ಬೆಣ್ಣೆ ಮ್ಯೂಸಿಯಂ

ಬಟರ್‌ ಅಥವಾ ಬೆಣ್ಣೆಯ ಉತ್ಪಾದನೆ, ವಿಧ, ಮಾರಾಟ ಇತ್ಯಾದಿಗಳ ಇತಿಹಾಸವನ್ನು ತಿಳಿಸುವ ಮ್ಯೂಸಿಯಂ ಕೂಡಾ ಇದೆ. ಐರ್ಲೆಂಡ್‌ನ ಕೌಂಟಿ ಕಾರ್ಕ್‌ನಲ್ಲಿರುವ ಈ ಮ್ಯೂಸಿಯಂ 1849 ರಲ್ಲಿ ಸ್ಥಾಪನೆಯಾಯಿತು.

19ನೇ ಶತಮಾನದಲ್ಲಿ ಕೋರ್ಕ್‌ ನಗರವು ಇಡೀ ಜಗತ್ತಿನಲ್ಲಿ ಅತ್ಯಧಿಕ ಪ್ರಮಾಣದ ಬೆಣ್ಣೆಯನ್ನು ರಫ್ತು ಮಾಡುತ್ತಿತ್ತು. ಈ ಕಟ್ಟಡವನ್ನು ಈಗ ಮ್ಯೂಸಿಯಂ ಆಗಿ ಪರಿವರ್ತಿಸಲಾಗಿದೆ. ಇಲ್ಲಿಗೆ ಬರುವ ಪ್ರವಾಸಿಗರು ಬೆಣ್ಣೆಯ ಉತ್ಪಾದನೆ, ಹೈನುಗಾರಿಕೆ ಇತ್ಯಾದಿ ಸೇರಿದಂತೆ ಬೆಣ್ಣೆಯ ಕುರಿತಾದ ಎಲ್ಲಾ ಮಾಹಿತಿಗಳನ್ನು ಪಡೆದುಕೊಳ್ಳಬಹುದು. ಸಾವಿರ ವರ್ಷಗಳಷ್ಟು ಹಳೆಯದಾಗಿರುವ ಬೆಣ್ಣೆ ಸಂಗ್ರಹ ಪಾತ್ರೆಗಳ ಸಂಗ್ರಹವೂ ಇಲ್ಲಿದೆ.