ಟೇಸ್ಟಿ ಅಂಡ್ ಹೆಲ್ತಿ-ಎಗ್ ವೆಜಿಟೇಬಲ್ ಸ್ಯಾಂಡ್‌ವಿಚ್‌ ರೆಸಿಪಿ

ಸಂಜೆಯ ಸ್ಯಾಕ್ಸ್‌ ತಿನ್ನಲು ತುಂಬಾ ರುಚಿಯಾಗಿರಬೇಕು, ಆರೋಗ್ಯಕರವಾಗಿರಬೇಕು, ತಯಾರಿಸುವ ವಿಧಾನ ಕೂಡ ಸುಲಭವಾಗಿರಬೇಕು, ಅಂಥ ರೆಸಿಪಿಗೋಸ್ಕರ ಹುಡುಕುತ್ತಿದ್ದೀರಾ? ಇಲ್ಲಿದೆ ನಿಮಗೆ ಎಗ್ ವೆಜಿಟೇಬಲ್ ಸ್ಯಾಂಡ್‌ವಿಚ್‌ ರೆಸಿಪಿ.

ಅಡುಗೆ ಮಾಡಲಿಕ್ಕೆ ಗೊತ್ತೇ ಇಲ್ಲ ಎನ್ನುವರು ಕೂಡ ಸುಲಭವಾಗಿ ತಯಾರಿಸಬಹುದಾದ ಸ್ನ್ಯಾಕ್ಸ್ ಇದು. ಇದನ್ನು ಸ್ನ್ಯಾಕ್ಸ್ ಆಗಿಯೂ ಬಳಸಬಹುದು, ಇಲ್ಲಾ ಬ್ರೇಕ್‌ಫಾಸ್ಟ್‌ಗೂ ತಯಾರಿಸಬಹುದು.

ಬನ್ನಿ, ಸ್ನ್ಯಾಕ್ಸ್ ಕಂ ಬ್ರೇಕ್‌ಫಾಸ್ಟ್ ಎಗ್ ಸ್ಯಾಂಡ್‌ವಿಚ್ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಾಗ್ರಿಗಳು:
4 ಬ್ರೆಡ್ ಪೀಸ್‌
4 ಚಮಚ ಮಯೋನೈಸ್
ಚಿಟಿಕೆಯಷ್ಟು ಉಪ್ಪು
2 ಚಮಚ ತುಪ್ಪ
ಈರುಳ್ಳಿ ದಂಟು
ಸ್ವಲ್ಪ ಲೆಟ್ಯೂಸ್ ಎಲೆ(ಕತ್ತರಿಸಿದ್ದು)
ಬೇಯಿಸಿದ ಮೊಟ್ಟೆ 2(ಚಿಕ್ಕದಾಗಿ ಕತ್ತರಿಸಿ)
1/2 ಚಮಚ ಚಿಲ್ಲಿ ಫ್ಲೇಕ್ಸ್
ಚಿಟಿಕೆಯಷ್ಟುಕರಿಮೆಣಸಿನ ಪುಡಿ
1 ಈರುಳ್ಳಿ

ಮಾಡುವ ವಿಧಾನ:

1. ಮೊಟ್ಟೆ, ಮಯೋನೈಸ್, ಚಿಲ್ಲಿ ಫ್ಲೇಕ್ಸ್, ಉಪ್ಪು, ಕರಿಮೆಣಸಿನ ಪುಡಿ ಇವುಗಳನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಲೈಟಾಗಿ ಮಿಕ್ಸ್ ಮಾಡಿ.

2. ಇದೀಗ ಎರಡು ಬ್ರೆಡ್ ತುಂಡುಗಳನ್ನು ತೆಗೆದುಕೊಂಡು ಅವುಗಳ ಮೇಲೆ ಮಿಕ್ಸ್ ಮಾಡಿದ ಮಯೋನೈಸ್ ಎಗ್ ಮಿಶ್ರಣವನ್ನು ಹಾಕಿ.

3. ಅದರ ಮೇಲೆ ರೌಂಡಾಗಿ ಕತ್ತರಿಸಿದ ಟೊಮೆಟೊ, ಸ್ಪ್ರಿಂಗ್ ಆನಿಯನ್(ಈರುಳ್ಳಿ ದಂಟು), ಲೆಟ್ಯೂಸ್ ಎಲೆ ಹಾಕಿ ನಂತರ ಉಳಿದ ಬ್ರೆಡ್ ತುಂಡುಗಳಿಂದ ಮುಚ್ಚಿ.

4. ಈಗ ತವಾವನ್ನು ಬಿಸಿ ಮಾಡಿ, ಗ್ಯಾಸ್ ಅನ್ನು ಕಡಿಮೆ ಉರಿಯಲ್ಲಿಟ್ಟು ಅದರ ಮೇಲೆ ಸ್ಯಾಂಡ್‌ವಿಚ್‌ ಇಟ್ಟು ಸ್ವಲ್ಪ ತುಪ್ಪ ಹಾಕಿ ಒಂದೊಂದು ಬದಿ 30 ಸೆ. ಬೇಯಿಸಿ.

5. ನಂತರ ಸರ್ವ್ ಮಾಡಿ.

ಟೊಮೆಟೊ ಸಾಸ್‌ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.

ಸಲಹೆ: ಈ ಸ್ಯಾಂಡ್‌ವಿಚ್‌ ಅನ್ನು ನಿಮಗೆ ಇಷ್ಟದ ತರಕಾರಿಗಳನ್ನು ಹಾಕಿಯೂ ಮಾಡಬಹುದು.