ಮೊಟ್ಟೆ ತೊಳೆಯದಿದ್ದರೆ ಬೆಸ್ಟ್‌

ಲವಲವಿಕೆ ಸುದ್ದಿಲೋಕ

ಜನರು ಅಂಗಡಿಯಲ್ಲಿ ಕೊಂಡು ತಂದ ಮೊಟ್ಟೆಯನ್ನು ಅಡುಗೆಗೆ ಬಳಸುವ ಮೊದಲು ನೀರಿನಲ್ಲಿ ತೊಳೆಯುತ್ತಾರೆ. ಆದರೆ ಈ ರೀತಿ ಮಾಡುವುದರಿಂದ ಆರೋಗ್ಯಕ್ಕೆ ಹಾನಿಕರ ಎಂದು ಅಮೆರಿಕದ ಕೃಷಿ ಇಲಾಖೆ ಹೇಳಿದೆ. ಅಂಗಡಿಗೆ ತರುವ ಮೊದಲೇ ಮೊಟ್ಟೆಗಳನ್ನು ವೈಜ್ಞಾನಿಕ ರೀತಿಯಲ್ಲಿ ತೊಳೆದು ಬ್ಯಾಕ್ಟೀರಿಯ ಮುಕ್ತವನ್ನಾಗಿ ಮಾಡಲಾಗಿರುತ್ತದೆ. ಇಂಥ ಮೊಟ್ಟೆಯನ್ನು ಮತ್ತೆ ನೀರಿನಲ್ಲಿ ತೊಳೆಯದೆ ಬಳಸಬಹುದು. ನೀರಿನಲ್ಲಿ ತೊಳೆದರೆ ಮೊಟ್ಟೆಯ ಕೆಲವು ಪೌಷ್ಟಿಕಾಂಶ ನಷ್ಟವಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.

ವಾಷಿಂಗ್‌ ಪ್ರೊಸೆಸ್‌

ದೊಡ್ಡ ಕೋಳಿ ಫಾರ್ಮ್‌ಗಳಲ್ಲಿ ಬೃಹತ್‌ ಪ್ರಮಾಣದ ಮೊಟ್ಟೆಗಳನ್ನು ವೈಜ್ಞಾನಿಕ ರೀತಿಯಲ್ಲಿ ತೊಳೆಯುವ ವಿಧಾನವಿದೆ. ಇದರಲ್ಲಿ ಮೊಟ್ಟೆಯ ಚಿಪ್ಪಿನ ಮೇಲ್ಮೈಯಲ್ಲಿರುವ ನೈಸರ್ಗಿಕ ಪದರವೊಂದನ್ನು ತೆಗೆದು ಖನಿಜ ತೈಲವೊಂದರ ಲೇಪನ ಮಾಡಲಾಗುತ್ತದೆ. ಇದರಿಂದ ಮೊಟ್ಟೆಯೊಳಗೆ ಬ್ಯಾಕ್ಟೀರಿಯ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ.

ಸುರಕ್ಷಿತ ಹೊರ ಮೇಲ್ಮೈ

ವಾಷಿಂಗ್‌ ಪ್ರೊಸೆಸ್‌ಗೆ ಒಳಗಾದ ಮೊಟ್ಟೆಗಳನ್ನು ಕೊಂಡು ತಂದು ಮತ್ತೆ ಮನೆಯಲ್ಲಿ ತೊಳೆದರೆ ಅದರ ತೈಲದ ಪದರ ಹೋಗಿ ಮೊಟ್ಟೆಯ ರಂಧ್ರಗಳೊಳಗೆ ಧೂಳು ಅಥವಾ ಬ್ಯಾಕ್ಟೀರಿಯ ಪ್ರವೇಶಿಸಿ ಮೊಟ್ಟೆಯ ಬಿಳಿ ಅಥವಾ ಹಳದಿ ಭಾಗವನ್ನು ಕಲುಷಿತಗೊಳಿಸುವ ಸಾಧ್ಯತೆ ಇದೆ. ಆದರೆ ನಾಟಿ ಮೊಟ್ಟೆಗಳನ್ನು ವೈಜ್ಞಾನಿಕ ರೀತಿಯಲ್ಲಿ ತೊಳೆಯದ ಕಾರಣ ಅದನ್ನು ಅಡುಗೆಗೆ ಬಳಸುವ ಮುನ್ನ ಬಿಸಿ ನೀರಿನಲ್ಲಿ ತೊಳೆಯಬೇಕು ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ. ಇದರಿಂದ ಅದರ ಧೂಳು ಹೋಗಿ ಬಳಕೆಗೆ ಯೋಗ್ಯವಾಗುತ್ತದೆ.