ಕ್ರಿಸ್ಮಸ್‌ಗೆ ಪ್ಲಮ್‌ ಕೇಕ್ ರೆಸಿಪಿ

ಈ ಕ್ರಿಸ್ಮಸ್‌ಗೆ ಪ್ಲಮ್‌ ಕೇಕ್ ಮಾಡಿ ಸವಿಯಿರಿ. ಇಲ್ಲಿದೆ ನೋಡಿ ಅದರ ಸರಳ ರೆಸಿಪಿ:

ಬೇಕಾಗುವ ಸಾಮಾಗ್ರಿಗಳು
250 ಗ್ರಾಂ ಮೈದಾ
150 ಗ್ರಾಂ ಬ್ರೌನ ಶುಗರ್‌
30ಗ್ರಾಂ ಬಾದಾಮಿ
1/4 ಕಪ್ ಹಾಲು
150 ಗ್ರಾಂ ಉಪ್ಪು ಹಾಕದ ಬೆಣ್ಣೆ
1 ಚಮಚ ಚಕ್ಕೆ ಪುಡಿ
5 ಹನಿ ವೆನಿಲ್ಲಾ ಎಸೆನ್ಸ್
100 ಗ್ರಾಂ ಡ್ರೈ ಪ್ಲಮ್‌
2 ಚಮಚ ಬೇಕಿಂಗ್‌ ಪೌಡರ್
3 ಮೊಟ್ಟೆ

ಪ್ಲಮ್‌ ಕೇಕ್‌ ಮಾಡುವ ವಿಧಾನ:

ಸ್ಟೆಪ್‌ 1
ಒಂದು ಬೌಲ್‌ನಲ್ಲಿ ಮೈದಾ, ಬೇಕಿಂಗ್‌ ಪೌಡರ್‌ ಹಾಕಿ ಮಿಕ್ಸ್‌ ಮಾಡಿಡಿ. ಈಗ ಮತ್ತೊಂದು ಬೌಲ್‌ನಲ್ಲಿ ಬೆಣ್ಣೆ ಮತ್ತು ಸಕ್ಕರೆ ಹಾಕಿ, ಸಕ್ಕರೆ ಚೆನ್ನಾಗಿ ಕರಗುವವರೆಗೆ ಮಿಕ್ಸ್‌ ಮಾಡಿ. ನಂತರ ಮೊಟ್ಟೆಗಳನ್ನು ಹಾಕಿ ಚೆನ್ನಾಗಿ ಮಿಕ್ಸ್‌ ಮಾಡಿ ಇಡಿ.

ಸ್ಟೆಪ್‌ 2
ಈಗ ಮೈದಾ ಮಿಶ್ರಣವನ್ನು ಮೆಲ್ಲನೆ ಮೊಟ್ಟೆ ಮಿಶ್ರಣಕ್ಕೆ ಸ್ಪೂನ್‌ನಿಂದ ಮಿಕ್ಸ್ ಮಾಡುತ್ತಾ ಸುರಿಯಿರಿ, ಕಂಡೆನ್ಸ್ ಮಿಲ್ಕ್‌, ವೆನಿಲ್ಲಾ ಎಸೆನ್ಸ್ ಹಾಕಿ ಮಿಕ್ಸ್ ಮಾಡಿ. ಈಗ ಚಕ್ಕೆ ಪುಡಿ ಹಾಕಿ ಮಿಕ್ಸ್‌ ಮಾಡಿ 10 ನಿಮಿಷ ಇಡಿ. ಈಗ ಕೇಕ್‌ ಟ್ರೇಗೆ ಬೆಣ್ಣೆ ಸವರಿ ಅದರ ಮೇಲೆ ಮಿಶ್ರಣವನ್ನು ಸುರಿದು, ಬಾದಾಮಿಯನ್ನು ಮೇಲೆ ಉದುರಿಸಿ.

ಸ್ಟೆಪ್ 3
ಇದೀಗ ಡ್ರೈ ಪ್ಲಮ್‌ ಅನ್ನು ಕತ್ತರಿಸಿ, ಮಿಶ್ರಣದಲ್ಲಿ ಹಾಕಿ ಮಿಕ್ಸ್ ಮಾಡಿ.

ಸ್ಟೆಪ್‌ 4
ಈಗ ಮೈಕ್ರೋಓವನ್‌ 180 ಡಿಗ್ರಿ ಉಷ್ಣತೆಗೆ ಪ್ರೀಹೀಟ್‌ ಮಾಡಿ ಅದರಲ್ಲಿ ಕೇಕ್‌ ಮಿಶ್ರಣ ಇಟ್ಟು 1 ಗಂಟೆ ಬೇಯಿಸಿ.

ಸ್ಟೆಪ್‌ 5
ಈಗ ಕೇಕ್‌ ಹೊರತೆಗೆದು ತಣ್ಣಗಾದ ಮೇಲೆ ಫ್ರಿಜ್‌ನಲ್ಲಿ ಇಟ್ಟು 1 ಗಂಟೆ ಇಟ್ಟು, ನಂತರ ಕತ್ತರಿಸಿ ಸವಿಯಿರಿ.