​ ಕ್ಯಾಬೇಜ್‌ ಪಕೋಡ ರೆಸಿಪಿ

ಸಾಮಾನ್ಯವಾಗಿ ಪಕೋಡ ಮಾಡುವ ವಿಧಾನ ಒಂದೇ ರೀತಿಯಿದ್ದರೂ ಅದಕ್ಕೆ ಬಳಸುವ ಸಾಮಾಗ್ರಿ ಬದಲಾದಂತೆ ರುಚಿಯೂ ಭಿನ್ನವಾಗಿರುತ್ತದೆ. ಇಲ್ಲಿ ನಾವು ಕ್ಯಾಬೇಜ್‌ ಪಕೋಡದ ರೆಸಿಪಿ ನೀಡಿದ್ದೇವೆ. ಈ ಪಕೋಡವನ್ನು ಅರ್ಧ ಗಂಟೆಯಲ್ಲಿ ಮಾಡಬಹುದು.

ಬೇಕಾಗುವ ಪದಾರ್ಥಗಳು
ಎಲೆಕೋಸು(ಕ್ಯಾಬೇಜ್)
ಈರುಳ್ಳಿ
ಕಡಲೆ ಹಿಟ್ಟು ಅರ್ಧ ಕಪ್
ಅಕ್ಕಿ ಹಿಟ್ಟು ಅರ್ಧ ಕಪ್
ಸ್ವಲ್ಪ ಕರಿಬೇವು (ಚಿಕ್ಕದಾಗಿ ಕತ್ತರಿಸಿದ್ದು)
ಸ್ವಲ್ಪ ಅರಿಶಿಣ
ಅರ್ಧ ಚಮಚ ಖಾರದ ಪುಡಿ
ರುಚಿಗೆ ತಕ್ಕ ಉಪ್ಪು
1 ಕಪ್ ಎಣ್ಣೆ

ಮಾಡುವ ವಿಧಾನ

1. ಎಣ್ಣೆ ಬಿಟ್ಟು ಉಳಿದೆಲ್ಲಾ ಪದಾರ್ಥಗಳನ್ನು ಒಂದು ಬೌಲ್‌ ಹಾಕಿ ಸ್ವಲ್ಪ ನೀರು ಹಾಕಿ ಮಿಕ್ಸ್‌ ಮಾಡಿ (ಮಿಶ್ರಣ ಗಟ್ಟಿಯಾಗಿರಲಿ).

2. ನಂತರ ಪ್ಯಾನ್ ಅನ್ನು ಗ್ಯಾಸ್‌ ಉರಿ ಮೇಲೆ ಇಟ್ಟು ಬಿಸಿ ಮಾಡಿ, ಅದಕ್ಕೆ ಎಣ್ಣೆ ಹಾಕಿ ಕಾಯಿಸಿ.

3. ನಂತರ ಕಾದ ಎಣ್ಣೆ ಕ್ಯಾಬೇಜ್‌ ಮಿಶ್ರಣವನ್ನು ಸ್ವಲ್ಪ-ಸ್ವಲ್ಪವಾಗಿ ಎಣ್ಣೆಯಲ್ಲಿ ಬಿಟ್ಟು, ಕಂದು ಬಣ್ಣ ಬರುವಾಗ ಎಣ್ಣೆಯಿಂದ ತೆಗೆಯಿರಿ.

ರೆಡಿಯಾದ ಕ್ಯಾಬೇಜ್‌ ಪಕೋಡ ಟೊಮೆಟೊ ಸಾಸ್‌ ಕಾಂಬಿನೇಷನ್‌ ಜತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.