*ಶ್ರೀದೇವಿ ಭಟ್‌
ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಇಷ್ಟವಾಗುವ ತಿನಿಸು ಮೊಮೋ.
ಸಾಮಗ್ರಿ: ಮೈದಾ ಹಿಟ್ಟಿನ ಹಾಳೆಯೊಳಗೆ ತುಂಬಲು ಬೇಕಾಗುವ ವಸ್ತುಗಳೆಂದರೆ 1 ಕಪ್‌ ತುರಿದ ಕ್ಯಾರೇಟ್‌, 1 ಕಪ್‌ ಹೆಚ್ಚಿದ ಕ್ಯಾಬೀಜ್‌, 2-3 ಬೆಳ್ಳುಳ್ಳಿ ಎಸಳು, 1-2 ಶುಂಠಿ ಚೂರು, 1 ಟೀ ಸ್ಪೂನ್‌ ವಿನೆಗರ್‌, 1 ಟೀಸ್ಪೂನ್‌ ಸೋಯಾ ಸಾಸ್‌, ಸ್ವಲ್ಪ ಸಕ್ಕರೆ, ರುಚಿಗೆ ತಕ್ಕಷ್ಟು ಉಪ್ಪು. ಮೊಮೋ ಹಾಳೆಗಾಗಿ 1ಕಪ್‌ ಮೈದಾ, ಉಪ್ಪು, ಸ್ವಲ್ಪ ಬೇಕಿಂಗ್‌ ಸೋಡಾ, ಎಣ್ಣೆ ಅಗತ್ಯ.
ವಿಧಾನ: ಕ್ಯಾರೇಟ್‌, ಕ್ಯಾಬೀಜ್‌ ಸೇರಿದಂತೆ ಮೇಲೆ ಹೇಳಿದ ಎಲ್ಲ ವಸ್ತುಗಳನ್ನು ಸೇರಿಸಿ ಪಲ್ಯ ಮಾಡಿಟ್ಟುಕೊಳ್ಳಿ. ಅನಂತರ ಚಪಾತಿ ಹಿಟ್ಟಿನಂತೆ ಮೈದಾ, ಸೋಡಾ , ಉಪ್ಪು ಹಾಕಿ ಕಲೆಸಿಕೊಳ್ಳಿ. ಅನಂತರ ಕೈಯಲ್ಲಿ ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿ ಚಪಾತಿಯಂತೆ ಲಟ್ಟಿಸಿ. ಅದರೊಳಗೆ ಮೊದಲೇ ಮಾಡಿಟ್ಟುಕೊಂಡ ಮಸಾಲ ಪಲ್ಯವನ್ನು ತುಂಬಿ. ಬೇಕಾದ ಆಕಾರಕ್ಕೆ ಮಡಿಚಿ. ಇಡ್ಲಿ ಪಾತ್ರೆಯಲ್ಲಿಟ್ಟು ಹಬೆಯಲ್ಲಿ ಬೇಯಿಸಿ. ಇದನ್ನು ಟೊಮೇಟೊ ಚಟ್ನಿ ಜತೆ ಸೇವಿಸಬಹುದು. ಸಾಸ್‌ ಕೂಡ ಇದಕ್ಕೆ ಒಳ್ಳೆಯ ಕಾಂಬಿನೇಷನ್‌.
ಟಿಫ್ಸ್‌: ತುಂಬಲು ನೂಡಲ್ಸ್‌, ಶಾವಿಗೆ ಉಪ್ಪಿಟ್ಟು ಕೂಡ ಹಾಕಬಹುದು.