ಮಕ್ಕಳ ಲಂಚ್‌ ಬಾಕ್ಸ್‌ ಹೀಗಿರಲಿ

ಶೋಭಾ ದೇಸಾಯಿ

ಸಣ್ಣ ಮಕ್ಕಳು ದಿನದ ಹೆಚ್ಚು ಸಮಯವನ್ನು ಶಾಲೆಯಲ್ಲಿಯೇ ಕಳೆಯುವುದರಿಂದ ಅವರ ಊಟದ ಬಾಕ್ಸ್‌ಗೆ ಆರೋಗ್ಯಕರವಾದ ಆಹಾರವನ್ನೇ ಕೊಟ್ಟು ಕಳಿಸಬೇಕು. ಅವರ ದಿನದ ಆಹಾರದೊಂದಿಗೆ ವಾರದಲ್ಲಿ ಎರಡು ಬಾರಿಯಾದರೂ ಸಿರಿಧಾನ್ಯದ ಅಡುಗೆ, ಮೊಳಕೆ ಕಾಳುಗಳು, ಹಣ್ಣು, ಒಣ ಹಣ್ಣು,ಹಸಿ ತರಕಾರಿ, ಸೊಪ್ಪು, ಮೊಸರು, ಮಜ್ಜಿಗೆ ಇರುವಂತೆ ನೋಡಿಕೊಳ್ಳಿ.

ಮೈದಾ ಹಿಟ್ಟು, ಕೃತಕ ಬಣ್ಣದ ಆಹಾರ, ಹೆಚ್ಚು ಸಕ್ಕರೆಯಿರುವ ಸಿಹಿ ತಿನಿಸು, ಡಾಲ್ಡಾ, ಪ್ರಾಣಿಗಳ ಕೊಬ್ಬಿನಿಂದ ಮಾಡಿದ ಎಣ್ಣೆ, ಬೆಣ್ಣೆ, ಸೋಡಾ, ಅಜಿನೊಮೋಟೊ, ಸೋಡಿಯಂ ಬೆಂಜೋವೇಟ್‌, ಕೃತಕ ಪರಿಮಳ, ಜಂಕ್‌ ಫುಡ್‌, ಬೇಕರಿ ತಿಂಡಿ ಇತ್ಯಾದಿಗಳನ್ನು ಮಕ್ಕಳಿಗೆ ಕೊಡಬೇಡಿ.