ಇದು ಉತ್ತರ ಕರ್ನಾಟಕ ಭಾಗದಲ್ಲಿ ಮಾಡುವ ಒಂದು ಸಿಹಿ ತಿಂಡಿ. ಇದನ್ನು ಮೊಹರಂ ಸಮಯದಲ್ಲಿ ಹೆಚ್ಚಾಗಿ ಮಾಡುವ ಪದ್ಧತಿ ಇದೆ.
ಸಾಮಾಗ್ರಿ: 250 ಗ್ರಾಂ ಪುಟಾಣಿ , 500 ಗ್ರಾಂ ಗೋಧಿಹಿಟ್ಟು , 300 ಗ್ರಾಂ ಬೆಲ್ಲ , 50 ಗ್ರಾಂ ಗಸಗಸೆ, 50 ಗ್ರಾಂ ಒಣ ಕೊಬ್ಬರಿ ತುರಿ, 4 ಏಲಕ್ಕಿ ಅಥವಾ 1 ಟೀ ಚಮಚ ಒಣ ಶುಂಠಿ ಪುಡಿ. ರುಚಿಗೆ ಉಪ್ಪು. ಸಲ್ಪ ಎಣ್ಣೆ, ತುಪ್ಪ.
ವಿಧಾನ: ಪುಟಾಣಿಯನ್ನು ಪುಡಿ ಮಾಡಿಕೊಂಡು, ಬೆಲ್ಲದ ಪುಡಿಯೊಂದಿಗೆ ಕಲಸಿಕೊಳ್ಳಿ. ಈ ಹಿಟ್ಟಿಗೆ ಹುರಿದ ಗಸಗಸೆ ಮತ್ತು ಒಣ ಕೊಬ್ಬರಿ ತುರಿ, ಏಲಕ್ಕಿ ಅಥವಾ ಶುಂಠಿ ಪುಡಿ ಸೇರಿಸಿ.
ಗೋಧಿ ಹಿಟ್ಟನ್ನು ಚಪಾತಿ ಹಿಟ್ಟಿನ ಹದಕ್ಕೆ ನೀರು, ಬೇಕಿದ್ದರೆ ಸಲ್ಪ ಹಾಲು, ಉಪ್ಪು ಸೇರಿಸಿ ನಾದಿಕೊಳ್ಳಿ. ನಂತರ ಚೊಂಗೆ ಮಣೆ ಮೇಲೆ ಚಿಕ್ಕ ಚಪಾತಿ ತರಹದ ಚೊಂಗೆಗಳನ್ನು ಎಣ್ಣೆ ಹಾಕಿ ಲಟ್ಟಿಸಿಕೊಳ್ಳಿ. ಇದನ್ನು ಹಂಚಿನಲ್ಲಿ ಬೇಯಿಸಿ. ಬೆಂದ ನಂತರ ಒಂದು ಬದಿಗೆ ತುಪ್ಪ ಸವರಿ ಬೆಲ್ಲ ಮತ್ತು ಪುಟಾಣಿ ಹಿಟ್ಟಿನ ಮಿಶ್ರಣವನ್ನು ಹರಡಿ ಒತ್ತಿ ಸವಿಯಿರಿ.
ಟಿಫ್ಸ್: ಚೊಂಗೆ ಮಣೆ ಉತ್ತರ ಕರ್ನಾಟಕದ ಕೆಲವು ಜಾತ್ರೆಗಳಲ್ಲಿ ಲಭ್ಯ.
- ಚಂಪಾ