ದೇಸಿ ಆಹಾರದ ಜೊತೆಗೆ ವಿದೇಶಿ ಆಹಾರದ ಕಾಂಬಿನೇಷನ್ ಹೊಸ ಫುಡ್ ಟ್ರೆಂಡ್ ಆಗಿದೆ. ಇದನ್ನು ಫ್ಯೂಷನ್ ಫುಡ್ ಎಂದು ಕರೆಯುತ್ತಾರೆ. ಈ ಫುಡ್ ಲಿಸ್ಟ್ನಲ್ಲಿರುವ ಆಹಾರಗಳಂತು ಒಂದಕ್ಕಿಂತ ಒಂದು ವಿಚಿತ್ರವಾಗಿವೆ.
ಲವಲವಿಕೆ ಸುದ್ದಿಲೋಕ
ಇತ್ತೀಚೆಗೆ ಸೋಷಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡ ವೋಡ್ಕ ಪಾನಿಪೂರಿಯ ಫೋಟೊವೊಂದು ಸಾಕಷ್ಟು ಲೈಕ್ಸ್ ಪಡೆದುಕೊಂಡಿತ್ತು. ಪಾನಿಪೂರಿಗೆ ವೋಡ್ಕ ಹಾಕಿ ಸೇವಿಸುವ ಈ ತಿಂಡಿ ತುಂಬಾ ವಿಚಿತ್ರವಾಗಿದೆ ಆದರೆ ಟೇಸ್ಟಿಯಾಗಿದೆ ಎಂದು ಆಹಾರ ಪ್ರಿಯರು ಅಭಿಪ್ರಾಯಪಟ್ಟಿದ್ದರು. ಇದೇ ರೀತಿ ಇನ್ನೂ ಹಲವಾರು ತಿಂಡಿಗಳ ಕಾಂಬಿನೇಷನ್ ಕೂಡಾ ವಿಭಿನ್ನವಾಗಿವೆ. ಇಂಥ ಫ್ಯೂಷನ್ ಫುಡ್ಗಳು ಯಂಗ್ಸ್ಟರ್ಸ್ಗೆ ತುಂಬಾ ಇಷ್ಟವಾಗುತ್ತಿವೆ.
ಚಾಕ್ಲೇಟ್ ಮೊಮೊ: ಚಿಕನ್ ಅಥವಾ ವೆಜ್ ಸ್ಟಫ್ಫಿಂಗ್ ಇರುವ ಮೊಮೊಗಳನ್ನು ನೀವು ತಿಂದಿರುತ್ತೀರಿ. ಚಾಕ್ಲೇಟ್ ಮೊಮೊದಲ್ಲಿ ಚಾಕ್ಲೇಟ್ ಸಾಸ್ ಅಥವಾ ದ್ರವ ರೂಪಿತ ಚಾಕ್ಲೇಟ್ನ ಸ್ಟಫ್ಫಿಂಗ್ ಇರುತ್ತದೆ.
ಸೀಬೆ ಬರ್ಫಿ: ಮಾವು, ಸೇಬು ಇತ್ಯಾದಿಗಳ ಬರ್ಫಿಯ ರುಚಿ ನಿಮಗೆ ಗೊತ್ತಿದೆ. ಇದಕ್ಕಿಂತ ಉತ್ತಮ ರುಚಿಯಿರುವ ಬರ್ಫಿಯಿದೆ. ಅದುವೇ ಸೀಬೆ ಹಣ್ಣಿನಿಂದ ಮಾಡಿದ ಬರ್ಫಿ. ಸೀಬೆ ಹಣ್ಣಿನ ಫ್ಲೇವರ್ ಇರುವ ಈ ಬರ್ಫಿ ಸಿಹಿ ಪ್ರಿಯರಿಗೆ ತುಂಬಾ ಇಷ್ಟವಾಗುತ್ತಿದೆ.
ಪಿಜ್ಜಾ ದೋಸೆ: ಈಗಿನ ಮಕ್ಕಳಿಗೆ ತುಂಬಾ ಇಷ್ಟವಾಗುವ ತಿಂಡಿಯೇ ಪಿಜ್ಜಾ. ಈ ತಿಂಡಿಗೆ ದೇಸಿ ಟಚ್ ನೀಡಬೇಕಿದ್ದರೆ ಪಿಜ್ಜಾ ದೋಸೆಯನ್ನು ಟ್ರೈ ಮಾಡಿ ನೋಡಿ. ದೋಸೆಯನ್ನೇ ಬೇಸ್ ಮಾಡಿ ಅದರಲ್ಲಿ ತರಕಾರಿ ತುಣುಕುಗಳು, ಚೀಸ್ ಇತ್ಯಾದಿಗಳ ಟಾಪಿಂಗ್ ಮಾಡಿ ಮಕ್ಕಳಿಗೆ ಕೊಡಿ. ಇದು ಹೆಲ್ದಿಯೂ ಆಗಿರುತ್ತದೆ.
ಬಿಸ್ಕಿಟ್-ಐಸ್ಕ್ರೀಮ್ ಸ್ಯಾಂಡ್ವಿಚ್: ಸಿಹಿ ಬಿಸ್ಕಿಟ್ಗಳನ್ನು ಪ್ರತಿಬಾರಿಯೂ ಚಹಾದಲ್ಲಿ ಅದ್ದಿಕೊಂಡು ತಿನ್ನುವುದಕ್ಕಿಂತ ಅದನ್ನು ಐಸ್ಕ್ರೀಮ್ ಜೊತೆಗೆ ಸೇರಿಸಿ ಸ್ಯಾಂಡ್ವಿಚ್ನಂತೆ ಮಾಡಿ ಸೇವಿಸಿ. ಎರಡು ಬಿಸ್ಕಿಟ್ನ ಮಧ್ಯೆ ಐಸ್ಕ್ರೀಮ್ನ ಸ್ಲೈಸ್ ಇಟ್ಟು ಪಿಸ್ತಾ, ಚಾಕ್ಲೇಟ್ ತುರಿಯ ಟಾಪಿಂಗ್ಸ್ ಮಾಡಿ ಸರ್ವ್ ಮಾಡಿ.
ಚಿಕನ್ ನೂಡಲ್ಸ್ ಸಮೋಸ: ಭಾರತದ ಸಾಂಪ್ರದಾಯಿಕ ತಿನಿಸಾಗಿರುವ ಸಮೋಸಗೆ ಆಲೂ ಸ್ಟಫ್ಪಿಂಗ್ನ ಬದಲು ಚಿಕನ್ ನೂಡಲ್ಸ್ನ ಸ್ಟಫ್ಫಿಂಗ್ ಮಾಡುವ ಟ್ರೆಂಡ್ ಈಗಿನದ್ದು. ಈ ದೇಸಿ ವಿದೇಶಿ ತಿನಿಸಿನ ಕಾಂಬಿನೇಷನ್ ಕೂಡಾ ಸೂಪರ್ ಆಗಿರುತ್ತದೆ.