ಹಬ್ಬದ ಅಡುಗೆ-ಸಾಬುದಾನ ಪಾಯಸ

ಓದಲು-ದುಡಿಯಲು ದೂರದ ಊರಿಗೆ ಬಂದವರಿಗೆ ಹಬ್ಬ ಬಂತೆಂದರೆ ಮನೆಯ ನೆನಪು ತುಂಬಾ ಕಾಡುವುದು. ಕೆಲವೊಮ್ಮೆ ಹಲವು ಕಾರಣಗಳಿಂದಾಗಿ ಹಬ್ಬಕ್ಕೆ ಊರಿಗೆ ಹೋಗಲು ಸಾಧ್ಯವಾಗಲ್ಲ. ಮನೆಯಲ್ಲಿ ಅಮ್ಮ ಮಾಡುವ ಹಬ್ಬದ ಅಡುಗೆಯನ್ನಂತೂ ತುಂಬಾ ಮಿಸ್‌ ಮಾಡುತ್ತೇವೆ.

ಇಲ್ಲಿ ನಾವು ಸಾಬೂದಾನ ಪಾಯಸ ರೆಸಿಪಿ ನೀಡಿದ್ದೇವೆ. ಇದನ್ನು ಅಡುಗೆ ಮಾಡಲು ಗೊತ್ತಿಲ್ಲದವರೂ ಕೂಡ ರುಚಿಕರವಾಗಿ ಮಾಡಬಹುದಾಗಿದ್ದು, ಇದನ್ನು ಮಾಡಿ ಹಬ್ಬದ ಸವಿಯನ್ನು ರೂಂಮೇಟ್‌ ಜತೆ ಸವಿಯಿರಿ.

ಬೇಕಾಗುವ ಸಾಮಾಗ್ರಿಗಳು
1 ಕಪ್‌ ಸಬ್ಬಕ್ಕಿ/ಸಾಬುದಾನ
2 ಚಮಚ ಗೋಡಂಬಿ
2 ಚಮಚ ದ್ರಾಕ್ಷಿ
2 ಲೀಟರ್‌ ಹಾಲು
2 ಕಪ್‌ ನೀರು
1 ಚಮಚ ತುಪ್ಪ

ಮಾಡುವ ವಿಧಾನ:

ಸ್ಟೆಪ್ 1
ರಾತ್ರಿಯೇ ಸಾಬುದಾನವನ್ನು ನೀರಿನಲ್ಲಿ ನೆನೆ ಹಾಕಿ. ಪಾಯಸ ಮಾಡಲು ಹೊರಡುವಾಗ ಅದರ ನೀರು ಸೋಸಿ ಒಂದು ಪಾತ್ರೆಗೆ ಹಾಕಿ ಅದರಲ್ಲಿ ಹಾಲು ಹಾಕಿ ಕಾಯಿಸಿ.

ಸ್ಟೆಪ್‌ 2
ಹಾಲನ್ನು 20 ನಿಮಿಷ ಕಾಯಿಸಿ. ಹೀಗೆ ಕಾಯಿಸುವಾಗ ಹಾಲು ಕುದಿ ಬಂದು ಚೆಲ್ಲದಿರಲು ಪಾತ್ರೆ ಸ್ವಲ್ಪ ದೊಡ್ಡದಿರಲಿ.
(ಸಾಧಾರಣ ಉರಿಯಲ್ಲಿ ಬೇಯಿಸಿ)

ಸ್ಟೆಪ್‌ 3
ಇದೇ ಸಮಯದಲ್ಲಿ ಒಂದು ಚಿಕ್ಕ ಪಾತ್ರೆಯಲ್ಲಿ ನೀರು ಹಾಕಿ ಬಿಸಿ ಮಾಡಿ ಅದರಲ್ಲಿ ಸಕ್ಕರೆ ಹಾಕಿ ಕಲೆಸಿ, ಸಕ್ಕರೆ ಪಾಕ ಮಾಡಿ ಹಾಲಿಗೆ ಹಾಕಿ ಮಿಕ್ಸ್‌ ಮಾಡಿ ಮತ್ತೆ 5 ನಿಮಿಷ ಕುದಿಸಿ.

ಸ್ಟೆಪ್‌ 4
ಈಗ ಪ್ಯಾನ್‌ಗೆ ಒಂದು ಚಮಚ ತುಪ್ಪ ಹಾಕಿ ಅದರಲ್ಲಿ ಗೋಡಂಬಿ-ದ್ರಾಕ್ಷಿಯನ್ನು ಒಂದು ನಿಮಿಷ ಫ್ರೈ ಮಾಡಿ, ಪಾಯಸಕ್ಕೆ ಹಾಕಿದರೆ ಸಾಬುದಾನ ಪಾಯಸ ರೆಡಿ.