ಹಲಸಿನ ಹಣ್ಣಿನ ಕೊಟ್ಟೆ ಕಡಬು ಟೇಸ್ಟ್ ಮಾಡಬೇಕೆನಿಸುತ್ತಿದೆಯೇ?

ಹಲಸಿನ ಹಣ್ಣನ್ನು ನೋಡುವಾಗ ಮನೆಯಲ್ಲಿ ಅಮ್ಮ ಮಾಡಿಕೊಡುತ್ತಿದ್ದ ಅಡೆ/ ಕೊಟ್ಟೆಕಡುಬು ನೆನೆಪಾಗಿರಬಹುದು ಅಲ್ವಾ? ಇದನ್ನು ಮಾಡಲಿಕ್ಕೆ ಬರಲ್ಲ ಅಂತ ಚಿಂತೆ ಬೇಡ. ಅಮ್ಮ ಮಾಡಿದಷ್ಟೇ ರುಚಿಕರವಾಗಿ ಮಾಡಬಹುದು.

ಇದನ್ನು ಮಾಡುವ ವಿಧಾನ ತುಂಬಾ ಸರಳವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಬಾಳೆ ಎಲೆ, ಅರಿಶಿಣ ಎಲೆ(ಯಾವುದಾದರೂ ಆದೀತು)
1 ಕಪ್‌ ಬೆಲ್ಲದ ಪುಡಿ
3 ಏಲಕ್ಕಿ(ಪುಡಿ ಮಾಡಿದ್ದು)
2 ಕಪ್‌ ಹಲಸಿನ ಹಣ್ಣಿನ ರಸ
1ಕಪ್‌ ಅಕ್ಕಿ ಹಿಟ್ಟು (ರೋಸ್ಟ್‌ ಮಾಡಿ)
ಸ್ವಲ್ಪ ಉಪ್ಪು(ಅರ್ಧ ಚಮಚಕ್ಕಿಂತಲೂ ಕಮ್ಮಿ ಹಾಕಿ)
ತೆಂಗಿನ ತುರಿ ಅರ್ಧ ಕಪ್
ಅರ್ಧ ಚಮಚ ಜೀರಿಗೆ

ಮಾಡುವ ವಿಧಾನ

* ಕೂಳೆ ಅಥವಾ ಬಿಳುವ ಹಲಸಿನ ಹಣ್ಣಾದರೆ ಅದರ ರಸವನ್ನು ತೆಗೆಯಿರಿ. ಅದೇ ಬಕ್ಕೆ ಹಲಸಿನ ಹಣ್ಣಾದರೆ ಅದನ್ನು ನುಣ್ಣಗೆ ರುಬ್ಬಿ.

* ನಂತರ ಹಲಸಿನ ಹಣ್ಣಿನ ರಸ, ಅಕ್ಕಿ ಹಿಟ್ಟು, ಬೆಲ್ಲ, ಜೀರಿಗೆ, ಏಲಕ್ಕಿ ರುಚಿಗೆ ತಕ್ಕ ಉಪ್ಪು, ತೆಂಗಿನ ತುರಿ ಹಾಕಿ ಮಿಕ್ಸ್‌ ಮಾಡಿ(ಈ ಮಿಶ್ರಣ ರೊಟ್ಟಿಗೆ ತಟ್ಟುವಷ್ಟು ಗಟ್ಟಿಯಾಗಿರಲಿ).

* ಈಗ ಈ ಮಿಶ್ರಣವನ್ನು ಚಿಕ್ಕ-ಚಿಕ್ಕ ಎಲೆ ತುಂಡುಗಳಿಗೆ ಹಾಕಿ ಅದರಲ್ಲಿ ತಟ್ಟಿ, ಅದನ್ನು ಮಡಚಿ.

*ನಂತರ ಇಡ್ಲಿ ಪಾತ್ರೆಯಲ್ಲಿ ಹಬೆಯಲ್ಲಿ ಬೇಯಿಸಿದರೆ ಹಲಸಿನ ಹಣ್ಣಿನ ಕೊಟ್ಟೆ ಕಡಬು ರೆಡಿ.