ಇಂದಿನ ಸ್ಪೆಷಲ್ ಎಗ್‌ ಕುರ್ಮಾ ರೆಸಿಪಿ

ಮೊಟ್ಟೆ ಸಾರಿನ ಟೇಸ್ಟ್‌ ಡಿಪೆಂಡ್‌ ಆಗಿರುವುದು ಅದಕ್ಕೆ ಬಳಸುವ ಮಸಾಲೆ ಮೇಲೆ. ಇಲ್ಲಿ ನಾವು ಟೇಸ್ಟಿ ಎಗ್‌ ಕುರ್ಮಾ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಮೊಟ್ಟೆ 6
ಈರುಳ್ಳಿ 1
ಟೊಮೆಟೊ 1
ಹಸಿ ಮೆಣಸು 1
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಅರ್ಧ ಚಮಚ
ಅರಿಶಿಣ ಪುಡಿ 1/4 ಚಮಚ
ಖಾರದ ಪುಡಿ 1 ಚಮಚ
ಕೊತ್ತಂಬರಿ ಪುಡಿ ಅರ್ಧ ಚಮಚ
ಖಾರದ ಪುಡಿ 1 ಚಮಚ
ಕಸ್ತೂರಿ ಮೆಣಸಿನ ಪುಡಿ ಅರ್ಧ ಚಮಚ
ಕೊತ್ತಂಬರಿ ಪುಡಿ ಅರ್ಧ ಚಮಚ
ಗರಂ ಮಸಾಲ 1 ಚಮಚ
ಎಣ್ಣೆ 2 ಚಮಚ
ರುಚಿಗೆ ತಕ್ಕ ಉಪ್ಪು
ಸ್ಬಲ್ಪ ಕೊತ್ತಂಬರಿ ಸೊಪ್ಪು

ರುಬ್ಬಲು ಮಸಾಲೆ ಸಾಮಾಗ್ರಿಗಳು
ತುರಿದ ತೆಂಗಿನ ಕಾಯಿ (ಅರ್ಧ ತೆಂಗಿನಕಾಯಿ)
ಗೋಡಂಬಿ 8
ಹಸಿಮೆಣಸಿನಕಾಯಿ 1
ಜೀರಿಗೆ 1/4 ಚಮಚ
ಸೋಂಪು 1/4 ಚಮಚ


ಇತರೆ ಮಸಾಲೆ ಪದಾರ್ಥಗಳು
ಲವಂಗದ ಎಲೆ 1
ನಕ್ಷತ್ರ ಮೊಗ್ಗು 1
ಲವಂಗ 2
ಅರ್ಧ ಇಂಚಿನಷ್ಟು ದೊಡ್ಡದಿರುವ ಚಕ್ಕೆ
ಏಲಕ್ಕಿ 1
ಜೀರಿಗೆ 1/4 ಚಮಚ

ಮಾಡುವ ವಿಧಾನ:
ಸ್ಟೆಪ್‌ 1
6 ಮೊಟ್ಟೆಯನ್ನು ಬೇಯಿಸಿ ಸಿಪ್ಪೆ ಸುಲಿದು ಇಡಿ.

ಸ್ಟೆಪ್‌ 2
ತೆಂಗಿನಕಾಯಿ, ಗೋಡಂಬಿ, ಹಸಿಮೆಣಸಿನಕಾಯಿ, ಜೀರಿಗೆ, ಸೋಂಪು ಹಾಕಿ ಗ್ರೈಂಡ್‌ ಮಾಡಿ.

ಸ್ಟೆಪ್‌ 3
ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಎಣ್ಣೆ ಬಿಸಿಯಾದಾಗ ಲವಂಗದ ಎಲೆ, ನಕ್ಷತ್ರ ಮೊಗ್ಗು, ಲವಂಗ, ಜೀರಿಗೆ, ಏಲಕ್ಕಿ, ಚಕ್ಕೆ 1 ನಿಮಿಷ ಸೌಟ್‌ನಿಂದ ಆಡಿಸಿ. ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌ ಹಾಕಿ ಮಿಕ್ಸ್‌ ಮಾಡಿ.

ಸ್ಟೆಪ್‌ 4
ಈಗ ಈರುಳ್ಳಿ, ಹಸಿಮೆಣಸು ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ನಂತರ ಟೊಮೆಟೊ ಸೇರಿಸಿ, ಖಾರದ ಪುರಿ, ಕಸ್ತೂರಿ ಮೆಣಸಿನ ಪುರಿ, ಕೊತ್ತಂಬರಿ ಪುಡಿ, ಗರಂ ಮಸಾಲ ಹಾಕಿ ಮಿಕ್ಸ್ ಮಾಡಿ, ಟೊಮೆಟೊ ಮೆತ್ತಗಾಗುವವರೆಗೆ ಬೇಯಿಸಿ.

ಸ್ಟೆಪ್‌ 5
ಈಗ ರುಬ್ಬಿದ ತೆಂಗಿನಕಾಯಿ ಮಸಾಲೆ ಹಾಕಿ, ಬೇಕಿದ್ದರೆ ಸ್ವಲ್ಪ ನೀರು ಹಾಕಿ, ನಂತರ ಅರಿಶಿಣ ಪುಡಿ ಹಾಗೂ ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ.

ಸ್ಟೆಪ್‌ 6
ಮಿಶ್ರಣ ಕುದಿ ಬಂದಾಗ ಗ್ಯಾಸ್ ಉರಿ ಕಡಿಮೆ ಮಾಡಿ, ಬೇಯಿಸಿದ ಮೊಟ್ಟೆಗಳನ್ನು ನೈಪ್‌ನಿಂದ ಮೆಲ್ಲನೆ ಗೀರಿ ಸಾರಿಗೆ ಹಾಕಿ ಒಮ್ಮೆ ಮೆಲ್ಲನೆ ಮಿಕ್ಸ್‌ ಮಾಡಿ 10 ನಿಮಿಷ ಬೇಯಿಸಿದರೆ ಎಗ್‌ ಕುರ್ಮಾ ರೆಡಿ.