ಕಾಯಿ ಹೋಳಿಗೆ ಮಾಡುವುದು ಹೇಗೆ?

ತೆಂಗಿನಕಾಯಿಯ ಬಿಳಿ ಭಾಗ ಎರಡು ಕಪ್‌, ಚೀರೋಟಿ ರವೆ ಒಂದು ಕಪ್‌, ಬೆಲ್ಲ ಒಂದೂವರೆ ಕಪ್‌/ಸಿಹಿ ಎಷ್ಟು ಬೇಕು ಅಷ್ಟು.

ಏಲಕ್ಕಿಪುಡಿ ಅರ್ಧ ಟೀ ಚಮಚ. ಮೊದಲು ಒಂದು ಬಾಣಲೆಯಲ್ಲಿ ಚೀರೋಟಿ ರವೆಯನ್ನು ಹಾಕಿ ಪರಿಮಳ ಬರುವರೆಗೆ ಹುರಿಯಿರಿ.

ಹುರಿದ ರವೆ, ತೆಂಗಿನಕಾಯಿ ತುರಿ ಮತ್ತು ಏಲಕ್ಕಿ ಪುಡಿಯನ್ನು ಹಾಕಿ ನೀರನ್ನು ಹಾಕದೇ ನುಣ್ಣಗೆ ರುಬ್ಬಿಕೊಳ್ಳಿ. ಬೆಲ್ಲಕ್ಕೆ ಸ್ವಲ್ಪ ನೀರು ಹಾಕಿ ಪಾಕ ತೆಗೆದುಕೊಳ್ಳಿ.ಈ ಪಾಕಕ್ಕೆ ರುಬ್ಬಿದ ಮಿಶ್ರಣ ಹಾಕಿ ಚೆನ್ನಾಗಿ ಕೈಯಾಡಿಸಿ. ಅದು ಉಂಡೆ ಹದ ಬಂದಾಗ ಒಲೆಯಿಂದ ಕೆಳಗಿಳಿಸಿ. ಆರಿದ ನಂತರ ಒಂದೇ ಗಾತ್ರದ ಉಂಡೆಗಳನ್ನು ಮಾಡಿ ಕಣಕದ ಒಳಗೆ ತುಂಬಿ ಬಾಳೆ ಎಲೆಯಲ್ಲಿ ಅಥವಾ ಬೈಡಿಂಗ್‌ ಪೇಪರ್‌ನಲ್ಲಿ ಲಟ್ಟಿಸಿ. ತವಾ ಬಿಸಿ ಮಾಡಿ ಎರಡು ಕಡೆ ತುಪ್ಪ ಅಥವಾ ಎಣ್ಣೆ ಸವರಿ ಬೇಯಿಸಿ.

ಮೈದಾ ಎರಡು ಕಪ್‌, ರುಚಿಗೆ ತಕ್ಕಷ್ಟು ತುಪ್ಪ ಎರಡು ಟೀ ಚಮಚ, ಅರಶಿನ ಪುಡಿ ಅರ್ಧ ಟೀ ಚಮಚ, ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಸ್ವಲ್ಪ ಸ್ವಲ್ಪ ನೀರನ್ನು ಹಾಕಿ ಚೆನ್ನಾಗಿ ನಾದಿಕೊಳ್ಳಿ. ಹಿಟ್ಟನ್ನು ಮೃದುವಾಗಿ, ಹಿಗ್ಗುವಂತೆ ನಾದಿ. ಒಂದು ಗಂಟೆ ನಾದಿಕೊಂಡ ಹಿಟ್ಟಿನ ಮೇಲೆ ಒದ್ದೆ ಬಟ್ಟೆಯನ್ನು ಮುಚ್ಚಿ. ಪುನಃ ನಾದಿಕೊಂಡು ಆ ಹಿಟ್ಟಿಗೆ ಎಣ್ಣೆಯನ್ನು ಹಾಕಿ. ಅದು ಎಣ್ಣೆಯನ್ನು ಹೀರಿಕೊಳ್ಳಲಿ. ಒಂದು ಗಂಟೆ ನಂತರ ಸಣ್ಣ ಸಣ್ಣ ಉಂಡೆಗಳನ್ನು ಮಾಡಿ ಅದರೊಳಗೆ ಹೂರಣವನ್ನು ತುಂಬಿ ಲಟ್ಟಿಸಿ.