು ಇವುಗಳನ್ನು ಹಾಗೇ ಬಳಸಬೇಕು. ಇದನ್ನು ಪುಡಿ ಮಾಡಿ ಬಳಸಬೇಡಿ.

4. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌ನ ಮ್ಯಾಜಿಕ್‌
ಶುಂಠಿ ಹಾಗೂ ಬೆಳ್ಳುಳ್ಳಿ ಪೇಸ್ಟ್‌ ಸಮಪ್ರಮಾಣದಲ್ಲಿ ಇರಬೇಕು. ಶುಂಠಿ ಪೇಸ್ಟ್ 3 ಸ್ಪೂನ್‌ ಹಾಕಿದರೆ, ಬೆಳ್ಳುಳ್ಳಿ ಪೇಸ್ಟ್‌ ಕೂಡ 3 ಸ್ಪೂನ್‌ ಹಾಕಬೇಕು.

5. ಮಾಂಸವನ್ನು ಪ್ರತ್ಯೇಕ ಬೇಯಿಸಿ
ಚಿಕನ್, ಮಟನ್‌ ಮಾಂಸವನ್ನು ಮಸಾಲೆ ಮಿಕ್ಸ್ ಮಾಡಿ ಪ್ರತ್ಯೇಕವಾಗಿ ಬೇಯಿಸಿ, ನಂತರ ಬಿರಿಯಾನಿ ಅನ್ನದ ಜತೆ ಮಿಕ್ಸ್ ಮಾಡಿ ಸ್ವಲ್ಪ ಹೊತ್ತು ಹಬೆಯಲ್ಲಿ ಬೇಯಿಸಿದರೆ ಟೇಸ್ಟ್ ಅಧಿಕ.

6. ಮೊಸರಿನ ಚಮತ್ಕಾರ
ಮಾಂಸವನ್ನು ಮಸಾಲೆ ಜತೆ ಮಿಕ್ಸ್ ಮಾಡಿ ಇಡುವಾಗ ಮೊಸರು ಹಾಕಿದರೆ ಮಾಂಸ ಮೃದುವಾಗಿರುತ್ತದೆ. ಇನ್ನು ಬಿರಿಯಾನಿಯನ್ನು ಪದರ, ಪದರವಾಗಿ ಹಾಕುವಾಗ ಒಂದೊಂದು ಚಮಚ ಮೊಸರು ಹಾಕಿ.

7. ಬಿರಿಯಾನಿ ಮಾಡುವಾಗ ನಿಂಬೆ ರಸ ಕೊನೆಯಲ್ಲಿ ಬಳಸಿ
ಅಡುಗೆ ಬೇಯುವಾಗಲೇ ನಿಂಬೆರಸ ಹಾಕುವುದಕ್ಕಿಂತ ಅಡುಗೆ ಆದ ಮೇಲೆ ನಿಂಬೆ ರಸ ಹಾಕಿ ಮಿಕ್ಸ್ ಮಾಡಿದರೆ ರುಚಿ ಅಧಿಕ.

8. ಅಕ್ಕಿಯನ್ನು ನೆನೆಹಾಕಿ ಬೇಯಿಸಿ
ಅಕ್ಕಿಯನ್ನು 15 ನಿಮಿಷ ನೆನೆಹಾಕಿ ನಂತರ ಬೇಯಿಸಬೇಕು. ಇದರಿಂದ ಅಕ್ಕಿ ಬೇಯಲು ಕಡಿಮೆ ಸಮಯ ತೆಗೆದುಕೊಳ್ಳುವುದು.

9. ಕಡಿಮೆ ಉರಿಯಲ್ಲಿ ಬೇಯಿಸಿ
ಬಿರಿಯಾನಿಯನ್ನು ಕಡಿಮೆ ಉರಿಯಲ್ಲಿ ಬೇಯಿಸಿದಷ್ಟು ರುಚಿ ಅಧಿಕ.