ಕಾಫಿ ಮೇಲೆ ಲ್ಯಾಟೆ ಆರ್ಟ್‌ ಮೂಡಿಸಿ

ಕೆಫೆಯಲ್ಲಿನೀವು ನೊರೆಯಂತಿರುವ ಬಿಸಿ ಬಿಸಿ ಕಾಫಿಯ ಮೇಲೆ ಹಾರ್ಟ್‌ ಶೇಪ್‌, ಫ್ಲವರ್‌, ಸ್ಪೈರಲ್‌ ಮುಂತಾದ ಡಿಸೈನ್‌ ಬಿಡಿಸಿರುವುದನ್ನು ನೋಡಿರುತ್ತೀರಿ. ನೋಡಲು ತುಂಬಾ ಆಕರ್ಷಕವಾಗಿರುವ ಕಾಣುವ ಇವುಗಳನ್ನು ಕಾಫಿಯ ಮೇಲೆ ಹೇಗೆ ಬಿಡಿಸುತ್ತಾರೆ ಎಂಬ ಬಗ್ಗೆ ಬಹುತೇಕ ಜನರಿಗೆ ಕುತೂಹಲವಿದೆ. ಲ್ಯಾಟೆ ಕಾಫಿ ಆರ್ಟ್‌ನ ಕೆಲವು ಬೇಸಿಕ್ಸ್‌ ಕಲಿತುಕೊಂಡರೆ ಮನೆಯಲ್ಲೂಲ್ಯಾಟೆ ಕಾಫಿ ಮಾಡಬಹುದು.

-ಲ್ಯಾಟೆ ಕಾಫಿಗೆ ಸೂಕ್ತವಾದ ಕಪ್‌ ಆಯ್ಕೆ ಮಾಡಬೇಕು. ದುಂಡನೆಯ ಕಪ್‌ನಲ್ಲಿರುವ ಕಾಫಿಯಲ್ಲಿಲ್ಯಾಟೆ ಆರ್ಟ್‌ ಬಿಡಿಸುವುದು ಸುಲಭ.

-ಈ ಡಿಸೈನ್‌ ಬಿಡಿಸಲು ತಂಪು ಹಾಲು ಅತ್ಯಗತ್ಯ ಮತ್ತು ಈ ಹಾಲನ್ನು ಸ್ಟೀಮಿಂಗ್‌ ಯಂತ್ರದಲ್ಲಿಸ್ಟೀಮ್‌ ಮಾಡಿರಬೇಕು. ಸ್ಟೀಮ್‌ ಮಾಡುವ ಮೊದಲು ಕೂಡ ಹಾಲನ್ನು ಬಿಸಿ ಮಾಡಬಾರದು.

-ಕಪ್‌ ಅನ್ನು ಕೊಂಚ ಓರೆಯಾಗಿ ಹಿಡಿದುಕೊಂಡು ಅದಕ್ಕೆ ನಿಧಾನವಾಗಿ ಮತ್ತು ವೃತ್ತಾಕಾರವಾಗಿ ಹಾಲು ಸುರಿಯಬೇಕು. ಒಂದು ಔನ್ಸ್‌ನಷ್ಟು ಕಾಫಿಗೆ ಮೂರು ಔನ್ಸ್‌ ಹಾಲು ಬೇಕಾಗುತ್ತದೆ.

-ಲ್ಯಾಟೆ ಆರ್ಟ್‌ನಲ್ಲಿಸಮರೂಪತೆ ಮುಖ್ಯ. ಆದ್ದರಿಂದ ಈ ಡಿಸೈನ್‌ಗಳು ಕಾಫಿ ಕಪ್‌ನ ಎಲ್ಲಾಕಡೆ ಒಂದೇ ರೀತಿ ಕಾಣುವಂತೆ ಮಾಡಿ.

-ಜಿಗ್‌ಜಾಗ್‌ ಡಿಸೈನ್‌ ಬಿಡಿಸಬೇಕಿದ್ದರೆ ಹಾಲಿನ ಪಿಚ್ಚರನ್ನು ಕಾಫಿ ಕಪ್‌ನ ಸ್ವಲ್ಪ ಹಿಂದಕ್ಕೆ ಹಿಡಿದುಕೊಂಡು ನಿಧಾನವಾಗಿ ಹಾಲು ಸುರಿಯಿರಿ.

-ಹಾರ್ಟ್‌ ಡಿಸೈನ್‌ ಮೂಡಿಸಲು ನೊರೆಯಿರುವ ಹಾಲು ಸುರಿದು ದೊಡ್ಡ ಚುಕ್ಕೆ ಮೂಡಿಸಿ ನಂತರ ಟೂತ್‌ಪಿಕ್‌ನಿಂದ ನೊರೆಯನ್ನು ನಾಜೂಕಾಗಿ ಗೀರಿದರೆ ಆಕರ್ಷಕವಾದ ಹಾರ್ಟ್‌ ಶೇಪ್‌ ಮೂಡುತ್ತದೆ.

-ಸೂರ್ಯನ ಕಿರಣಗಳನ್ನು ಮೂಡಿಸಲು ಮೊದಲು ನೊರೆ ಹಾಲಿನಿಂದ ಅರ್ಧ ವೃತ್ತಾಕಾರವನ್ನು ಮೂಡಿಸಿ. ಅದರೊಳಗೆ ಟೂತ್‌ಪಿಕ್‌ ಅದ್ದಿ ಕಪ್‌ವರೆಗೆ ಹೊರಗೆಳೆದರೆ ಕಿರಣಗಳಂಥ ಡಿಸೈನ್‌ ಮೂಡುತ್ತದೆ.

-ಟ್ಯೂಲಿಪ್‌ ಹೂವಿನ ಡಿಸೈನ್‌ ಇರುವ ಲ್ಯಾಟೆ ಕೂಡ ತುಂಬಾ ಜನಪ್ರಿಯವಾಗಿದೆ. ಇದನ್ನು ಮಾಡಲು ನೊರೆ ಹಾಲನ್ನು ಕಪ್‌ಗೆ ಪ್ರತ್ಯೇಕ ಚುಕ್ಕಿಗಳಂತೆ ಸುರಿಯಿರಿ. ನಂತರ ಟೂತ್‌ಪಿಕ್‌ನಿಂದ ಒಂದೊಂದು ಚುಕ್ಕಿಯನ್ನು ಕನೆಕ್ಸ್‌ ಮಾಡಿದರೆ ಎಲೆಯಂಥ ರಚನೆಯಾಗುತ್ತದೆ.

-ಸುರುಳಿ, ವೆಬ್ಸ್‌ ಮತ್ತು ಸ್ನೋಫ್ಲೇಕ್ಸ್‌ನಂಥ ಡಿಸೈನ್‌ ಮೂಡಿಸಲು ಸ್ವಲ್ಪ ಕಂದು ಶೇಡ್‌ ಬೇಕಾಗುತ್ತದೆ. ಇದಕ್ಕಾಗಿ ಚಾಕ್ಲೇಟ್‌ ಬಳಸಿ. ಲ್ಯಾಟೆ ಮೇಲೆ ಮಂಜಿನಂಥ ಮೇಲ್ಮೈ ಮೂಡಲು ಕೋಕೊ ಪುಡಿ ಕೂಡ ಉದುರಿಸಬಹುದು.