ವಾರದವರೆಗೆ ಚಪಾತಿ ಹಿಟ್ಟು ಫ್ರೆಶ್ ಆಗಿ ಇಡಲು ಟಿಪ್ಸ್

ಬೆಳಗ್ಗಿನ ಬ್ರೇಕ್‌ ಪಾಸ್ಟ್‌ ತಯಾರಿಸಿ ಆಫೀಸ್‌ಗೆ ಹೊರಡುವ ಮಹಿಳೆಯರು ಸುಲಭದಲ್ಲಿ ಮಾಡಬಹುದಾದ ಅಡುಗೆ ಬಗೆಯೇ ಆಲೋಚಿಸುತ್ತಾರೆ. ಇವತ್ತೇನು ಮಾಡುವುದು ಪಲಾವ್‌ ಮಾಡುವ, ಚಿತ್ರಾನ್ನ ಓಕೆ, ಪುಳಯೊಗರೆ ಬೇಗನೆ ಆಗುತ್ತದೆ ಹೀಗೆ ಹೆಚ್ಚು ಸಮಯ ತೆಗೆದುಕೊಳ್ಳದ ಅಡುಗೆ ಮಾಡಲು ಇಷ್ಟಪಡುತ್ತಾರೆ.'

ಆದರೆ ಮನೆಯಲ್ಲಿ ಕೆಲವೊಮ್ಮೆ ಮಕ್ಕಳು ಅನ್ನದ ಐಟಂ ಬೇಡ, ಚಪಾತಿ ಮಾಡು ಎನ್ನಬಹುದು, ಇಲ್ಲ ತೂಕ ಹೆಚ್ಚಾಗುತ್ತಿದೆ ಸ್ವಲ್ಪ ಚಪಾತಿ ತಿಂದು ತೂಕವನ್ನು ಹತೋಟಿಯಲ್ಲಿಡಬೇಕು ಎಂದು ನಮಗೇ ಅನಿಸಬಹುದು. ಆದರೆ ಬೆಳಗ್ಗೆ ಆಫೀಸ್‌ಗೆ ಹೊತ್ತಾಗುತ್ತಿರುವಾಗ ಚಪಾತಿ ಹಿಟ್ಟನ್ನು ಕಲಿಸಿಕೊಂಡು ಕೂರುವವರು ಯಾರು ಎಂಬ ಚಿಂತೆಯೇ? ಡೋಂಟ್‌ ವರಿ ಈ ಟಿಪ್ಸ್‌ ಚಪಾತಿ ಹಿಟ್ಟನ್ನು ವಾರದವರೆಗೆ ಫ್ರೆಶ್‌ ಆಗಿ ಇಡಲು ಸಹಾಯ ಮಾಡುತ್ತದೆ.

ಹಿಟ್ಟನ್ನು ಮಾಡಿ ಫ್ರಿಜ್‌ನಲ್ಲಿಟ್ಟರೆ ಚಪಾತಿ ಬೇಕು ಅನಿಸಿದಾಗೆಲ್ಲಾ ಮಾಡಿ ತಿನ್ನಬಹುದು:

ಇಲ್ಲಿ ನಾವು ಕೆಲ ಸೂಪರ್‌ ಟಿಪ್ಸ್‌ ನೀಡಿದ್ದೇವೆ. ಈ ಟಿಪ್ಸ್‌ ಚಪಾತಿ ಹಿಟ್ಟನ್ನು ಫ್ರೆಶ್ ಆಗಿ ಇಡಲು ಸಹಾಯ ಮಾಡುವುದು.

1. ಚಪಾತಿಗೆ ಹಿಟ್ಟು ಕಲಿಸುವಾಗ ಬಿಸಿ ನೀರಿನ ಬದಲು ತಣ್ಣೀರು ಬಳಸಿ ಕಲೆಸಿದರೆ ಹಿಟ್ಟು ಹೆಚ್ಚು ಸಮಯ ಫ್ರೆಶ್‌ ಆಗಿರುತ್ತದೆ.

2. ಚಪಾತಿಗೆ ಹುಟ್ಟು ಕಲೆಸುವಾಗ 2-3 ಚಮಚ ಎಣ್ಣೆ ಹಾಕಿ ಕಲೆಸಿ.

3. ರುಚಿಗೆ ತಕ್ಕ ಉಪ್ಪು ಹಾಕಿ ಕಲೆಸಿ.

4. ನಂತರ ಅದನ್ನು ಒಂದು ಪ್ಲಾಸ್ಟಿಕ್‌ ಕವರ್‌ನಲ್ಲಿ ಹಾಕಿ ಫ್ರಿಜ್‌ನಲ್ಲಿಡಿ.

ಇತರ ಟಿಪ್ಸ್ ಚಪಾತಿಯನ್ನು ಆಗಲೇ ಮಾಡಿ ತಿನ್ನುವುದಾದರೆ ಬಿಸಿ ನೀರು, ಸ್ವಲ್ಪ ಹಾಲು, ಉಪ್ಪು, ಎಣ್ಣೆ ಹಾಕಿ ಕಲೆಸಿದರೆ ಚಪಾತಿ ತುಂಬಾ ಮೆದುವಾಗಿರುತ್ತದೆ.