ಬಿಸಿ ಅನ್ನ-ನಿಂಬೆ ರಸಂ ಆಹಾ! ಸೂಪರ್‌ ಕಾಂಬಿನೇಷನ್

ಬಿಸಿ ಬಿಸಿ ಅನ್ನದ ಜತೆ ನಿಂಬೆ ರಸಂ ಹಾಕಿ ತಿಂದರೆ ಒಂದು ತುತ್ತು ಹೆಚ್ಚೇ ನಮ್ಮ ಹೊಟ್ಟೆ ಸೇರುತ್ತದೆ. ಇಲ್ಲಿ ನಾವು ಸರಳ ನಿಂಬೆ ರಸಂ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಗ್ರಿ
1/2 ಕಪ್ ತೊಗರಿಬೇಳೆ
ಒಂದೂವರೆ ಕಪ್ ನೀರು (ಬೇಳೆ ಬೇಯಿಸಲು)
4 ಕಪ್ ನೀರು
1 ಅಥವಾ 2 ದೊಡ್ಡ ಟೊಮೆಟೊ
ಒಂದು ಚಿಕ್ಕ ತುಂಡು ಶುಂಠಿ
ರುಚಿಗೆ ತಕ್ಕ ಉಪ್ಪು
ಚಿಟಿಕೆಯಷ್ಟು ಅರಿಶಿಣ
2-1/2 ಚಮಚ ರಸಂ ಪುಡಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು
2 ಚಮಚ ತುಪ್ಪ
ಸ್ವಲ್ಪ ಕರಿಬೇವು
ಅರ್ಧ ಚಮಚ ಸಾಸಿವೆ
ಅರ್ಧ ಚಮಚ ಜೀರಿಗೆ
ಚಿಟಿಕೆಯಷ್ಟು ಮೆಂತೆಕಾಳು
1 ಒಣಮೆಣಸು
ಚಿಟಿಕೆಯಷ್ಟು ಇಂಗು
ಒಂದು ನಿಂಬೆ ಹಣ್ಣು

ಮಾಡುವುದು ಹೇಗೆ?

* ತೊಗರಿಬೇಳೆಯನ್ನು ಚೆನ್ನಾಗಿ ತೊಳೆದು ಚೆನ್ನಾಗಿ ಬೇಯಿಸಿ.
* ಈಗ ಟೊಮೆಟೊ, 4 ಕಪ್ ನೀರು, ರುಚಿಗೆ ತಕ್ಕ ಉಪ್ಪು, ಅರಿಶಿಣ, ರಸಂ ಪುಡಿ, ಜಜ್ಜಿದ ಶುಂಠಿ ಹಾಕಿ ಟೊಮೆಟೊ ಮೆತ್ತಗಾಗುವವರೆಗೆ ಬೇಯಿಸಿ.
* ನಂತರ ಬೇಳೆಯನ್ನು ಸೌಟ್‌ನಿಂದ ಮ್ಯಾಶ್‌ ಮಾಡಿ ಬೇಯಿಸಿ, ರಸಂ ಪುಡಿ ಹಾಕಿ ಕೊತ್ತಂಬರಿ ಸೊಪ್ಪು ಸೇರಿಸಿ.
* ಪ್ಯಾನ್‌ ಬಿಸಿ ಮಾಡಿ ತುಪ್ಪ ಬಿಸಿ ಮಾಡಿ, ಸಾಸಿವೆ ಹಾಕಿ, ನಂತರ ಜೀರಿಗೆ, ಮೆಂತೆ ಬೀಜ, ಒಣ ಮೆಣಸು ಹಾಕಿ, ಸಾಸಿವೆ ಮತ್ತು ಜೀರಿಗೆ ಚಟ್‌ಪಟ್‌ ಶಬ್ದ ಬರುವಾಗ ಕರಿಬೇವು ಹಾಕಿ, ನಂತರ ಇಂಗು ಹಾಕಿ ಬೇಳೆ ರಸಂಗೆ ಹಾಕಿ.
* ನಂತರ ನಿಂಬೆ ರಸ ಹಾಕಿ ಉಪ್ಪು ಸರಿಯಾಗಿದೆಯೇ ನೋಡಿ ಉರಿಯಿಂದ ಇಳಿಸಿ ಬಿಸಿ-ಬಿಸಿ ಅನ್ನದ ಜತೆ ಸರ್ವ್‌ ಮಾಡಿ.