ಹೈದರಾಬಾದ್ ಬಿರಿಯಾನಿ ಜನಪ್ರಿಯತೆ ಹಿಂದಿಕ್ಕಿದ ಹಲೀಮ್‌

ಹೈದರಾಬಾದ್‌: ಹೈದರಾಬಾದ್ ಬಿರಿಯಾನಿ ಜನಪ್ರಿಯತೆ ಬಗ್ಗೆ ಎರಡು ಮಾತಿಲ್ಲ.

ನಾನ್‌ವೆಜ್‌ ಪ್ರಿಯರಿಗೆ ಹೈದರಾಬಾದ್‌ ಬಿರಿಯಾನಿಯೆಂದರೆ ಬಲು ಪ್ರೀತಿ. ಆದರೆ ಈ ರಂಜಾನ್‌ನಲ್ಲಿ ಹೈದರಾಬಾದ್‌ ಬಿರಿಯಾನಿ ಜನಪ್ರಿಯತೆಯನ್ನು ಹಲೀಮ್‌ ಹಿಂದಿಕ್ಕಿದೆ.

ಈ ರಂಜಾನ್‌ ತಿಂಗಳಿನಲ್ಲಿ ಹೈದರಾಬಾದ್‌ನಲ್ಲಿ ಹಲೀಮ್‌ಗೆ ಎಂದಿಗಿಂತಲೂ ಹೆಚ್ಚಿನ ಬೇಡಿಕೆ ಸಿಕ್ಕಿದೆ. ಹಿಂದೂ-ಮುಸ್ಲಿಂ-ಕ್ರೈಸ್ತರು ಎನ್ನುವ ಬೇಧವಿಲ್ಲದೆ ಎಲ್ಲರೂ ಹಲೀಮ್‌ ಸವಿದು ಖುಷಿ ಪಟ್ಟಿದ್ದಾರೆ.



ಬೇಳೆಕಾಳುಗಳು , ಮಟನ್, ನಟ್ಸ್‌ ಹಾಕಿ ಮಾಡುವ ಹಲೀಮ್‌ ಪೌಷ್ಟಿಕಾಂಶವಿರುವ ಆಹಾರವಾಗಿದ್ದು, ರುಚಿಯೂ ಸೂಪರ್ ಆಗಿರುವುದರಿಂದ ನಾನ್‌ವೆಜ್‌ ಪ್ರಿಯರ ಮೆಚ್ಚಿನ ಆಹಾರವಾಗಿ ಬದಲಾಗಿದೆ. ಬೇರೆಲ್ಲಾ ಆಹಾರಕ್ಕಿಂತ ಈ ಬಾರಿ ಜನ ಹಲೀಮ್ ಸವಿಯಲು ಮುಗಿ ಬಿದ್ದಿದ್ದರು.



ಕಳೆದ ವರ್ಷ ರಂಜಾನ್‌ ತಿಂಗಳಿನಲ್ಲಿ ಸುಮಾರು 500 ಕೋಟಿಯಷ್ಟು ವ್ಯಾಪಾರ ವಹಿವಾಟು ನಡೆಸಿತ್ತು. ಭಾರತೀಯ ಶೈಲಿಯ ಆಹಾರಗಳಲ್ಲಿ ಹಲೀಮ್‌ಗೆ ಮಾತ್ರ ಸ್ಥಳೀಯ ಆಹಾರವೆಂಬ ಪ್ರಾದೇಶಿಕ ಮನ್ನಣೆ(Geographical Indication status) ಸಿಕ್ಕಿದೆ.