ಪನ್ನೀರ್‌ ಟಿಕ್ಕಾ ಗ್ರೇವಿ ರೆಸಿಪಿ

ರೊಟ್ಟಿ ಅಥವಾ ಚಪಾತಿ ಜತೆ ತಿನ್ನಲು ಪನ್ನೀರ್‌ ಟಿಕ್ಕಾ ಗ್ರೇವಿ ಸೂಪರ್‌ ಆಗಿರುತ್ತದೆ. ಈ ರೆಸಿಪಿ ತಯಾರಿಸಲು ಸ್ವಲ್ಪ ಸಮಯ ಹಿಡಿಸಿದರೂ ಮಾಡುವ ವಿಧಾನ ಸರಳವಾಗಿದೆ. ಪನ್ನೀರ್‌ ಟಿಕ್ಕಾ ರೆಸಿಪಿ ಟ್ರೈ ಮಾಡ ಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು ಹಾಗೂ ಮಾಡುವ ವಿಧಾನ
ಸ್ಟೆಪ್‌ 1

* 1/4 ಕಪ್ ಗಟ್ಟಿ ಮೊಸರು
*1/2 ಚಮಚ ಮೆಣಸಿನ ಪುಡಿ
* 1/2 ಚಮಚ ಕೊತ್ತಂಬರಿ ಪುಡಿ
* ಸ್ವಲ್ಪ ಅರಿಶಿಣ ಪುಡಿ
* ಸ್ವಲ್ಪ ಗರಂ ಮಸಾಲ
* ಅರ್ಧ ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್
* ಅರ್ಧ ಚಮಚ ನಿಂಬೆರಸ
*ಸ್ವಲ್ಪ ಉಪ್ಪು
* 1 ಚಮಚ ಎಣ್ಣೆ

ಇಷ್ಟು ಸಾಮಾಗ್ರಿಗಳನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.

ಈಗ ದೊಡ್ಡದಾಗಿ ಕತ್ತರಿಸಿದ ಈರುಳ್ಳಿ ಹಾಗೂ ಕ್ಯಾಪ್ಸಿಕಂ ಅನ್ನು ಮಿಕ್ಸ್‌ ಮಾಡಿಟ್ಟ ಮೊಸರು ಮಿಶ್ರಣಕ್ಕೆ ಹಾಕಿ, ನಂತರ ಕತ್ತರಿಸಿದ ಪನ್ನೀರ್ ತುಂಡುಗಳನ್ನು ಹಾಕಿ ಮಿಕ್ಸ್ ಮಾಡಿ ಅರ್ಧ ಗಂಟೆ ಇಡಿ.

ಸ್ಟೆಪ್‌ 2
ಈಗ ತವಾವನ್ನು ಉರಿ ಮೇಲೆ ಇಟ್ಟು ಅದಕ್ಕೆ ಒಂದು ಚಮಚ ಎಣ್ಣೆ ಹಾಕಿ, ನಂತರ ಮೊಸರು ಮಿಶ್ರಣದಲ್ಲಿ ಹಾಕಿಟ್ಟ ಪನ್ನೀರ್‌, ಕ್ಯಾಪ್ಸಿಕಂ ಹಾಗೂ ಈರುಳ್ಳಿ ಪೀಸ್‌ಗಳನ್ನು ತವಾದಲ್ಲಿ ಹಾಕಿ ರೋಸ್ಟ್ ಮಾಡಿ ಒಂದು ತಟ್ಟೆಯಲ್ಲಿ ತೆಗೆದಿಡಿ.

ಸ್ಟೆಪ್‌ 3-ಬೇಕಾಗುವ ಸಾಮಾಗ್ರಿಗಳು
*ಎಣ್ಣೆ, ಈರುಳ್ಳಿ, ಟೊಮೆಟೊ ಪೇಸ್ಟ್ ಗೋಡಂಬಿ ಪೇಸ್ಟ್‌, ಖಾರದ ಪುಡಿ, ಗರಂ ಮಸಾಲ, ಕೊತ್ತಂಬರಿ ಪುಡಿ, ಅರಿಶಿಣ ಪುಡಿ, ಉಪ್ಪು

ಸಲಹೆ: ಟೊಮೆಟೊ ಹಾಗೂ ಗೋಡಂಬಿಯನ್ನು ಎಣ್ಣೆಯಲ್ಲಿ ಸ್ವಲ್ಪ ಫ್ರೈ ಮಾಡಿ ನಂತರ ಪೇಸ್ಟ್‌ ಮಾಡಿ.

ಮಾಡುವ ವಿಧಾನ

* ಈಗ ಪ್ಯಾನ್‌ಗೆ ಒಂದು ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

* ನಂತರ ಟೊಮೆಟೊ ಪೇಸ್ಟ್, ಗೋಡಂಬಿ ಪೇಸ್ಟ್‌, ಖಾರದ ಪುಡಿ, ಕೊತ್ತಂಬರಿ ಪುಡಿ, ಅರಿಶಿಣ ಪುಡಿ, ಗರಂ ಮಸಾಲ, ಹಾಗೂ ಪನ್ನೀರ್‌ ಹಾಕಿಟ್ಟಿದ್ದ ಮೊಸರಿನ ಮಿಶ್ರಣ ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್‌ ಮಾಡಿ, 10 ನಿಮಿಷ ಕಡಿಮೆ ಉರಿಯಲ್ಲಿ ಬೇಯಿಸಿ.

* ಮಿಶ್ರಣ ಸ್ವಲ್ಪ ಗಟ್ಟಿ ರೀತಿಯಾದ ಮೇಲೆ ರೋಸ್ಟ್‌ ಮಾಡಿ ಪನ್ನೀರ್ ಹಾಕಿ ಮಿಕ್ಸ್ ಮಾಡಿದರೆ ಪನ್ನೀರ್‌ ಟಿಕ್ಕಾ ಗ್ರೇವಿ ರೆಡಿ.