ಮೊಟ್ಟೆ ಗ್ರೇವಿ ಹೀಗೆ ಮಾಡಿ

ಮೊಟ್ಟೆಯನ್ನು ಬಗೆ-ಬಗೆಯ ರುಚಿಯಲ್ಲಿ ತಯಾರಿಸಬಹುದು. ಇಲ್ಲಿ ನಾವು ತೆಂಗಿನಕಾಯಿ ಹಾಲು ಹಾಕಿ ಮಾಡುವ ಮೊಟ್ಟೆ ಗ್ರೇವಿ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಗ್ರಿ
6 ಬೇಯಿಸಿದ ಮೊಟ್ಟೆ
2 ಉದ್ದುದ್ದವಾಗಿ ತೆಳ್ಳಗೆ ಕತ್ತರಿಸಿದ ಈರುಳ್ಳಿ
ಸ್ವಲ್ಪ ಶುಂಠಿ
ಅರ್ಧ ಚಮಚ ಖಾರದ ಪುಡಿ (ಖಾರಕ್ಕೆ ತಕ್ಕಷ್ಟು)
1 ಚಮಚ ಹುಣಸೆಹಣ್ಣಿನ ಪೇಸ್ಟ್
2 ಚಮಚ ಎಣ್ಣೆ
1 ಚಮಚ ಸಾಸಿವೆ
ರುಚಿಗೆ ತಕ್ಕ ಉಪ್ಪು
3 ಟೊಮೆಟೊ
ಹಸಿ ಮೆಣಸಿನಕಾಯಿ 2
1/4 ಚಮಚ ಅರಿಶಿಣ ಪುಡಿ
ಒಂದೂವರೆ ಚಮಚ ರೋಸ್ಟ್‌ ಮಾಡಿದ ಕೊತ್ತಂಬರಿ ಪುಡಿ
1 ಚಕ್ಕೆ
ಅರ್ಧ ಕಪ್‌ ತೆಂಗಿನಕಾಯಿ ಹಾಲು

ಅಲಂಕಾರಕ್ಕೆ
ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ:

ಸ್ಟೆಪ್‌ 1
*ಪ್ಯಾನ್‌ ಬಿಸಾಡಿ ಅದಕ್ಕೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ. ಸಾಸಿವೆ ಚಟಾಪಟಾ ಶಬ್ದ ಬಂದಾಗ ಚಕ್ಕೆ ಹಾಕಿ, ಈಗ ಚಿಕ್ಕದಾಗಿ ಕತ್ತರಿಸಿದ ಶುಂಠಿ ಮತ್ತು ಈರುಳ್ಳಿ, ಹಸಿ ಮೆಣಸಿನಕಾಯಿ ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

ಸ್ಟೆಪ್‌ 2
ಈಗ ಟೊಮೆಟೊ ಹಾಕಿ ಟೊಮೆಟೊ ಬೆಂದ ಮೇಲೆ ಸೌಟ್‌ನಿಂದ ಪೇಸ್ಟ್‌ ರೀತಿ ಮಾಡಿ. ಈಗ ಕೊತ್ತಂಬರಿ ಪುಡಿ, ಖಾರದ ಪುಡಿ, ಅರಿಶಿಣ ಪುಡಿ ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ 2-3 ನಿಮಿಷ ಫ್ರೈ ಮಾಡಿ. ಒಂದು ಕಪ್‌ ನೀರು ಹಾಕಿ, ತೆಂಗಿನ ಹಾಲು ಸೇರಿಸಿ ಕುದಿಸಿ, ಈಗ ಹುಣಸೆ ರಸ 5 ನಿಮಿಷ ಕುದಿಸಿ. ಮಿಶ್ರಣ ಸ್ವಲ್ಪ ಗಸಿ-ಗಸಿಯಾಗುವಾಗ ಮೊಟ್ಟೆಯ ಬಿಳಿಯನ್ನು ಮೆಲ್ಲನೆ ಸೀಳಿ ಗ್ರೇವಿಗೆ ಹಾಕಿ ಎರಡು ನಿಮಿಷ ಕುದಿಸಿ, ಕೊತ್ತಂಬರಿ ಸೊಪ್ಪು ಉದುರಿಸಿ ಉರಿಯಿಂದ ಇಳಿಸಿದರೆ ಮೊಟ್ಟೆ ಗ್ರೇವಿ ರೆಡಿ.