ನೆಗಡಿ ನಿವಾರಣೆಗೆ ಪೈನಾಪಲ್‌ ಜ್ಯೂಸ್‌

ಲವಲವಿಕೆ ಸುದ್ದಿಲೋಕ

ಸಿಹಿ ಮತ್ತು ಹುಳಿ ರುಚಿಯ ಪೈನಾಪಲ್‌ ಜ್ಯೂಸ್‌ ದಾಹ ನೀಗಿಸುವ ಜತೆಗೆ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಹೋಗಲಾಡಿಸುವ ಗುಣ ಹೊಂದಿದೆ. ಪೈನಾಪಲ್‌ ಹಣ್ಣನ್ನು ಹಸಿಯಾಗಿ ತಿಂದರೂ ಓಕೆ, ಬೇಯಿಸಿ ಗೊಜ್ಜು ಮಾಡಿ ಅಥವಾ ಸ್ಮೂದಿ, ಜ್ಯೂಸ್‌ ಮಾಡಿ ತಿಂದರೂ ಚೆನ್ನಾಗಿರುತ್ತದೆ. ವಿವಿಧ ವಿಟಮಿನ್‌ಗಳು, ಖನಿಜಾಂಶಗಳ ಆಗರವಾಗಿರುವ ಈ ಹಣ್ಣು ಹೊಟ್ಟೆಯಲ್ಲಿ ಕಂಡು ಬರುವ ಸೋಂಕು, ಅಜೀರ್ಣತೆ, ಆರ್ಥಿಟಿಸ್‌ ಇತ್ಯಾದಿಗಳನ್ನು ನಿವಾರಣೆ ಮಾಡುತ್ತದೆ.

ಜೀರ್ಣಕ್ರಿಯೆಗೆ ಸಹಕಾರಿ: ಪೈನಾಪಲ್‌ ಹಣ್ಣಿನಲ್ಲಿರುವ ಬ್ರೊಮೆಲೈನ್‌ ಎಂಬ ಪ್ರಬಲ ಜೀರ್ಣ ಕಿಣ್ವವು ಪ್ರೋಟೀನನ್ನು ತಕ್ಷ ಣ ವಿಭಜಿಸಿ ಜೀರ್ಣಕ್ರಿಯೆಯನ್ನು ತ್ವರಿತಗೊಳಿಸುತ್ತದೆ ಮತ್ತು ಹೊಟ್ಟೆಯುಬ್ಬರ ಹಾಗೂ ಮಲಬದ್ಧತೆ ಲಕ್ಷ ಣಗಳನ್ನು ನಿವಾರಿಸುತ್ತದೆ.

ರೋಗ ನಿರೋಧಕ ಗುಣ: ವಿಟಮಿನ್‌ ಸಿ ಯಥೇಚ್ಛವಾಗಿರುವ ಪೈನಾಪಲ್‌ ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಸಹಕಾರಿಯಾಗಿದೆ. ಇದರ ರಸದಲ್ಲಿರುವ ಆ್ಯಂಟಿಆಕ್ಸಿಡೆಂಟ್‌ ಅಕಾಲಿಕವಾಗಿ ಮುಪ್ಪು ಉಂಟು ಮಾಡುವ ಜೀವಕೋಶಗಳನ್ನು ನಿವಾರಿಸುತ್ತದೆ.

ಕಣ್ಣಿನ ಆರೋಗ್ಯಕ್ಕೆ ಬೆಸ್ಟ್‌: ಪೈನಾಪಲ್‌ನಲ್ಲಿರುವ ವಿಟಮಿನ್‌ ಎ ಜೀವಕೋಶಗಳು ನಶಿಸುವುದನ್ನು ತಡೆಯುತ್ತದೆ ಮತ್ತು ತ್ವಚೆಯ ಆರೋಗ್ಯವನ್ನು ಕಾಪಾಡುತ್ತದೆ. ನಿಯಮಿತವಾಗಿ ಪೈನಾಪಲ್‌ ಜ್ಯೂಸ್‌ ಕುಡಿದರೆ ಕಣ್ಣಿನ ಆರೋಗ್ಯ ಹೆಚ್ಚುತ್ತದೆ.

ಅನಿಯಮಿತ ಋುತುಸ್ರಾವ ನಿವಾರಣೆ: ಋುತುಸ್ರಾವ ಸಂಬಂಧಿ ತೊಂದರೆಗಳು ಮತ್ತು ಅನಿಯಮಿತ ಋುತುಸ್ರಾವ ಸಮಸ್ಯೆಗಳ ನಿವಾರಣೆಗೆ ಪೈನಾಪಲ್‌ ಜ್ಯೂಸ್‌ ಬೆಸ್ಟ್‌ ಔಷಧ. ಈ ಅವಧಿಯಲ್ಲಿ ಕಾಣಿಸಿಕೊಳ್ಳುವ ನೋವು ಕೂಡಾ ಪೈನಾಪಲ್‌ ಜ್ಯೂಸ್‌ ಸೇವನೆಯಿಂದ ಕಡಿಮೆಯಾಗುತ್ತದೆ.

ನೆಗಡಿ ನಿವಾರಕ: ನೆಗಡಿ ಮತ್ತು ಕೆಮ್ಮಿಗೆ ಪೈನಾಪಲ್‌ ಜ್ಯೂಸ್‌ ಸೇವನೆ ಬೆಸ್ಟ್‌. ಇದರಲ್ಲಿರುವ ವಿಟಮಿನ್‌ ಸಿ ಮತ್ತು ಬ್ರೊಮೆಲೇನ್‌ ನೆಗಡಿ ಉಂಟು ಮಾಡುವ ವೈರಸ್‌ ವಿರುದ್ಧ ಹೋರಾಡುತ್ತದೆ.

ಕೂಲ್‌ ಕೂಲ್‌

-ಉರಿ ನಿರೋಧಕ ಗುಣವಿದೆ.

-ಆಥ್ರ್ರಿಟಿಸ್‌ ಕಡಿಮೆ ಮಾಡುತ್ತದೆ.

-ಸ್ನಾಯು ನೋವು ನಿವಾರಿಸುತ್ತದೆ.

-ಹೃದಯದ ಆರೋಗ್ಯ ಹೆಚ್ಚಿಸುತ್ತದೆ.

-ರಕ್ತಪರಿಚಲನೆ ಜಾಸ್ತಿ ಮಾಡುತ್ತದೆ.

-ಫಲವಂತಿಕೆಯನ್ನು ಹೆಚ್ಚಿಸುತ್ತದೆ.

-ಅಧಿಕ ರಕ್ತದೊತ್ತಡ ಕಡಿಮೆ ಮಾಡುತ್ತದೆ.

-ಹೈಪರ್‌ಟೆನ್ಷನ್‌ ನಿವಾರಣೆಗೆ ಬೆಸ್ಟ್‌.

-ತೂಕ ಕಡಿಮೆ ಮಾಡುತ್ತದೆ.