ಘಮ್ಮೆನ್ನುವ ಸಾಂಬಾರ್‌ ಹೀಗೆ ಮಾಡಿ

ಸಾಂಬಾರ್‌ ಮಾಡುವುದೊಂದು ಕಲೆ, ಇದು ಸರಳವಾದ ರೆಸಿಪಿ ಆಗಿದ್ದರು, ಅದರ ಸ್ವಾದ ಹೆಚ್ಚಲು ಕೆಲವೊಂದು ಟಿಪ್ಸ್‌ ನೀಡಿದ್ದೇವೆ ನೋಡಿ:

Vijaya Karnataka Web

ಬೇಕಾಗುವ ಸಾಮಗ್ರಿ
1 ಬದನೆಕಾಯಿ
ಸ್ವಲ್ಪ ತೊಗರಿ ಬೇಳೆ
ಹಸಿಮೆಣಸಿನಕಾಯಿ 2
1 ಆಲೂಗಡ್ಡೆ
3 ಟೊಮೆಟೊ
1 ನುಗ್ಗೆಕಾಯಿ
1 ಈರುಳ್ಳಿ
ರುಚಿಗೆ ತಕ್ಕ ಉಪ್ಪು
1 ಚಮಚ ಸಾಂಬಾರ್‌ ಪುಡಿ
1 ಚಮಚ ಕೊತ್ತಂಬರಿ ಪುಡಿ
4-5 ಎಸಳು ಬೆಳ್ಳುಳ್ಳಿ
1/4 ಚಮಚ ಅರಿಶಿಣ
ಸ್ವಲ್ಪ ಹುಣಸೆ ಹಣ್ಣು
1 ಚಮಚ ಕಡಲೆ ಬೇಳೆ
1 ಚಮಚ ಉದ್ದು
ಅರ್ಧ ಕಪ್‌ ತುರಿದ ತೆಂಗಿನಕಾಯಿ
ಸಾಸಿವೆ
ಕರಿಬೇವು
ಇಂಗು

ಮಾಡುವ ವಿಧಾನ:
ಸ್ಟೆಪ್ 1
ಕುಕ್ಕರ್‌ಗೆ ಬೇಳೆ, ಆಲೂಗಡ್ಡೆ, ಈರುಳ್ಳಿ ಹಾಕಿ ಸ್ವಲ್ಪ ನೀರು ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಬೇಯಿಸಿ.

ಸ್ಟೆಪ್‌ 2
ಈಗ ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಬರುವಾಗ ಕರಿಬೇವು ಹಾಕಿ, ಉದ್ದಿನ ಬೇಳೆ, ಕಡಲೆ ಬೇಳೆ, ಚಿಟಿಕೆಯಷ್ಟು ಇಂಗು ಹಾಕಿ ಗ್ಯಾಸ್ ಉರಿ ಕಮ್ಮಿ ಮಾಡಿ, ಉದ್ದು ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗುವಾಗ ಸಾಂಬಾರ್‌ ಪುಡಿ, ಕೊತ್ತಂಬರಿ ಪುಡಿ ಹಾಕಿ, ನಂತರ ಬೇಯಿಸಿದ ತರಕಾರಿ ಹಾಕಿ, ಈಗ ಟೊಮೆಟೊ, ಬದನೆಕಾಯಿ, ನುಗ್ಗೆಕಾಯಿ ಹಾಕಿ, ಅರಿಶಿಣ ಪುಡಿ ಸೇರಿಸಿ ಕುದಿಸಿ.

ಸ್ಟೆಪ್‌ 3
ಈಗ ರುಬ್ಬಿದ ತೆಂಗಿನಕಾಯಿ ಹಾಕಿ, ನಂತರ ಸ್ವಲ್ಪ ಹುಣಸೆ ಹಣ್ಣಿನ ರಸ ಹಿಂಡಿ, ಸಾಂಬಾರ್‌ ಅನ್ನು 2-3 ನಿಮಿಷ ಕುದಿಸಿದರೆ ರುಚಿರುಚಿಯಾದ ಸಾಂಬಾರ್‌ ರೆಡಿ.