ಪೆಪ್ಪರ್ ಚಿಕನ್ ಈ ರೀತಿ ಟ್ರೈ ಮಾಡಿ

ಪೆಪ್ಪರ್ ಚಿಕನ್‌ ಮಾಡಬಯಸುವುದಾದರೆ ಈ ಸರಳ ರೆಸಿಪಿ ಟ್ರೈ ಮಾಡಬಹುದು. ಈ ರೆಸಿಪಿ ಡ್ರೈ ಚಿಕನ್ ಐಟಂಗಳ ಸಾಲಿಗೆ ಸೇರುತ್ತದೆ. ಇದನ್ನು ಸ್ಟಾಟರ್ಸ್ ಆಗಿಯೂ ಬಳಸಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
1/2 ಕೆಜಿ ಚಿಕನ್‌
1 ಚಮಚ ಕಾಳು ಮೆಣಸಿನಪುಡಿ
2 ಚಮಚ ಕೊತ್ತಂಬರಿ ಪುಡಿ
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಕರಿಬೇವು
ಸಾಸಿವೆ
ಅರಿಶಿಣ ಪುಡಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ತೆಂಗಿನೆಣ್ಣೆ/ ಯಾವುದೇ ಅಡುಗೆ ಎಣ್ಣೆ
2 ಈರುಳ್ಳಿ(ಸಾಧಾರಣ ಗಾತ್ರದ್ದು)
ಹಸಿ ಮೆಣಸಿನಕಾಯಿ 2
1/2 ಚಮಚ ಬೆಳ್ಳುಳ್ಳಿ
1/2 ಚಮಚ ಶುಂಠಿ ಪೇಸ್ಟ್
ಅರ್ಧ ಚಮಚ ಜೀರಿಗೆ ಪುಡಿ

ಮಾಡುವ ವಿಧಾನ:

* ಚಿಕನ್ ಅನ್ನು ಚೆನ್ನಾಗಿ ತೊಳೆದು ಅದಕ್ಕೆ ಕಾಳು ಮೆಣಸಿನ ಪುಡಿ, ಅರಿಶಿಣ ಪುಡಿ, ಕೊತ್ತಂಬಿ, ಜೀರಿಗೆ ಪುಡಿ ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್‌ ಮಾಡಿ ಒಂದು ಗಂಟೆ ಇಡಿ.

* ನಂತರ ಪ್ಯಾನ್ ಬಿಸಿ ಮಾಡಿ ಅದಕ್ಕೆ 2 ಚಮಚ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ, ಸಾಸಿವೆ ಚಟಾಪಟಾ ಶಬ್ದ ಮಾಡುವಾಗ ಕರಿಬೇವಿನ ಎಲೆ ಹಾಕಿ, ಈರುಳ್ಳಿ, ಹಸಿ ಮೆಣಸಿನ ಕಾಯಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

ನಂತರ ಚಿಕನ್‌ ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ 5 ನಿಮಿಷ ಫ್ರೈ ಮಾಡಿ, ನಂತರ ಕಡಿಮೆ ಉರಿಯಲ್ಲಿ ಅರ್ಧ ಗಂಟೆ ಬೇಯಿಸಿ. ಆಗಾಗ ಸೌಟ್‌ನಿಂದ ಆಡಿಸುತ್ತಾ ಇರಿ.

ಚಿಕನ್‌ ಬೆಂದ ಮೇಲೆ ಸ್ವಲ್ಪ ನಿಂಬೆ ರಸ ಹಿಂಡಿ ಮಿಕ್ಸ್‌ ಮಾಡಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಪೆಪ್ಪರ್‌ ಚಿಕ್ಕನ್‌ ರೆಡಿ.