ಎಲ್ಲೆಡೆ ಆಕರ್ಷಕ ಆಹಾರಗಳ ಪ್ರದರ್ಶನಗಳನ್ನು ಆಯೋಜಿಸಿದರೆ ಸ್ವೀಡನ್ನ ಮಲ್ಮೊ ಎಂಬಲ್ಲಿಅತ್ಯಂತ ವಿಚಿತ್ರವಾಗಿರುವ ಆಹಾರಗಳ ಪ್ರದರ್ಶನ ನಡೆಯುತ್ತದೆ. ಇಂಥ ವಿಚಿತ್ರ ಮತ್ತು ಅಸಹ್ಯಕರ ಆಹಾರಗಳಿಗಾಗಿ ಅಲ್ಲೊಂದು ಫುಡ್ ಮ್ಯೂಸಿಯಂ ಇದೆ. ಅದು ಪ್ರತಿವರ್ಷ ವಿವಿಧ ದೇಶಗಳ ಅಸಹ್ಯಕರ ಆಹಾರಗಳನ್ನು ಪ್ರದರ್ಶನಕ್ಕೆ ಇಡುತ್ತದೆ. ಈಗಾಗಲೇ ಜಗತ್ತಿನ ಅತ್ಯಂತ ಅಸಹ್ಯಕರವಾದ 80 ಆಹಾರಗಳನ್ನು ಹೊಂದಿರುವ ಈ ಡಿಸ್ಗಸ್ಟಿಂಗ್ ಫುಡ್ ಮ್ಯೂಸಿಯಂಗೆ ಸಾಹಸ ಮನೋಭಾವದ ಜನರು ಭೇಟಿ ನೀಡಿ ಈ ಆಹಾರಗಳ ಪರಿಮಳ ಆಸ್ವಾದಿಸುತ್ತಾರೆ ಮತ್ತು ಅದರ ರುಚಿಯನ್ನೂ ತಿಂದು ನೋಡುತ್ತಾರೆ. ಇಲ್ಲಿನೀವು ಕಂಡು ಕೇಳರಿಯದ ವಿಚಿತ್ರ ಆಹಾರಗಳಿವೆ. ಚೀನಾದ ಆಮೆ ಸೂಪ್, ಕುರಿಯ ತಲೆ, ಹೊಟ್ಟೆ, ಕಾಲುಗಳಿಂದ ತಯಾರಿಸಿದ ಇರಾನ್ನ ಕೆಲೆ ಪೇಶ್, ಚೀನಾದ ಇಲಿ ವೈನ್, ಕಾಂಬೋಡಿಯಾದ ಹುರಿದ ಜೇಡ, ಕುರಿಯ ಕಣ್ಣುಗುಡ್ಡೆಯಿಂದ ತಯಾರಿಸಿದ ಮಂಗೋಲಿಯಾದ ಶೀಪ್ ಐ ಬಾಲ್ ಜ್ಯೂಸ್, ಬಾವಲಿಯಿಂದ ತಯಾರಿಸಿದ ಫ್ರೂಟ್ ಬ್ಯಾಟ್ ಸೂಪ್, ಜಿಲೆಟಿನ್ನಿಂದ ಮಾಡಿದ ಕ್ಯಾಂಡಿ ಇತ್ಯಾದಿಗಳು ಇಲ್ಲಿಕಾಣಸಿಗುತ್ತವೆ. ಮೂಲತಃ ವಿವಿಧ ದೇಶಗಳ ಆಹಾರ ಸಂಸ್ಕೃತಿಯನ್ನು ಪರಿಚಯಿಸುವ ಉದ್ದೇಶವನ್ನು ಈ ಫುಡ್ ಮ್ಯೂಸಿಯಂ ಹೊಂದಿದೆ. ಕೆಲವು ದೇಶಗಳಲ್ಲಿರೂಢಿಯಲ್ಲಿರುವ ಆಹಾರ ಪದ್ಧತಿ ಬೇರೆಯವರಿಗೆ ವಿಚಿತ್ರ ಮತ್ತು ಅಸಹ್ಯವಾಗಿ ಕಾಣುವುದು ಸಹಜ. ಈ ವೈರುಧ್ಯದಿಂದಾಗಿಯೇ ನಮ್ಮ ಫುಡ್ ಮ್ಯೂಸಿಯಂ ಪ್ರಸಿದ್ಧವಾಗಿದೆ ಎಂದು ಈ ಮ್ಯೂಸಿಯಂನ ಆಡಳಿತ ಮಂಡಳಿ ತಿಳಿಸಿದೆ.
ವಿಚಿತ್ರ ಆಹಾರ ಪ್ರದರ್ಶನ
ಎಲ್ಲೆಡೆ ಆಕರ್ಷಕ ಆಹಾರಗಳ ಪ್ರದರ್ಶನಗಳನ್ನು ಆಯೋಜಿಸಿದರೆ ಸ್ವೀಡನ್ನ ಮಲ್ಮೊ ಎಂಬಲ್ಲಿಅತ್ಯಂತ ವಿಚಿತ್ರವಾಗಿರುವ ಆಹಾರಗಳ ಪ್ರದರ್ಶನ ನಡೆಯುತ್ತದೆ...
Vijaya Karnataka 19 Oct 2019, 5:00 am