ಹಬ್ಬದ ಅಡುಗೆ -ಅನನಾಸು ಶೀರಾ

ಹಬ್ಬಕ್ಕೆ ಸುಲಭವಾಗಿ ಮಾಡಬಹುದಾದ ರುಚಿಕರವಾದ ಸಿಹಿ ತಿನಿಸುಗಳಲ್ಲೊಂದು ಅನನಾಸು ಶೀರಾ.

ಇಲ್ಲಿ ನಾವು ಅನನಾಸು ಶೀರಾ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು

ಚಿರೋಟಿ ರವೆ ಎರಡು ಕಪ್‌
ತುಪ್ಪ ಮುಕ್ಕಾಲು ಕಪ್‌
ಸಣ್ಣಗೆ ಹೆಚ್ಚಿದ ಆನನಾಸಿನ ಹೋಳು ಎರಡು ಕಪ್‌
ಬಿಸಿ ನೀರು ಎರಡು ಕಪ್‌
ಒಂದೂವರೆ ಕಪ್‌ ಸಕ್ಕರೆ,
ಏಲಕ್ಕಿ ಪುಡಿ ಅರ್ಧ ಚಮಚ
ಸ್ವಲ್ಪ ಗೋಡಂಬಿ, ದ್ರಾಕ್ಷಿ

ಮಾಡುವ ವಿಧಾನ:

*ಗೋಡಂಬಿ ದ್ರಾಕ್ಷಿಯನ್ನು 1 ಚಮಚ ತುಪ್ಪದಲ್ಲಿ ಹುರಿದು ಇಟ್ಟುಕೊಳ್ಳಿ.

* ತುಪ್ಪದಲ್ಲಿ ರವೆಯನ್ನು ಹುರಿದು ಇಡಿ.

* ಈಗ ಉಳಿದ ತುಪ್ಪ ಹಾಕಿ ಅದರಲ್ಲಿ ಅನನಾಸು ಹಾಕಿ ಹುರಿಯಿರಿ. ಅನನಾಸು ಮೆತ್ತಗಾದ ಮೇಲೆ ಸಕ್ಕರೆ ಹಾಕಿ 2 ಕಪ್‌ ಬಿಸಿ ನೀರು ಹಾಕಿ, ಏಲಕ್ಕಿ ಪುಡಿ, ಚಿಟಿಕೆಯಷ್ಟು ಉಪ್ಪು ಹಾಕಿ ಕುದಿಸಿ. ನಂತರ ಹುರಿದ ರವೆ ಹಾಕಿ ಮಿಕ್ಸ್ ಮಾಡಿ ಕಡಿಮೆ ಉರಿಯಲ್ಲಿ ಆಗಾಗ ತಿರುಗಿಸುತ್ತಾ ಬೇಯಿಸಿ.

* ನಂತರ ಗೋಡಂಬಿ, ದ್ರಾಕ್ಷಿಯಿಂದ ಅಲಂಕರಿಸಿದರೆ ಅನನಾಸು ಶೀರಾ ರೆಡಿ.