ಜೇನು ತುಪ್ಪದ ಶುದ್ಧತೆ ಪರೀಕ್ಷೆಗೆ ಇಲ್ಲಿದೆ ಉಪಾಯ
ಜೇನುತುಪ್ಪದ ಶುದ್ಧತೆ ಪರೀಕ್ಷಿಸಲು ಕೆಲವು ಸುಲಭ ಉಪಾಯಗಳಿವೆ.
ಮಾರುಕಟ್ಟೆಯಲ್ಲಿ ಸಿಗುವ ಜೇನುತುಪ್ಪದಲ್ಲಿ ಸಕ್ಕರೆ ಸಿರಪ್, ನೀರು ಬೆಲ್ಲ, ಕಾರ್ನ್ ಸಿರಪ್ ಮತ್ತು ಇನ್ನಿತರ ಫ್ಲೇವರ್ಗಳು ಕಲಬೆರಕೆಯಾಗಿರುವ ಸಾಧ್ಯತೆ ಹೆಚ್ಚಿರುತ್ತದೆ. ಜೇನುತುಪ್ಪದ ಶುದ್ಧತೆ ಪರೀಕ್ಷಿಸಲು ಕೆಲವು ಸುಲಭ ಉಪಾಯಗಳಿವೆ.
ಹೆಬ್ಬೆರಳಿನ ಮೇಲೆ ಒಂದು ಹನಿ ಜೇನುತುಪ್ಪ ಹಾಕಿ. ಇದು ಅಲ್ಲಿಯೇ ಅಂಟಿಕೊಂಡರೆ ಆ ಜೇನುತುಪ್ಪ ಶುದ್ಧ ಎಂದು ಅರ್ಥ. ಅಚೆ ಈಚೆ ಹರಡಿಕೊಂಡರೆ ಕಲಬೆರಕೆಯಾಗಿದೆ ಎಂದು ಅರ್ಥ.
ಒಂದು ಲೋಟ ನೀರಿಗೆ ಒಂದು ಟೇಬಲ್ ಸ್ಪೂನ್ ಜೇನುತುಪ್ಪ ಹಾಕಿ. ಕಲಬೆರಕೆಯಾಗಿರುವ ಜೇನುತುಪ್ಪ ನೀರಿನಲ್ಲಿ ಕರಗಿ ಹೋಗುತ್ತದೆ. ಶುದ್ಧ ಜೇನುತುಪ್ಪ ಲೋಟದ ತಳ ಭಾಗದ ಬಲ ಬದಿಗೆ ಹೋಗಿ ಶೇಖರಣೆಯಾಗುತ್ತದೆ.
ಒಣದಾಗಿರುವ ಒಂದು ಬೆಂಕಿ ಕಡ್ಡಿಯ ತುದಿಯನ್ನು ಜೇನುತುಪ್ಪದಲ್ಲಿ ಅದ್ದಿ, ಬೆಂಕಿಪೊಟ್ಟಣಕ್ಕೆ ಗೀರಿ. ಇದು ಬೆಂಕಿ ಹತ್ತಿಕೊಂಡರೆ ಆ ಜೇನುತುಪ್ಪ ಶುದ್ಧ ಎಂದು ಅರ್ಥ. ಕಲಬೆರಕೆಯಾಗಿರುವ ಜೇನುತುಪ್ಪದಲ್ಲಿ ತೇವಾಂಶವಿರುವುದರಿಂದ ಅದರಲ್ಲಿ ಬೆಂಕಿ ಹತ್ತಿಕೊಳ್ಳುವುದಿಲ್ಲ.
ಜೇನುತುಪ್ಪಕ್ಕೆ ಸ್ವಲ್ಪ ನೀರು ಮತ್ತು ಎರಡು ಹನಿಗಳಷ್ಟು ವಿನಿಗರ್ ಹಾಕಿ ತಿರುವಿ. ಎರಡು ನಿಮಿಷಗಳ ನಂತರ ಈ ಮಿಶ್ರಣದಲ್ಲಿ ನೊರೆ ಕಂಡು ಬಂದರೆ ಆ ಜೇನುತುಪ್ಪ ಕಲಬೆರಕೆಯಾಗಿದೆ ಎಂದು ಅರ್ಥ.