ಈ ಚಾಕಲೇಟ್ ಬರ್ಫಿ ಮಾಡುವುದು ಸುಲಭ

ಹಬ್ಬದ ಸಮಯದಲ್ಲಿ, ಮನೆಗೆ ನೆಂಟರಿಷ್ಟರು ಬಂದಾಗ ಸ್ಪೆಷಲ್ ಸ್ವೀಟ್ ಆಗಿ ಈ ಚಾಕಲೇಟ್‌ ಬರ್ಫಿ ಟ್ರೈ ಮಾಡಬಹುದು. ಇದಕ್ಕೆ ಹೆಚ್ಚಿನ ಸಾಮಾಗ್ರಿಗಳೂ ಬೇಕಾಗಿಲ್ಲ, ಹೆಚ್ಚಿನ ಶ್ರಮವೂ ಬೇಡ. ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ.

ಬೇಕಾಗುವ ಸಾಮಾಗ್ರಿಗಳು:
1 ಲೀ ಹಾಲು
ಕೋಕಾ ಪುಡಿ 1 ಚಮಚ
ಸಕ್ಕರೆ 6 ಚಮಚ
2 ಚಮಚ ತುಪ್ಪ
ಸ್ವಲ್ಪ ಪುಡಿ ಗೋಡಂಬಿ ಮತ್ತು ಪಿಸ್ತಾ

ಮಾಡುವ ವಿಧಾನ

* ಹಾಲನ್ನು ಕುದಿಸಿ ಒಂದು ಲೀ. ಹಾಲು ಅರ್ಧ ಲೀಟರ್‌ಗಿಂತಲೂ ಕಮ್ಮಿಯಾಗುವಷ್ಟು ಕುದಿಸಿ.

* ಈಗ ಪ್ಯಾನ್‌ಗೆ ಎರಡು ಚಮಚ ತುಪ್ಪ ಹಾಕಿ ಬಿಸಿ ಈಗ ಮಂದವಾದ ಹಾಲನ್ನು ಹಾಕಿ, ಉರಿಯನ್ನು ಕಮ್ಮಿ ಮಾಡಿ, ಬಿಸಿ ಹಾಲಿಗೆ ಸಕ್ಕರೆ ಹಾಕಿ ನಂತರ ಕೋಕಾ ಪುಡಿ ಹಾಕಿ ಮಿಕ್ಸ್‌ ಮಾಡಿ.

* ಮಿಶ್ರಣ ಗಟ್ಟಿಯಾಗುತ್ತಾ ಬರುವಾಗ ಅದನ್ನು ಉರಿಯಿಂದ ಇಳಿಸಿ, ತಟ್ಟೆಗೆ ತುಪ್ಪ ಸವರಿ ಅದರಲ್ಲಿ ಮಿಶ್ರಣವನ್ನು ಸುರಿಯಿರಿ. ನಂತರ ಅದರ ಮೇಲೆ ಗೋಡಂಬಿ ಹಾಗೂ ಪಿಸ್ತಾದ ಚೂರುಗಳನ್ನು ಹಾಕಿ ಮಿಶ್ರಣ ತಣ್ಣಗಾಗಲು ಬಿಡಿ.

ಮಿಶ್ರಣ ತಣ್ಣಗಾದಾಗ ಅದು ಗಟ್ಟಿಯಾಗಿರುತ್ತದೆ. ಈಗ ರೆಡಿಯಾದ ಬರ್ಫಿಯನ್ನು ಬೇಕಾದ ಶೇಪ್‌ಗೆ ಕತ್ತರಿಸಿ.