ಮಾವಿನ ಹಣ್ಣಿನ ರೆಸಿಪಿ: ಮಾಂಬಳ ಗೊಜ್ಜು

ಕಾಡು ಅಥವಾ ಹೊಳೆ ಬದಿಯಲ್ಲಿ ದೊರೆಯುವ ಮಾವಿನ ಹಣ್ಣಿನ ರುಚಿಯೇ ಭಿನ್ನ...ಸ್ವಲ್ಪ ಹುಳಿ ಜಾಸ್ತಿ ಇರುವ ಈ ಮಾವಿನ ಹಣ್ಣಿನಿಂದ ರಸ ತೆಗೆದು ಅದನ್ನು ವರ್ಷದವರೆಗೆ ಬಳಸುತ್ತಾರೆ. ದಕ್ಷಿಣ ಕನ್ನಡದಲ್ಲಿ ಮಾಂಬಳ ಗೊಜ್ಜು ತುಂಬಾ ಫೇಮಸ್‌.

ಮಾಡುವ ವಿಧಾನ
ಕಾಡು ಮಾವಿನಹಣ್ಣು
ಬೆಲ್ಲ (ಸಿಹಿ ಬೇಕಿದ್ದರೆ)
ರುಚಿಗೆ ತಕ್ಕ ಉಪ್ಪು
ಹಸಿ ಮೆಣಸಿನಕಾಯಿ (ರುಚಿಗೆ ತಕ್ಕಷ್ಟು)
ಒಣ ಮೆಣಸು, ಸಾಸಿವೆ, ಕರಿಬೇವು (ಒಗ್ಗರಣೆಗೆ)

ಮಾಡುವ ವಿಧಾನ:
ಮಾವಿನ ಹಣ್ಣಿನ ತಿರುಳನ್ನು ಶುದ್ಧವಾದ ಬಟ್ಟೆಯಲ್ಲಿ ಹಾಕಿ ಅದರ ರಸ ತೆಗೆಯಬೇಕು. ನಂತರ ಆ ರಸವನ್ನು ಅಗಲವಾದ ತಟ್ಟೆಯಲ್ಲಿ ಹಾಕಿ 5-6 ದಿನ ಬಿಸಿಲಿನಲ್ಲಿ ಇಡಬೇಕು. ಮಾವಿನ ರಸ ಗಟ್ಟಿಯಾದಾಗ ಅದನ್ನು ಮಗುಚಿ ಹಾಕಿ ಒಣಗಿಸಿ. ಅದರ ಎರಡೂ ಬದಿ ಒಣಗಿದರೆ ಸವಿಯಲು ರೆಡಿ. ಈಗ ಒಣಗಿದ ಮಾಂಬಳವನ್ನು ಬೇಕಾದ ಆಕಾರಕ್ಕೆ ಕತ್ತರಿಸಿ ಡಬ್ಬದಲ್ಲಿ ಸಂಗ್ರಹಿಸಿ ಇಡಿ.

ಮಾಂಬಳ ಗೊಜ್ಜು ರೆಸಿಪಿ
ನಿಮಗೆ ಬೇಕಾದಷ್ಟು ಮಾಂಬಳ ತೆಗೆದು ಸ್ವಲ್ಪ ನೀರಿನಲ್ಲಿ ನೆನೆ ಹಾಕಿ, ಸಿಹಿ ಬೇಕೆನ್ನುವವರು ಬೆಲ್ಲದ ಜತೆ ಹಾಕಿ ಕುದಿಸಿ, ಹಸಿ ಮೆಣಸಿನಕಾಯಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ, ನಂತರ ಒಗ್ಗರಣೆ ಹಾಕಿದರೆ ಮಾಂಬಳ ಗೊಜ್ಜು ರೆಡಿ.